JEREMIAH 38:17 - Edisana ñwed Abasi Ibom

¹⁷ Ndien Jeremiah ɔdɔhɔ Zedekiah, ete, Ntem ke Jehovah Abasi mme udim Abasi Israel ɔdɔhɔ, ete, Edieke afo edinyimede ndiwɔrɔ ntiene ikpɔ owo edidem Babylon, ukpɔŋ fo eyedu uwem, ndien obio emi iditaha ikaŋ; afo ye ufɔk fo eyenyuŋ edu uwem:

JEREMIAH 38:17 ပူးပေါင်းရင်းမြစ်များ

GENESIS 12:13

Mbɔk dɔhɔ ete, ke afo edi eyen ete mi aŋwan kpaŋ ɔkpɔfɔn mi abaŋa fi; ukpɔŋ mi okponyuŋ odu uwem abaŋa fi.

2 NDIDEM 24:12

Ekem Jehoiachin edidem Judah ɔwɔrɔ etiene edidem Babylon, enye, ye eka esie, ye ikɔt esie, ye ikpɔ owo esie, ye ndidaha esie: ndien edidem Babylon ada enye ke ɔyɔhɔ isua ubɔŋ esie itiaita.

2 NDIDEM 25:27

Edikem ke ɔyɔhɔ isua edip ye efureba nte ekemen Jehoaichin edidem Judah efep, ke ɔyɔhɔ ɔfiɔŋ duopeba, ke ɔyɔhɔ usen edip ye itiaba ke ɔfiɔŋ, Evil-mero-dach edidem Babylon, ke isua oro enye adade ubɔŋ, emenere Jehoiachin edidem Judah ibuot, osio ke ufɔk ŋkpɔkɔbi:

1 CHRONICLES 17:24

Yak ɔsɔŋ ada, yak enyiŋ fo onyuŋ okpon ke nsinsi (yak enyuŋ edɔhɔ), ete, Jehovah mme udim edi Abasi Israel, kpa Abasi Israel: ndien yak ufɔk owo fo David ada ke iso fo.

EZRA 9:4

Ndien kpukpru owo eke enyekde idem ebaŋa ikɔ Abasi Israel, ebaŋa idiɔk ido mbon ntaŋ-mfep, esop idem ke ɔtɔ mi; ndien ami ntie do ke mkpa-idem tutu osim ke ini uwa mbubreyo.

ŊWED JOB 23:13

Edi enye ekere ŋkpɔ kiet: ndien anie ekeme ndikabare enye mfep? ndien se ukpɔŋ esie oyomde, enye onyuŋ anam.

ŊWED MME PSALM 80:14

O Abasi mme udim, mbɔk, fiak edem: tie ke enyɔŋ tuk iso, nyuŋ kut, nyuŋ di dise vine fo emi;

ŊWED MME PSALM 80:7

O Abasi mme udim, da nnyin fiak, nyuŋ nam iso fo ayama; ndien nnyin iyetie ke ifure.

JEREMIAH 27:12

Ndien ndɔhɔ Zedekiah edidem Judah, nte kpukpru ikɔ emi esaŋade, nte, Mbufo eda itɔŋ mbufo esin ke ɔkpɔnɔ edidem Babylon enyuŋ edi ikɔt esie, ye ikɔt ikɔt esie, ndien edu uwem.

JEREMIAH 27:17

Mbufo ekukop uyo mmɔ, ekabare edi ikɔt edidem Babylon, ndien edu uwem: obio emi edinam didie akabare edi ndon?

JEREMIAH 27:8

Ndien ama edi idut ye obio eke midinyimeke ndinam ŋkpɔ nnɔ enye, kpa Nebuchadnezzar edidem Babylon, ye eke midinyimeke ndisin itɔŋ mmɔ ke ɔkpɔnɔ edidem Babylon, ami nyeda ofut, ye biɔŋ, ye idiɔk udɔŋɔ nnɔ idut oro ufen, tutu mma mmɔ ke ubɔk esie; emi edi uyo Jehovah.

JEREMIAH 38:2

Ntem ke Jehovah ɔdɔhɔ, ete, Owo eke etiede ke obio emi eyekpa ke ofut, ye ke biɔŋ, ye ke udɔŋɔ: ndien owo eke ɔwɔrɔde etiene mme Chaldean eyedu uwem: enye eyenyuŋ enyene uwem esie ke ŋkpɔ mbume, onyuŋ odu uwem.

JEREMIAH 39:3

Ndien kpukpru ikpɔ owo edidem Babylon edi editie ke esine ufɔt inua-otop; Nergal - sharezer, Samgar-nebo, Sarsechim etubom mme eunuch, Nergal-sharezer etubom mbon ifiɔk, ye kpukpru ikpɔ owo edidem Babylon eken.

JEREMIAH 40:9

Ndien Gedaliah eyen Ahikam eyen Shaphan, ɔŋwɔŋɔ ɔnɔ mmɔ ye ikɔt mmɔ, ete, Mbufo ekufehe ndinam ŋkpɔ nnɔ mme Chaldean: mbufo etie ke isɔŋ, enyuŋ edi ikɔt edidem Babylon, ndien eyefɔn ye mbufo.

JEREMIAH 44:7

Ndien kemi ntem ke Jehovah Abasi mme udim Abasi Israel ɔdɔhɔ, ete, Mbufo enam didie enam akamba idiɔk-ŋkpɔ etuk idem mbufo, ke esibe mbufo eren ye ŋwan, eyenɔwɔŋ ye eyen nsek efep ke Judah, ekusuhɔ baba nsuhɔ enɔ idem mbufo?

EZEKIEL 8:4

Ndien, sese, ubɔŋ Abasi Israel odu do, ebiet ŋkpɔ oro ŋkokutde ke itihere ebiet oko.

AMOS 5:27

Ndien nyetaŋ mbufo mfep nnim ke edem Damascus oko; Jehovah, emi enyiŋ esie edide Abasi mme udim, ɔdɔhɔ ntre.