JEREMIAH 39:1 - Edisana ñwed Abasi Ibom

¹ KE ɔyɔhɔ isua Zedekiah edidem Judah usukkiet, ke ɔyɔhɔ ɔfiɔŋ duop, Nebuchadrezzar edidem Babylon ye ofuri mbon-ekɔŋ esie esim Jerusalem edikan enye ekuk.

JEREMIAH 39:1 ပူးပေါင်းရင်းမြစ်များ

2 CHRONICLES 36:17

Ekem enye ada edidem mme Chaldean ɔdɔk etiene mmɔ, ndien enye owot mkparawa mmɔ ke ofut ke ufɔk edisana ebiet mmɔ, inyuŋ inyeneke mbɔm ye mkparawa, ye nditɔ-iban, ye akani-eren ye owo iwat: enye ada kpukpru esin enye ke ubɔk.

JEREMIAH 32:1

IKƆ emi okoto Jehovah osim Jeremiah ke ɔyɔhɔ isua Zedekiah edidem Judah, duop, isua oro edi ɔyɔhɔ isua Nebuchadrezzar efureta.

JEREMIAH 34:1

UYO emi okoto Jehovah osim Jeremiah, ke ini Nebuchadnezzar edidem Babylon ye ofuri mbon-ekɔŋ esie, ye kpukpru mme idut ke edem emi ubɔk esie akarade, ye kpukpru mme obio, eŋwanade ekɔŋ ye Jerusalem, ye kpukpru mme obio mmɔ, ete,

JEREMIAH 34:22

Jehovah ɔdɔhɔ ete, Sese, ami mmɔŋ ŋwuk, nnyuŋ nda mmɔ mfiak ndi ke obio emi; ndien mmɔ eyeŋwana ekɔŋ ye enye, enyuŋ eda enye, enyuŋ efɔp enye ke ikaŋ: ndien nyenim mme obio Judah ke ŋkpɔ nsobo tutu anana owo eke oduŋde.

JEREMIAH 42:18

Koro ntem ke Jehovah mme udim Abasi Israel ɔdɔhɔ, ete, Kpa nte ŋkaŋwaŋade iyaresit mi ye ifuresit mi ke idem mme andiduŋ Jerusalem, kpa ntre ŋko ke ndiŋwaŋa mbufo iyaresit mi ke idem, ke mbufo ekade Egypt; ndien mbufo eyekabare edi ŋkpɔ isuŋi, ye nsobo, ye itɔk, ye esuene; idinyuŋ ikwe aba ebiet emi.

JEREMIAH 52:1

ZEDEKIAH edi isua edip ye kiet ke ini enye adade ubɔŋ, ndien enye edi edidem ke Jerusalem ke isua duopekiet. Ndien enyiŋ eka esie ekere Hamutal eyen Jeremiah a Libnah.

JEREMIAH 6:6

Koro ntem ke Jehovah mme udim ɔdɔhɔ, ete, Mbufo ekpeŋe eto, enyuŋ ekubi akwa ibombom ke ɔtɔ Jerusalem: emi edi obio eke edidade ufen; ŋkanubɔk ɔyɔhɔ enye kpukpru.

EZEKIEL 33:21

Edikem ke ɔyɔhɔ isua duopeba nte eketaŋ nnyin efep, ke ɔyɔhɔ ɔfiɔŋ duop, ke ɔyɔhɔ usen ɔfiɔŋ ition, owo emi okotode ke Jerusalem ɔbɔhɔ osim mi, ete, Emesuan obio.

EZEKIEL 4:3

Afo nyuŋ da akpaŋ-kpaŋ ukwak ke idem fo, nyuŋ nim enye ke ibibene ukwak ke ufɔt fo ye obio; nyuŋ wuk iso se enye, ntem ke edikan enye ekuk, afo eyenyuŋ akan enye okuk. Emi edidi idiɔŋɔ ɔnɔ ufɔk Israel.

EZEKIEL 40:1

KE isua edip ye ition nte eketaŋ nnyin efep, ke eritɔŋɔ isua, ke ɔyɔhɔ usen ɔfiɔŋ duop, ke isua duopenaŋ nte ekesuan obio, ke idem usen oro ubɔk Jehovah odoro mi ke idem, onyuŋ emen mi edi ken.

EZEKIEL 5:2

Da ɔyɔhɔ ubak ita fɔp ke ikaŋ ke ufɔt obio, ke adaŋemi ini ukuk obio okurede; nyuŋ da ɔyɔhɔ ubak ita kpi enye ke ofut kan kuk, nyuŋ suan ɔyɔhɔ ubak ita nɔ ofum; ndien ami nyesio ofut mbine mmɔ.

ZECHARIAH 8:19

Ntem ke Jehovah mme udim ɔdɔhɔ, ete, Utre-udia ɔyɔhɔ ɔfiɔŋ inaŋ, ye utre-udia ɔfiɔŋ ition, ye utre-udia ɔfiɔŋ itiaba, ye utre-udia ɔfiɔŋ duop, eyedi ini idara ye mbre ufɔk Judah, ye nti usɔrɔ. Mbufo ema ndien akpanikɔ ye emem.

DEUTERONOMY 28:36

Jehovah eyeda fi, ye edidem fo eke afo edinimde ke idem fo, aka idut eke afo ye mme usɔ mikɔfiɔkke; ndien do ke afo edinam ŋkpɔ mme abasi efen, eke eto ye itiat.