JEREMIAH 38:22 - Edisana ñwed Abasi Ibom

²² “Ndien, sese, eyeda kpukpru iban emi esuhɔde ke ufɔk edidem Judah ewɔrɔ esɔk ikpɔ owo edidem Babylon: ndien iban oro eyedɔhɔ ete, ‘Mme ufan fo ekesin fi anam ntem, ekenyuŋ ekan fi: ukot fo emebuhɔ ke mbat, enyuŋ efiak edem.’

JEREMIAH 38:22 ပူးပေါင်းရင်းမြစ်များ

ŊWED JOB 6:15

Nditɔ-ete mi emebiaŋa mi kpa nte idim, nte mme idim ke itihere eke ekabarede esat;

ŊWED MME PSALM 41:9

Kpa owo emi edide ufan mi, emi mbuɔtde idem mi ye enye, emi adiade udia mi, ememen ukot etiga mi.

ŊWED MME PSALM 69:14

Sio mi ke okpuk, kunyuŋ uyak mi mbuhɔ: yak enyaŋa mi ebɔ mme asua mi, enyuŋ esio mi ke edituŋɔ mmɔŋ.

ŊWED MME PSALM 69:2

Mmɔbuhɔ ke okpuk, emi owo mikemeke ndida ke esit: mmoduk udem mmɔŋ, mme idim emenyuŋ efuk mi.

ISAIAH 42:17

Mmɔ eke ebuɔtde idem mmɔ ye ndisɔi mbiet, mmɔ eke edɔhɔde nditara mbiet, ete, “Mbufo edi abasi nnyin,” efiak edem enyuŋ ekut ata but.

JEREMIAH 13:21

Afo edidɔhɔ didie ke ini eke enye edinɔde fi ufen? (Ŋkɔm afo amayak mmɔ emehe ndida ata ubɔŋ fo:) nte ubiak idimumke fi nte omumde ŋwan uman?

JEREMIAH 20:10

koro ŋkopde ikɔ-edem ediwak owo: ndik odu ke edem kpukpru: ete, “Mbufo etiŋ, ndien nnyin iyetiŋ ibaŋa enye.” Kpukpru mme ufan mi ekpeme iduɔ mi, ete, Mme eyekeme nditap enye, ndien nnyin iyekan enye ubɔk, inyuŋ isio usiene nnyin ye enye.

JEREMIAH 27:14

Mbufo ekukop ndien uyo mme prophet emi edɔhɔde mbufo, ete, ke mbufo ididige ikɔt edidem Babylon: koro mmɔ etiŋde nsu-nsu o-prophecy enɔ mbufo.

JEREMIAH 27:15

Koro midige ami ŋkɔdɔŋ mmɔ utom, Jehovah ɔdɔhɔ, ndien mmɔ etiŋ nsu-nsu o-prophecy esin ke enyiŋ mi; man mbin mbufo mfep, man mbufo enyuŋ etak ye mme prophet emi etiŋde prophecy enɔ mbufo.

JEREMIAH 38:19

Ndien edidem Zedekiah ɔdɔhɔ Jeremiah ete, Ami mfehe mme Jew emi ekedianade ye mme Chaldean, mbak edida mi esin mmɔ ke ubɔk, ndien mmɔ edituhɔ mi.

JEREMIAH 38:21

Edi afo munyimeke ndiwɔrɔ, emi edi ikɔ emi Jehovah ɔkɔwutde mi:

JEREMIAH 41:10

Ndien Ishmael ataŋ kpukpru owo oro esuhɔde ke Mizpah, nditɔ edidem iban, ye kpukpru owo oro esuhɔde ke Mizpha, mmɔ oro Nebuzaradan etubom mbon ukpeme edidem ekesinde Gedaliah eyen Ahikam ke ubɔk: ndien Ishmael eyen Nethaniah ataŋ mmɔ ɔnyɔŋ, ndien aka, ete ibe inyɔŋ ke ɔtɔ mme Ammonite.

JEREMIAH 43:6

kpa iren owo, ye iban, ye nditɔwɔŋ, ye nditɔ edidem iban, ye kpukpru owo oro Nebuzaradan etubom mbon ukpeme edidem ɔkɔkpɔŋde onim ye Gedaliah eyen Ahikam eyen Shaphan, ye Jeremiah prophet ŋko, ye Baruch eyen Neriah.

JEREMIAH 46:21

Mbon-ekɔŋ emi enye ekpede okuk ŋko enyuŋ ebiet enaŋ isek ke otu esie, edi mmɔ ŋko ekabare efeŋe ikpat kiet: ikemeke ndida, koro usen nditaha mmɔ omosim mmɔ, kpa ini ufen mmɔ.

JEREMIAH 46:5

Nnam didie ŋkut mmɔ edikhe? Mmɔ ekabare efiak edem; mbon uko mmɔ enyuŋ esuana, enyuŋ efeŋe itɔk, inyuŋ ikabakede ise. Ndik akan okuk; Jehovah ɔdɔhɔ.

JEREMIAH 6:12

Ndien mme ufɔk mmɔ, ye iŋwaŋ mmɔ ye iban mmɔ ɔtɔ kiet eyekabare enyene owo efen: koro nyenyanare ubɔk mi ntuk mme andiduŋ isɔŋ: uyo Jehovah edi emi.

JEREMIAH 8:10

Mmɔdo nyeda iban mmɔ nnɔ owo eŋwen, nyemen iŋwaŋ mmɔ nnɔ owo eke edidade mmɔ enyene: koro ŋkpri ye ikpɔ kpukpru kiet kiet enyene isin-enyin, prophet ye oku kpukpru enam abiaŋa.

ŊWED ESEME 1:13

Enye etie ke enyɔŋ ɔnɔ ikaŋ, ete edisin mi ke ɔkpɔ, ndien enye akan mmɔ: enye eneŋere iyire ɔnɔ ukot mi, anam mi mfiak edem: onim mi ke ŋwure ye mba-mba ofuri usen.

ŊWED ESEME 1:2

Enye atua eyet eti-eti ke okoneyo, mmɔŋeyet esie onyuŋ eyere enye ke mfuk: baba owo kiet eke ɔdɔŋde enye esit iduhe ke otu kpukpru mmɔ eke emade enye: kpukpru mme ufan esie ebiaŋa enye emekabare edi mme asua esie.

ŊWED ESEME 5:11

Mmɔ eke esabare iban ke Zion, esabare nditɔ-iban ke mme obio Judah.

MICAH 7:5

Mbufo ekunim uyo nsaŋa ke akpanikɔ, ekubuɔt idem ye ata ufan: kpeme usuŋ inua fo bak ŋwan emi anade fi ke ikpanesit.