JEREMIAH 39:5 - Edisana ñwed Abasi Ibom

⁵ Ndien mbonekɔŋ mme Chaldean ebine mmɔ ke edem, enyuŋ esim Zedekiah ke una-isɔŋ Jericho; ndien adaŋemi mmɔ emumde enye, mmɔ eda enye edɔk ekesɔk Nebuchadrezzar edidem Babylon ke Riblah ke isɔŋ Hamath; ndien enye ekpe ikpe ye enye.

JEREMIAH 39:5 ပူးပေါင်းရင်းမြစ်များ

2 SAMUEL 8:9

Ekem Toi edidem Hamath okop, ete ke David ama akan ofuri udim - ekɔŋ Hadadezer.

2 NDIDEM 17:24

Ekem edidem Assyria ada owo ke Babylon, ye ke Cuthah, ye ke Avva, ye ke Hamath, ye ke Sepharvaim, edi edinim mmɔ ke mme obio Samaria ke ibuot nditɔ Israel: ndien mmɔ eda Samaria enyene, enyuŋ eduŋ ke mme obio esie.

2 NDIDEM 23:33

Ndien Pharaoh-necoh esin enye ke ŋkpɔkɔbi ke Riblah ke idut Hamath, ke ini enye adade ubɔŋ ke Jerusalem, onyuŋ adia isɔŋ isop talent silver ikie, ye talent gold kiet.

2 NDIDEM 25:6

Ndien mmɔ emum edidem, enyuŋ eda enye esɔk edidem Babylon ke Riblah; ndien mmɔ ekpe ikpe ye enye.

2 CHRONICLES 33:11

Ekem Jehovah ada mme etubom udim-ekɔŋ edidem Assyria edi etiene mmɔ, ndien mmɔ emum Manasseh ke uwem, enyuŋ ekɔbi enye ufat-ubɔk ndien eda enye enyɔŋ ke Babylon.

ISAIAH 22:3

Kpukpru mme etubom fo efehe ɔtɔ kiet; ebɔp mmɔ, idige ke utiga: eda kpukpru nditɔ fo eke mmɔ ekutde ebɔp ɔtɔ kiet, mmɔ eto ke anyan ebiet efeŋe.

JEREMIAH 21:7

Jehovah onyuŋ ɔdɔhɔ ete, Ke ini ŋkpɔ oro ebede, nyeda Zedekiah, edidem Judah, ye ikɔt esie, ye mbio-obio, ye mmɔ eke udɔŋɔ ye ofut ye akaŋ esuhɔde ke obio emi, nsin Nebuchadrezzar edidem Babylon ke ubɔk, ye ke ubɔk mme asua mmɔ, ye ke ubɔk mmɔ eke eyomde uwem mmɔ: ndien enye eyekpeŋe mmɔ ke iso ofut; idituaha mmɔ, idinyuŋ iyakke mmɔ, idinyuŋ inyeneke mbɔm.

JEREMIAH 24:8

Ndien ama edi mme idiɔk fig emi owo mikemeke ndidia, koro mmɔ ediɔkde; ŋkɔm ntem ke Jehovah ɔdɔhɔ, ete, Ke ntre ke ndiyak Zedekiah, edidem Judah, ye mbɔŋ esie, ye nditɔ Jerusalem efen emi esuhɔde ke isɔŋ emi, ye emi eduŋde ke isɔŋ Egypt:

JEREMIAH 38:18

edi munyimeke ndiwɔrɔ ntiene ikpɔ owo edidem Babylon, obio emi eyesine mme Chaldean ke ubɔk: ndien mmɔ eyefɔp enye ke ikaŋ, afo udunyuŋ ubɔhɔke mmɔ ke ubɔk.

JEREMIAH 38:23

Ntem ke mmɔ edisioŋo kpukpru iban fo ye nditɔ fo esɔk mme Chaldean: ndien afo udubɔhɔke mmɔ ke ubɔk: koro ubɔk edidem Babylon eyemum fi: afo eyenyuŋ ɔfɔp obio emi ke ikaŋ.”

JEREMIAH 4:12

ofum eke akande mme mmɔ emi eyesim mi: ke emi ŋko ami nyenɔ uyo ikpe mbaŋa mmɔ.

JEREMIAH 44:30

ntem ke Jehovah ɔdɔhɔ ete, Sese ami nyeda Pharaoh Hophra edidem Egypt nsin ke ubɔk mme asua esie, ye ke ubɔk mmɔ eke eyomde uwem esie; kpa nte ŋkadade Zedekiah edidem Judah nsin ke ubɔk Nebuchadrezzar edidem Babylon, asua esie, ye andiyom uwem esie.

JEREMIAH 49:23

Eke Damascus. But anam Hamath ye Arpad: koro mmɔ ekopde idiɔk etop: mmɔ eyemere: ndutime mmɔdo ke inyaŋ ibom; enye ikemeke ndina suŋ.

ŊWED ESEME 1:3

Emetaŋ Judah efep ebaŋa ukut ye ɔkpɔsɔŋ ufin: enye etie ke otu mme idut ikwe nduɔk-odudu: kpukpru mmɔ eke ebinede enye emesim enye ke mbaba esie.

ŊWED ESEME 4:20

Mmɔ ekeda mme ukpe mmɔ emum ibifik inua nnyin emi Jehovah ekeyetde aran, kpa enye emi nnyin ikɔdɔhɔde ibaŋa, ite, Nnyin iyedu uwem ke idak mfut esie ke otu mme idut.

EZEKIEL 23:24

Ndien mmɔ eyeda ŋkpɔ ekɔŋ, ye chariot, ye wheel, ye akwa otu owo, etiene fi; mmɔ eyeda akamba otu-ekɔŋ ye ekpri ye ndun ukwak ekan fi ekuk eŋwana ekɔŋ: ndien nyeda ikpe nnim ke iso mmɔ, ndien mmɔ eyekpe ikpe ye afo, nte ekemde mme ikpe mmɔ.

HABAKKUK 1:7

Idut oro edi mkpa-idem ye eka-ndik: ikpe mmɔ ye ubɔŋ mmɔ eto ke idem mmɔ.

NUMBERS 13:21

Ndien mmɔ edɔk ekeyep isɔŋ oro, ɔtɔŋɔde ke wilderness Zin tutu osim ke Rehob, ke edem emi ekade Hamath.

JOSHUA 13:5

ye isɔŋ mme Gebalite ŋko, ye ofuri Lebanon ke edem usiaha-utin, ɔtɔŋɔde ke Baal-gad ke ukot obot Hermon, tutu osim ke ɔtɔ emi edukde Hamath.

JOSHUA 4:13

osim tɔsin mbon ekɔŋ aba esaŋa ke iso Jehovah ebe eka ekɔŋ, ke una-isɔŋ Jericho.

JOSHUA 5:10

Ndien nditɔ Israel ena ke Gilgal, enyuŋ enam passover ke ɔyɔhɔ usen duopenaŋ ke ɔfiɔŋ ke mbubreyo, ke una-isɔŋ Jericho.

JUDGES 3:3

mbɔŋ mme Philistine ition, ye kpukpru mme Canaanite, ye mme Zidonian, ye mme Hivite emi eduŋde ke obot Lebanon, ɔtɔŋɔde ke obot Baal-hermon tutu osim ke ebiet uduk Hamath.