JEREMIAH 39:16 - Edisana ñwed Abasi Ibom

¹⁶ Ka kɔdɔhɔ Ebed-melech eyen Ethiopia, ete, Ntem ke Jehovah mme udim Abasi Israel ɔdɔhɔ, ete, Sese, ami mmɔŋ nda uyo mi ntiene obio emi ke idiɔk, idige ke eti; enye eyesu ke iso fo ke usen oro.

JEREMIAH 39:16 ပူးပေါင်းရင်းမြစ်များ

2 CHRONICLES 36:21

kpaŋ uyo Jehovah ke inua Jeremiah ekpekem, tutu isɔŋ adia mme sabbath esie: ofuri ini emi enye anade ikpikpu, enye onim sabbath tutu isua ata ye duop eyɔhɔ.

ŊWED MME PSALM 92:11

Ndien enyin mi eyese mme asua mi, utɔŋ mi eyenyuŋ okop mme idiɔk owo emi enamde ikɔ ye ami.

JEREMIAH 26:15

Edi mbufo etim efiɔk, ete ke edieke mbufo ewotde mi, ke mbufo eda iyip owo eke miduehe edori ke idem mbufo, ye ke obio emi, ye ke mme andiduŋ enye: koro ke akpanikɔ ke edi Jehovah ɔdɔŋ mi utom ke ɔtɔ mbufo, ete ntiŋ kpukpru ikɔ emi ke utɔŋ mbufo.

JEREMIAH 26:18

Micaiah Morashtite eketiŋ prophecy ke eyo Hezekiah edidem Judah, onyun ɔdɔhɔ ofuri mbio Judah, ete, Ntem ke Jehovah mme udim ɔdɔhɔ, ete, Ke eyefuŋ Zion nte iŋwaŋ, Jerusalem eyenyuŋ akabare edi ndon, obot ufɔk eyenyuŋ akabare edi ibombom akai.

JEREMIAH 26:20

Ndien owo efen ŋko eketiŋ prophecy ke enyiŋ Jehovah, kpa Uriah eyen Shemaiah emi otode ke Kiriath-jearim, ndien enye etiŋ prophecy abaŋa obio emi, ye isɔŋ emi, asaŋa ke kpukpru ikɔ Jeremiah:

JEREMIAH 34:22

Jehovah ɔdɔhɔ ete, Sese, ami mmɔŋ ŋwuk, nnyuŋ nda mmɔ mfiak ndi ke obio emi; ndien mmɔ eyeŋwana ekɔŋ ye enye, enyuŋ eda enye, enyuŋ efɔp enye ke ikaŋ: ndien nyenim mme obio Judah ke ŋkpɔ nsobo tutu anana owo eke oduŋde.

JEREMIAH 35:17

mmɔdo ntem ke Jehovah Abasi mme udim Abasi Israel ɔdɔhɔ, ete, Sese, ami mmɔŋ nda ofuri idiɔk ŋkpɔ emi ŋkɔdɔhɔde mbaŋa mmɔ, ntiene Judah ye kpukpru mme andiduŋ Jerusalem: koro mma ndɔhɔ ye mmɔ, ndien mmɔ ikopke: mma nnyuŋ ŋkot mmɔ, ndien mmɔ iyereke.

JEREMIAH 36:31

Nyenyuŋ nnɔ enye ye ubon esie ye ikɔt esie ufen idiɔk ido mmɔ; nnyuŋ ntiene mme andiduŋ Jerusalem ye mbio Judah ndinam mmɔ ofuri idiɔk-ŋkpɔ emi ŋke-tiŋde nnɔ mmɔ, ndien mmɔ ikopke.

JEREMIAH 40:3

Jehovah ama onyuŋ ada edi, onyuŋ anam kpa nte enye ɔkɔdɔhɔde: koro mbufo ekenamde idiɔk ido ye Jehovah, mikonyuŋ ikopke uyo esie, mmɔdo ŋkpɔ emi osimde mbufo.

JEREMIAH 44:27

Sese, ami nyekpeme mmɔ nnɔ idiɔk, ŋkpemeke nnɔ eti ŋkpɔ: ndien ofut ye biɔŋ eyesobo kpukpru nditɔ Judah, emi edude ke isɔŋ Egypt, tutu mmɔ ekure.

JEREMIAH 5:14

Mmɔdo ntem ke Jehovah Abasi mme udim ɔdɔhɔ, ete, Koro mbufo edɔhɔde ikɔ emi, sese, ami mmɔŋ nnam ikɔ mi ke inua fo akabare edi ikaŋ, nnyuŋ nnim mbio emi ke ifia, ndien enye eyeta mmɔ.

DANIEL 9:12

Enye omonyuŋ anam uyo esie oro enye ɔkɔdɔhɔde abaŋa nnyin ye mme ebierikpe nnyin emi ekekpede ikpe nnyin, ɔsɔŋɔ ada: onyuŋ ada akwa idiɔk ŋkpɔ etiene nnyin: koro owo akanam minamke baba ke idak ofuri ikpa enyɔŋ, nte emi ekenamde ke Jerusalem:

AMOS 9:4

ndien edieke edisaŋade ke otu mbon ntaŋ mfep ke iso mme asua mmɔ, nyeteme ofut mi, nte oto aka okowot mmɔ do: nyenyuŋ ŋwuk enyin mi nse mmɔ ke idiɔk, nsehe ke mfɔn.

ZECHARIAH 1:6

Edi ama edi uyo mi ye mme ewuhɔ mi emi ŋkowukde ikɔt mi mme prophet, nte mmɔ ikesimke mme ete mbufo? Ndien mmɔ ekabare, enyuŋ edɔhɔ ete, Kpa nte Jehovah mme udim akaduakde ndinam nnyin, kpa nte ekemde ye usuŋ nnyin ye ido nnyin, kpa ntre ke enye akanam nnyin.

MATTHEW 24:35

Enyɔŋ ye isɔŋ eyebe efep, edi ikɔ Mi idibehe ifep.