JEREMIAH 37:21 - Edisana ñwed Abasi Ibom

²¹ Ndien Zedekiah edidem eteme, ete enim Jeremiah ke okure ufɔk ukwak, enyuŋ eda obukpa uyo kiet ke efak mme asaŋ uyo enɔ enye kpukpru usen, tutu ofuri uyo okure ke obio. Ntre ke Jeremiah etie ke okure ufɔk ukwak.

JEREMIAH 37:21 ပူးပေါင်းရင်းမြစ်များ

2 NDIDEM 25:3

Ndien ke ɔyɔhɔ usen usukkiet ke ɔyɔhɔ ɔfiɔŋ (inaŋ), akaŋ ɔsɔŋ ubɔk ke obio, udia eke mbio-obio ediade inyuŋ iduhe.

ŊWED JOB 5:20

Enye eyefak fi ɔbɔ mkpa efep ke ini akaŋ: ɔbɔ ke ubɔk ofut ke ini ekɔŋ.

ŊWED MME PSALM 37:19

But idinamke mmɔ ke idiɔk ini: edi eyeyuhɔ ke ini akaŋ.

ŊWED MME PSALM 37:3

Buɔt idem ye Jehovah, nyuŋ nam se ifɔnde; duŋ ke isɔŋ, nyuŋ dia akpanikɔ.

MME ŊKE 16:7

Ke adaŋemi usuŋ owo enemde Jehovah esit, enye anam idem mme asua esie etie emem-emem ye enye.

MME ŊKE 21:1

ESIT ɔbɔŋ edi idim mmɔŋ ke ubɔk Jehovah: enye akabare enye nte amade.

ISAIAH 33:16

edi enye oduŋ ke enyɔŋ: mkpɔsɔŋ ebiet ikpɔ itiat edi ubɔhɔ esie: enɔ enye uyo; mmɔŋ esie itreke.

JEREMIAH 20:2

Ndien Pashhur amia Jeremiah prophet, onyuŋ esin enye ke ebuka oro odude ke enyɔŋ-enyɔŋ inua-otop Benjamin emi odude ke ufɔk Jehovah.

JEREMIAH 32:2

Ndien ke ini oro mbon-ekɔŋ edidem Babylon ekan Jerusalem ekuk: ndien ekɔbi Jeremiah prophet ebaha ke okure ufɔk ukwak, emi odude ke ufɔk edidem Judah.

JEREMIAH 32:8

Ekem Hanamel eyen-ete ete mi edisim mi ke okure ufɔk ukwak, ekem ke uyo Jehovah, ndien ɔdɔhɔ mi, ete, Mbɔk, dep iŋwaŋ mi emi odude ke Anathoth, emi odude ke isɔŋ Benjamin: koro enyenede fi ndida enye nnyene, ufak onyuŋ enyene fi; dep enye ke idem fo.

JEREMIAH 33:1

EKEM uyo Jehovah ɔtɔŋɔ ntak osim Jeremiah, ndien enye osuk ɔkɔbɔ kaŋa ke okure ufɔk ukwak, ete,

JEREMIAH 38:13

Ndien mmɔ ekot Jeremiah ke idut esio ke obube: ndien Jeremiah etie do ke okure ufɔk ukwak.

JEREMIAH 38:28

Ndien Jeremiah etie ke okure ufɔk ukwak, tutu osim usen emi edade Jerusalem. Enye onyuŋ odu do ke ini emi edade Jerusalem.

JEREMIAH 38:6

Ndien mmɔ emum Jeremiah eka ekeduɔk ke obube Malchijah eyen edidem, emi odude ke okure ufɔk ukwak: ndien mmɔ eda idut esuhɔre Jeremiah. Ndien mmɔŋ iduhe ke obube oro, ke mibɔhɔke mbat odu. Ndien Jeremiah ɔbuhɔ ke mbat.

JEREMIAH 38:9

Ɔbɔŋ mi edidem, mbon oro ediɔk ndinam kpukpru se mmɔ enamde ye Jeremiah prophet, emi mmɔ eduɔkde ke obube: ndien enye eyekpa biɔŋ ke itie esie: koro baba udia miduhe aba ke obio.

JEREMIAH 52:6

Ke ɔyɔhɔ ɔfiɔŋ inaŋ, ke ɔyɔhɔ usen ɔfiɔŋ usukkiet, akaŋ ɔsɔŋ ubɔk ke obio; udia eke mbio-obio ediade inyuŋ iduhe.

ŊWED ESEME 5:10

Ata idiɔk akaŋ esin ikpɔhidem nnyin ebire nte usaŋ-uyo.

MATTHEW 6:33

Ekam ebem iso eyom Obio Ubɔŋ Esie ye edinen ido Esie; ndien eyedian kpukpru ŋkpɔ emi enɔ mbufo.

UTOM MME APOSTLE 12:5

Mmɔdo ekpeme Peter ke ufɔk-ŋkpɔkɔbi: edi ufɔk Abasi esɔŋɔ ebɔŋ akam enɔ Abasi ebaŋa enye.

UTOM MME APOSTLE 24:27

Edi ke adaŋemi isua iba ebede, Porcius Festus ada itie Felix: ndien sia Felix oyomde mme Jew enen-iso ye enye, enye ɔkpɔŋ Paul ke itie ŋkpɔkɔbi.

UTOM MME APOSTLE 28:16

Ke ini nnyin idukde ke Rome, eyak Paul oduŋ ke idem esie ye owo-ekɔŋ emi ekpemede enye.

UTOM MME APOSTLE 28:30

Ekem Paul oduŋ ofuri isua iba ke ufɔk eke ekpede okuk ke esit, onyuŋ adara ndikut kpukpru mmɔ eke ekade ekese enye;

ŊWED MBON EPHESUS 4:1

MMƆDO ami, emi ndide owo-ŋkpɔkɔbi ke Ɔbɔŋ, mmekpe mbufo ubɔk, nte, esaŋa nte odotde ikot emi ekokotde mbufo,

ŊWED MBON EPHESUS 6:20

emi ndide isuŋ esie ke ŋkpɔkɔbi; kpaŋ ŋkwɔrɔ enye ye uko nte odotde mi ndikwɔrɔ.

2 ŊWED TIMOTHY 1:8

Mmɔdo kuyak but anam fi ndidi ntiense nnɔ Ɔbɔŋ nnyin, kunyuŋ uyak but anam fi ye ami, owo-ŋkpɔkɔbi Esie; edi kam tiene gospel biom ukut, adaŋa nte asaŋade ekekem ye odudu Abasi:

2 ŊWED TIMOTHY 2:9

emi ŋkutde ukut ke esit, tutu esin mi ke ŋkpɔkɔbi nte anam-idiɔk: edi owo ikɔbike ikɔ Abasi.