JEREMIAH 38:2 - Edisana ñwed Abasi Ibom

² Ntem ke Jehovah ɔdɔhɔ, ete, Owo eke etiede ke obio emi eyekpa ke ofut, ye ke biɔŋ, ye ke udɔŋɔ: ndien owo eke ɔwɔrɔde etiene mme Chaldean eyedu uwem: enye eyenyuŋ enyene uwem esie ke ŋkpɔ mbume, onyuŋ odu uwem.

JEREMIAH 38:2 ပူးပေါင်းရင်းမြစ်များ

JEREMIAH 21:4

Ntem ke Jehovah Abasi Israel ɔdɔhɔ, ete, Sese, ami mmɔŋ ŋkabare ŋkpɔ ekɔŋ emi edude mbufo ke ubɔk, emi mbufo edade eŋwana ekɔŋ ye edidem Babylon ye mme Chaldean emi ekande mbufo ekuk ke edem ibibene, efiak edem, ndien nyebon mmɔ ke ufɔt obio emi.

JEREMIAH 24:8

Ndien ama edi mme idiɔk fig emi owo mikemeke ndidia, koro mmɔ ediɔkde; ŋkɔm ntem ke Jehovah ɔdɔhɔ, ete, Ke ntre ke ndiyak Zedekiah, edidem Judah, ye mbɔŋ esie, ye nditɔ Jerusalem efen emi esuhɔde ke isɔŋ emi, ye emi eduŋde ke isɔŋ Egypt:

JEREMIAH 27:11

Jehovah ɔdɔhɔ ete, Ndien ama edi idut eke edisinde itɔŋ mmɔ ke ɔkpɔnɔ edidem Babylon, enyuŋ enamde ŋkpɔ esie, nyeyak mmɔ etie ke isɔŋ mmɔ; ndien mmɔ eyefuŋ enye enyuŋ eduŋ ke esit.

JEREMIAH 27:13

Nsinam mbufo eyomde ndikpa, afo, ye mbio-obio fo, ke ofut, ye ke biɔŋ, ye ke udɔŋɔ, kpa nte Jehovah ɔdɔhɔde abaŋa idut eke midinyimeke ndinam ŋkpɔ edidem Babylon?

JEREMIAH 29:16

koro ntem ke Jehovah ɔdɔhɔ edidem emi etiede ke ebekpo David, ye kpukpru owo emi eduŋde ke obio emi, nditɔ-ete mbufo emi miketieneke mbufo iwɔŋɔ ika ke otu mbon ntaŋ-mfep:

JEREMIAH 29:18

Nyenyuŋ nda ofut, ye biɔŋ, ye idiɔk udɔŋɔ mbine mmɔ, nnyuŋ nnim mmɔ ke ŋkpɔ ndutime nnɔ kpukpru mme idut ke ererimbot, ye ke isuŋi, ye ke nsobo, ye ke nsi, ye ke esuene ke otu kpukpru mme idut eke mbinde mmɔ nsin do:

JEREMIAH 34:17

Mmɔdo ntem ke Jehovah ɔdɔhɔ, ete, Mbufo ikopke uyo mi ndikwɔrɔ uwɔrɔ ufin nnɔ nditɔ-ete mbufo ye mbɔhiduŋ mbufo: sese, Jehovah ɔdɔhɔ, ete, Ami mmɔŋ ŋkwɔrɔ ufin nnɔ mbufo nnɔ ofut ye idiɔk udɔŋɔ ye biɔŋ; nyenyuŋ nda mbufo nnɔ man edi se etukde ke kprukpru mme idut ererimbot.

JEREMIAH 39:18

Koro menditreke ndiyak fi ɔbɔhɔ, afo udunyuŋ uduɔhɔ ke ofut: edi ukpɔŋ fo eyedi okuo ke ŋkpɔ mbume: koro afo ɔkɔbuɔtde idem fo ye ami. Uyo Jehovah edi emi.

JEREMIAH 42:17

Ndien ama ekem, kpukpru owo eke ekewukde iso mmɔ, ete ika Egypt ndiduŋ do, eyekpaŋa ke ofut, ye ke biɔŋ, ye ke udɔŋɔ; ndien baba owo mmɔ kiet idisuhɔke, idinyuŋ ibɔhɔke idiɔk-ŋkpɔ eke ami ndidade ntiene mmɔ.

JEREMIAH 42:22

Mbufo efiɔk, ndien, ete ke mbufo eyekpa ke ofut, ye ke biɔŋ, ye ke udɔŋɔ, ke ebiet emi mbufo eyomde ndika ŋkoduŋ do.

JEREMIAH 44:13

Ndien nyeda ufen ntiene mme andiduŋ isɔŋ Egypt, kpa nte ŋkadade ntiene Jerusalem, ke ofut, ye ke biɔŋ, ye ke udɔŋɔ:

JEREMIAH 45:5

Ndien afo osuk oyom ikpɔ ŋkpɔ ke idem fo. Kuyom: koro, sese, ami nyeda idiɔk ntiene kpukpru owo, Jehovah ɔdɔhɔ: edi nyenɔ fi uwem fo ke ŋkpɔ mbume, ke kpukpru ebiet eke afo akade do.

EZEKIEL 14:21

Koro ntem ke Ɔbɔŋ Jehovah ɔdɔhɔ, ete, Edidi ntem ke akpan-ikɔ, adaŋemi ndidade idiɔk ufen mi mbinaŋ, ofut, ye biɔŋ, ye idiɔk unam, ye idiɔk udɔŋɔ, ndɔŋ mmɔ utom ke Jerusalem, man nsibe owo ye unam ke esit mfep.

EZEKIEL 6:11

Ntem ke Ɔbɔŋ Jehovah ɔdɔhɔ ete, Da ubɔk fo tuak, nyuŋ digi ke ukot fo, nyuŋ dɔhɔ, ete, Ah, baŋa kpukpru mme idiɔk mbubiam ufɔk Israel, emi ediduɔŋɔde ke ofut ye ke biɔŋ, ye ke idiɔk udɔŋɔ;

EZEKIEL 7:15

Ofut odu ke esien, udɔŋɔ ye biɔŋ enyuŋ edu ke esit ufɔk: owo eke odude ke iŋwaŋ eyekpa ke ofut; biɔŋ ye idiɔk udɔŋɔ eyenyuŋ eta mmɔ eke edude ke obio.