JEREMIAH 38:20 - Edisana ñwed Abasi Ibom

²⁰ Ndien Jeremiah ɔdɔhɔ ete, Mmɔ idisinke. Mbɔk, kop uyo Jehovah ke se ami ndɔhɔde fi; ndien eyefɔn fi, ukpɔŋ fo eyenyuŋ odu uwem.

JEREMIAH 38:20 ပူးပေါင်းရင်းမြစ်များ

GENESIS 12:13

Mbɔk dɔhɔ ete, ke afo edi eyen ete mi aŋwan kpaŋ ɔkpɔfɔn mi abaŋa fi; ukpɔŋ mi okponyuŋ odu uwem abaŋa fi.

GENESIS 19:20

Mbɔk, se obio emi, ke ekpere nte owo efehede aka do, onyuŋ ekpri: mbɔk, yak mbɔhɔ ŋka do; (nte ikprike?)

2 CHRONICLES 20:20

Ekem mmɔ ebak edemere ke usenubɔk ewɔŋɔ ke wilderness Tekoa: ndien ke ini mmɔ ewɔŋɔde, Jehoshaphat ada ɔdɔhɔ ete, O Judah, ye mme andiduŋ Jerusalem, mbufo ekop uyo mi: eberi idem mbufo ye Jehovah Abasi mbufo, ndien eyemum mbufo ekama; enim uyo mme prophet esie ke akpanikɔ, ndien mbufo eyekut unen.

MME ŊKE 4:4

Ndien enye eteme mi, onyuŋ ɔdɔhɔ mi, ete, Yak esit fo afat ikɔ mi; kpeme mbet mi, nyuŋ du uwem.

MME ŊKE 7:2

Nim mme ewuhɔ mi, ndien du uwem; nim ido mi nte eyen enyin fo.

ISAIAH 55:3

Mbufo ekpaŋ utɔŋ mbufo, enyuŋ edi etiene mi: ekop, ndien ukpɔŋ mbufo eyedu uwem; ndien nyenam nsinsi ediomi ye mbufo, kpa ŋkpɔ ima David eke edide akpanikɔ.

JEREMIAH 11:4

Kpa se ŋkowukde mme ete mbufo ke usen oro ŋkosiode mmɔ ke isɔŋ Egypt, ke akwa ikaŋ ukwak, nte, Mbufo ekop uyo mi, enyuŋ enam mmɔ, kpa nte asaŋade ye kpukpru se ŋkowukde mbufo: ndien mbufo eyedi ikɔt mi, ndien ami nyedi Abasi mbufo:

JEREMIAH 11:8

Mbufo ekop uyo mi. Edi mmɔ ikopke, inyuŋ ikpaŋke utɔŋ mmɔ, edi kpukpru owo kiet kiet esaŋa ke itun idiɔk esit mmɔ. Ndien nyeda kpukpru ikɔ ediomi oro ŋkowukde nte enam, ndien mmɔ minamke, nda ntiene mmɔ.

JEREMIAH 26:13

Mbufo ekabare ndien usuŋ mbufo, ye ido mbufo enam ɔfɔn, enyuŋ ekop uyo Jehovah Abasi mbufo; ndien Jehovah eyedahado ke idiɔk-ŋkpɔ oro enye ɔdɔhɔde abaŋa mbufo.

JEREMIAH 38:21

Edi afo munyimeke ndiwɔrɔ, emi edi ikɔ emi Jehovah ɔkɔwutde mi:

JEREMIAH 7:23

ibɔhɔke ikɔ emi ke ŋkowuk mmɔ, nte, Mbufo ekop uyo mi, ndien nyedi Abasi mbufo, mbufo eyenyuŋ edi ikɔt mi: ndien mbufo eyesaŋa ke ofuri usuŋ oro ŋkowukde mbufo, man ɔfɔn ye mbufo.

DANIEL 4:27

Yak item mi, ndien, O edidem, ɔfɔn ke iso fo; da eti ido kibi mme idiɔk ido fo fep, kibi mme ukwaŋ-ŋkpɔ fo fep ke eritua mme ubuene mbɔm; mme oro eyenam ifure fo ebigi.

AMOS 5:4

Koro ntem ke Jehovah ɔdɔhɔ ufɔk Israel, ete, Mbufo etiene mi, enyuŋ edu uwem:

AMOS 5:6

Mbufo eyom Jehovah, enyuŋ edu uwem, mbak enye edibumere nte ikaŋ ke ufɔk Joseph, onyuŋ ata enye, ndien baba owo kiet eke onimede enye iduhe ke Bethel.

UTOM MME APOSTLE 26:29

Ndien Paul ɔdɔhɔ ete, Ye ikɔ mi edide ekpri ye onyuŋ edide ediwak, ɔdɔŋ mi ke iso Abasi, nte afo, ye kpukpru emi ekopde mi mfin emi, ekpekabare edi se ami ndide, ŋkpɔkɔbi emi ikpɔŋ ke nsio mfep.

2 ŊWED CORINTH 5:11

Sia nnyin ifiɔkde ndik Ɔbɔŋ ndien, imekpe ye owo, edi imayarare iwut Abasi idem; mmonyuŋ ndori enyin nte nnyin iyarare ke esit mbufo nde.

2 ŊWED CORINTH 5:20

Ntre ke nnyin idi mme isuŋutom emi edide ke enyiŋ Christ, nte ŋkpɔ eke Abasi adade nnyin ekpe ye mbufo; imekpe mbufo ubɔk ke ibuot Christ, ekabare etie ke emem ye Abasi.

2 ŊWED CORINTH 6:1

NTE mme abuana-utom ye Abasi, nnyin ikpe mbufo ubɔk ite, ekuyak mfɔn Abasi, emi mbufo ekɔbɔde, ɔwɔrɔ ikpikpu;

JAMES 1:22

Yak mbufo edi mme anam-ikɔ, ekudi mme andikokop ikpɔŋ-ikpɔŋ, ebiaŋa idem.