JEREMIAH 37:17 - Edisana ñwed Abasi Ibom

¹⁷ ndien edidem Zedekiah ɔdɔŋ ekeda enye edi: edidem onyuŋ obime enye ke ufɔk esie ndibe-ndibe, onyuŋ ɔdɔhɔ ete, Nte ikɔ eke otode Jehovah mmɔdo? Ndien Jeremiah ete, Mmɔdo: onyuŋ ɔdɔhɔ ete, Eyeda fi esin edidem Babylon ke ubɔk.

JEREMIAH 37:17 ပူးပေါင်းရင်းမြစ်များ

1 NDIDEM 22:15

Ekem enye osim edidem Ndien edidem ɔdɔhɔ enye, ete, Micaiah, nte nnyin ika ekɔŋ ke Ramoth Gilead, mme itre ndika? Ndien enye ɔbɔrɔ enye, ete, Dɔk; nyuŋ kut unen: ndien Jehovah eyeda enye esin edidem ke ubɔk.

1 NDIDEM 22:16

Ndien edidem ɔdɔhɔ enye, ete, Adaŋa didie ke ami ndiwuk fi, nte okutiŋ ke mibɔhɔke akpanikɔ unɔ mi ke enyiŋ Jehovah?

2 NDIDEM 25:7

Mmɔ enyuŋ ewot nditɔ-iren Zedekiah ke iso esie, enyuŋ etibi Zedekiah enyin, enyuŋ ekɔbi enye ŋkpɔkɔbi okpoho, eda enye enyɔŋ ke Babylon.

JEREMIAH 15:11

Jehovah ɔdɔhɔ, ete, Nditreke nditat fi nnɔ mfɔn; nditreke ndinam mme asua ekpe fi ubɔk ke ini idiɔk ye ke ini ukut.

JEREMIAH 21:7

Jehovah onyuŋ ɔdɔhɔ ete, Ke ini ŋkpɔ oro ebede, nyeda Zedekiah, edidem Judah, ye ikɔt esie, ye mbio-obio, ye mmɔ eke udɔŋɔ ye ofut ye akaŋ esuhɔde ke obio emi, nsin Nebuchadrezzar edidem Babylon ke ubɔk, ye ke ubɔk mme asua mmɔ, ye ke ubɔk mmɔ eke eyomde uwem mmɔ: ndien enye eyekpeŋe mmɔ ke iso ofut; idituaha mmɔ, idinyuŋ iyakke mmɔ, idinyuŋ inyeneke mbɔm.

JEREMIAH 24:8

Ndien ama edi mme idiɔk fig emi owo mikemeke ndidia, koro mmɔ ediɔkde; ŋkɔm ntem ke Jehovah ɔdɔhɔ, ete, Ke ntre ke ndiyak Zedekiah, edidem Judah, ye mbɔŋ esie, ye nditɔ Jerusalem efen emi esuhɔde ke isɔŋ emi, ye emi eduŋde ke isɔŋ Egypt:

JEREMIAH 25:35

Ndien mme ɔbɔk erɔŋ idikwe usuŋ nte efeŋede, mme etubom ufene idinyuŋ ikwe ubɔhɔ.

JEREMIAH 37:3

Ndien edidem Zedekiah ɔdɔŋ Jehucal eyen Shelemiah, ye Zephaniah eyen Maaseiah oku, utom ke ɔtɔ Jeremiah prophet, ete, Mbɔk, kpe Jehovah Abasi nnyin ubɔk nɔ nnyin.

JEREMIAH 38:5

Ndien edidem Zedekiah ɔdɔhɔ ete, Sese, enye mmɔdo ke ubɔk mbufo: koro midige edidem ekeme ŋkpɔ ye mbufo.

JEREMIAH 52:8

Ndien mbon-ekɔŋ mme Chaldean ebine edidem, enyuŋ esim Zedekiah, ke una-isɔŋ Jericho; kpukpru mbon-ekɔŋ esie enyuŋ ekpɔŋ enye esuana.

EZEKIEL 7:26

Idiɔk eyetiene idiɔk; etop eyenyuŋ ɔkɔrɔ ke etop; ndien mmɔ eyeyom ŋkukut prophet: ewuhɔ oku eyenyuŋ atak, ye item mbio-owo.

NUMBERS 23:17

Ndien adaŋemi enye osimde enye, sese, enye ke adada ke ɔtɔ ufɔp uwa eise, ye mbɔŋ Moab ŋko. Ndien Balak obup enye, ete, Jehovah ɔdɔhɔ didie?

MARK 6:20

edi ikemeke: koro Herod efefehe John, sia ɔfiɔkde ete enye edi edinen ye edisana owo, onyuŋ ekpeme enye. Ndien ke ini enye okopde uyo John, ekikere otimere enye; enye onyuŋ okop uyo oro ke inemesit.