JEREMIAH 39:10 - Edisana ñwed Abasi Ibom

¹⁰ Ndien Nebuzaradan etubom mme andikpeme edidem ayak ndusuk mbon ubuene eke minyeneke baba ŋkpɔ kiet ɔkpɔŋ ke isɔŋ Judah, onyuŋ ɔnɔ mmɔ iŋwaŋ vine ye iŋwaŋ ke ini oro.

JEREMIAH 39:10 ပူးပေါင်းရင်းမြစ်များ

2 NDIDEM 25:12

Edi etubom mbon-ukpeme ɔkpɔŋ mbon-ubuene isɔŋ, onim ke mme ɔdiɔŋ vine ye mme ofuŋ-isɔŋ.

ISAIAH 7:21

Ndien ama ekem ke usen oro, owo eyebɔk abak uman enaŋ kiet ye erɔŋ iba:

JEREMIAH 40:10

Ndien ama edi ami, sese, ami nduŋ ke Mizpah, man ndiɔŋ mme Chaldean eke edisimde nnyin itie; edi mbufo etaŋ wine ye mfri eto nda-eyo ye aran, esin ke ŋkpɔ mbufo, enyuŋ eduŋ ke mme obio mbufo emi mbufo edade.

JEREMIAH 40:7

Ekem kpukpru mme etubom mbon-ekɔŋ emi edude ke iŋwaŋ mmɔ ye ikɔt mmɔ edikop, ete ke edidem Babylon okonim Gedaliah eyen Ahikam ke etubom ke isɔŋ, okonyuŋ ada iren-owo, ye iban ye nditɔwɔŋ, ye ndusuk mbon ubuene, ubak mmɔ emi miketaŋke ifep ika Babylon, onim ye enye;

JEREMIAH 43:6

kpa iren owo, ye iban, ye nditɔwɔŋ, ye nditɔ edidem iban, ye kpukpru owo oro Nebuzaradan etubom mbon ukpeme edidem ɔkɔkpɔŋde onim ye Gedaliah eyen Ahikam eyen Shaphan, ye Jeremiah prophet ŋko, ye Baruch eyen Neriah.

JEREMIAH 52:16

Nebuzaradan etubom mbon ukpeme edidem onyuŋ osuhɔ ndusuk mme ubuene nditɔ obio, ete edi mbon iŋwaŋ-vine ye mme ofuŋ-isɔŋ.

EZEKIEL 33:24

Eyen owo, mme andiduŋ ndon emi ke isɔŋ Israel edɔhɔ ete, Abraham ekedi kierakiet, ndien ada isɔŋ emi; ndien nnyin idi ediwak; emeda isɔŋ enɔ nnyin inyene.

ZECHARIAH 11:7

Ndien ami mbɔk ŋkpri ufene eke ediwotde, kpa ata ubuene otu ufene. Ndien nda esaŋ iba ke idem mi, nsiɔ kiet enyin Uyai, nsio kiet eken enyiŋ Ubɔp-ŋkpɔ; ntem ke mbɔk ufene oro.