JEREMIAH 39:8 - Edisana ñwed Abasi Ibom

⁸ Mme Chaldean enyuŋ efɔp ufɔk edidem, ye ufɔk mbio-obio ke ikaŋ; enyuŋ ewuri ibibene Jerusalem.

JEREMIAH 39:8 ပူးပေါင်းရင်းမြစ်များ

2 NDIDEM 25:8

Ekem ke ɔyɔhɔ ɔfiɔŋ ition, ke ɔyɔhɔ usen itiaba ke ɔfiɔŋ, emi edide ɔyɔhɔ isua edidem Nebuchadnezzar edidem Babylon efurenaŋ, Nebuzaradan etubom mbon-ukpeme edidem, owo edidem Babylon, edisim Jerusalem:

2 CHRONICLES 36:19

Mmɔ enyuŋ efɔp ufɔk Abasi, enyuŋ ewuri ibibene Jerusalem, enyuŋ efɔp kpukpru ufɔk mbɔŋ mmɔ ke ikaŋ, enyuŋ ebiat kpukpru ndiye ŋkpɔ esie.

NEHEMIAH 1:3

Ndien mmɔ edɔhɔ mi, ete, Mme mmɔ oro eketode ke itie ntaŋ-mfep esuhɔ ko ke province, ke etie ke akwa ukut, ye ke esuene: ibibene Jerusalem onyuŋ owure, itim esie ema enyuŋ eta ikaŋ.

ŊWED MME PSALM 79:7

Koro enye adiade Jacob, mmɔ enyuŋ ebiat iduŋ esie.

ISAIAH 5:9

Jehovah mme udim ɔdɔhɔ mi ke utɔŋ, ete, Kakpan ediwak ufɔk, ikpɔ ye nti, eyekabare edi ŋwure, koro owo eke oduŋde miduhe.

JEREMIAH 17:27

Edi mbufo minyimeke ndikop uyo mi, nnyuŋ nnim usen sabbath ke edisana, man ekunyuŋ ebiom mbiomo eduk ke inua-otop Jerusalem ke usen sabbath; ndien ami nyebara ikaŋ ke inua-otop esie, eke editade ikpɔ ufɔk Jerusalem, ndien idinimeke.

JEREMIAH 21:10

Koro mmowuk iso mi nse obio emi, nte nnam enye ɔdiɔk, nnamke enye eti ŋkpɔ, Jehovah ɔdɔhɔ: eyeda enye esin ke ubɔk edidem Babylon, ndien enye eyefɔp enye ke ikaŋ.

JEREMIAH 32:29

ndien mme Chaldean eke eŋwanade ekɔŋ ye obio emi, eyedi edikim ikaŋ ke obio emi, enyuŋ efɔp enye, ye ufɔk oro mmɔ ekefɔpde ŋkpɔ ke enyɔŋ ɔkɔm mmɔ enɔ Baal, enyuŋ ɔtɔhɔde ediŋwɔŋ uwa mmɔ enɔ abasi efen, man eyat mi esit.

JEREMIAH 34:2

Ntem ke Jehovah Abasi Israel ɔdɔhɔ, ete, Ka kɔdɔhɔ ikɔ ye Zedekiah edidem Judah, nyuŋ tiŋ ntem nɔ enye, ete Ntem ke Jehovah ɔdɔhɔ, ete, Sese, ami mmɔŋ nda obio emi nsin edidem Babylon ke ubɔk, ndien enye eyefɔp enye ke ikaŋ.

JEREMIAH 34:22

Jehovah ɔdɔhɔ ete, Sese, ami mmɔŋ ŋwuk, nnyuŋ nda mmɔ mfiak ndi ke obio emi; ndien mmɔ eyeŋwana ekɔŋ ye enye, enyuŋ eda enye, enyuŋ efɔp enye ke ikaŋ: ndien nyenim mme obio Judah ke ŋkpɔ nsobo tutu anana owo eke oduŋde.

JEREMIAH 37:10

Koro mbufo ekpewot ofuri udim-ekɔŋ mme Chaldean emi eŋwanade ekɔŋ ye mbufo, ndien mmɔ ekpesuk mbio unan mbio unan, kpukpru mmɔ ekpedaha ke enyɔŋ ke tent mmɔ, enyuŋ efɔp obio emi ke ikaŋ.

JEREMIAH 38:18

edi munyimeke ndiwɔrɔ ntiene ikpɔ owo edidem Babylon, obio emi eyesine mme Chaldean ke ubɔk: ndien mmɔ eyefɔp enye ke ikaŋ, afo udunyuŋ ubɔhɔke mmɔ ke ubɔk.

JEREMIAH 5:10

Mbufo edɔk ke ibibene esie ekewuri; edi ekunam ema: ekibi enye nnyɔninyɔ efep: koro mmɔ minyeneke Jehovah.

JEREMIAH 7:20

Mmɔdo ntem ke Ɔbɔŋ Jehovah ɔdɔhɔ, ete, Sese, ke eŋwaŋa iyaresit mi ye ifuresit mi ke ebiet emi, odoro owo, ye ufene, ye eto ikɔt, ye mbuŋwum iŋwaŋ; ndien enye eyesak, idinyuŋ inimeke.

ŊWED ESEME 1:10

Asua ama anyan ubɔk esie otuk kpukpru ŋkpɔ uto esie: ŋkɔm enye ama okut nte mme idut edukde ke edisana ebiet esie, kpa mme idut emi afo okowukde, ete edukde ke edisana ebiet esie, kpa mme idut emi afo okowukde, ete ekuduk ke esop fo.

ŊWED ESEME 2:2

Ɔbɔŋ omosobo kpukpru mme iduŋ Jacob, inyuŋ ituaha owo mbɔm: enye omowuri mkpɔsɔŋ ebiet adiaha Judah ke ifuresit esie; anam mmɔ esim isɔŋ: enye asa-bare itie edidem esie ye mbɔŋ esie.

ŊWED ESEME 2:7

Ɔbɔŋ ɔmɔduɔk itie-uwa esie, amasua edisana ebiet esie, ada ibibene ikpɔ ufɔk esie esin mbon usua ke ubɔk; mmɔ emenere uyo ke ufɔk Jehovah, kpa nte eke usen ederi.

EZEKIEL 16:41

enyuŋ efɔp ufɔk fo ke ikaŋ, enyuŋ enɔ fi ufen ke iso ediwak iban; ndien nyenam fi etre ndisin efibe, ndien afo udunɔŋɔ aba utip.

EZEKIEL 23:47

Ndien akwa otu owo eyetɔŋɔ mmɔ ke itiat, enyuŋ ekpi mmɔ ke ofut mmɔ; eyewot nditɔ-iren mmɔ, ye nditɔ-iban mmɔ, enyuŋ efɔp ufɔk mmɔ ke ikaŋ.

EZEKIEL 33:21

Edikem ke ɔyɔhɔ isua duopeba nte eketaŋ nnyin efep, ke ɔyɔhɔ ɔfiɔŋ duop, ke ɔyɔhɔ usen ɔfiɔŋ ition, owo emi okotode ke Jerusalem ɔbɔhɔ osim mi, ete, Emesuan obio.

AMOS 2:5

Ndien nyekim ikaŋ ke Judah, eke editade ikpɔ ufɔk Jerusalem.

MICAH 3:12

Mmɔdo eyefuŋ Zion nte iŋwaŋ ebaŋa mbufo, Jerusalem eyenyuŋ akabare edi ibombom ŋko, obot ufɔk emi eyenyuŋ akabare edi ŋkokoŋo ebiet akai.