JEREMIAH 37:15 - Edisana ñwed Abasi Ibom

¹⁵ Ndien mbɔŋ oro ekpahesit ye Jeremiah, enyuŋ emia enye, enyuŋ eda enye esin ke ŋkpɔkɔbi ufɔk Jonathan ewet ŋwed: koro mmɔ ekenimde enye ke ufɔk ukwak.

JEREMIAH 37:15 ပူးပေါင်းရင်းမြစ်များ

GENESIS 39:20

ndien esit ayat enye. Ndien ete Joseph omum enye ekesin ke ufɔk ukpeme, ebiet emi ekɔŋde mbio ŋkpɔkɔbi edidem: ndien enye odu do ke ufɔk ukpeme.

2 CHRONICLES 16:10

Ndien Asa ayat esit ye okut-ŋkukut oro, onyuŋ esin enye ke ufɔk ebuka; koro enye akpahade esit ye enye abaŋa ŋkpɔ emi. Asa onyuŋ otuk ndusuk mbio-obio suk ini oro.

2 CHRONICLES 18:26

Ntem ke edidem ɔdɔhɔ ete, Mbufo, esin owo emi ke ufɔk ukwak, enyuŋ ebɔk enye ke udia nnanenyin, ye mmɔŋ nnanenyin, tutu ami mfiak ndi ke ifure.

JEREMIAH 18:23

Ndien afo, Jehovah, ɔmɔfiɔk ofuri uduak emi mmɔ eduakde ebaŋa mi, ete iwot mi; kusio isop ubaŋa idiɔk ido mmɔ, kunyuŋ usɔhi oburobut ido mmɔ ke iso fo ufep, edi yak mmɔ etuak eduɔŋɔ ke iso fo; nam ye mmɔ ke ini iyaresit fo.

JEREMIAH 26:16

Ndien mbɔŋ oro ye kpukpru mbio-obio edɔhɔ mme oku ye mme prophet, ete, Owo emi iduehe isop mkpa: koro enye ɔdɔhɔde ye nnyin ke enyiŋ Abasi nnyin.

JEREMIAH 32:2

Ndien ke ini oro mbon-ekɔŋ edidem Babylon ekan Jerusalem ekuk: ndien ekɔbi Jeremiah prophet ebaha ke okure ufɔk ukwak, emi odude ke ufɔk edidem Judah.

JEREMIAH 37:20

Kop ndien, ɔbɔŋ mi edidem, yak mkpe-ubɔk mi ɔsuhɔre ana fi ke iso, kunyuŋ uyak mi mfiak ke ufɔk Jonathan ewet ŋwed, man ŋkukpa mkpa.

JEREMIAH 37:4

Ndien Jeremiah oduk onyuŋ ɔwɔrɔ ke otu mbio-obio; ndien mmɔ ika-isinke enye ke ufɔk ukwak.

JEREMIAH 38:26

Ndien dɔhɔ mmɔ, ete, Ami ŋkɔsuhɔre mkpe-ubɔk mi nnim ke iso edidem, nte enye okuyak mi mfiak ŋka ufɔk Jonathan ŋkakpa do.

JEREMIAH 38:6

Ndien mmɔ emum Jeremiah eka ekeduɔk ke obube Malchijah eyen edidem, emi odude ke okure ufɔk ukwak: ndien mmɔ eda idut esuhɔre Jeremiah. Ndien mmɔŋ iduhe ke obube oro, ke mibɔhɔke mbat odu. Ndien Jeremiah ɔbuhɔ ke mbat.

JEREMIAH 39:15

Ekem uyo Jehovah osim Jeremiah ke ini eke ekɔbide enye ebaha ke okure ufɔk ukwak, ete,

MATTHEW 21:35

Ndien mme ekpeme-iŋwaŋ emum mme isuŋutom esie, emia kiet, enyuŋ ewot efen, enyuŋ etɔŋɔ efen ke itiat.

MATTHEW 23:34

Mmɔdo sese, Ami mmosio mme prophet ye mme ɔfiɔk-ŋkpɔ owo ye mme scribe ndɔŋ ke ɔtɔ mbufo; mbufo eyewot, enyuŋ ekɔŋ ndusuk mmɔ ke cross; mbufo eyenyuŋ emia ndusuk mmɔ ke synagogue mbufo, enyuŋ ekɔbɔ ebine mmɔ ke obio ke obio:

LUKE 22:64

Mmɔ eda ŋkpɔ ebɔp Enye enyin, enyuŋ ebup Enye ete, Siak enyiŋ owo eke oyibide Fi.

JOHN 18:22

Ndien ke ini Enye ɔdɔhɔde ntem, asaŋutom kiet emi adade ŋkpet-ŋkpet, oyibi Jesus ufia, ete, Nte ɔbɔrɔ akwa oku ikɔ ntre?

UTOM MME APOSTLE 5:18

ndien mmɔ emum mme apostle, esin mmɔ ke ufɔk-ŋkpɔkɔbi.

UTOM MME APOSTLE 5:28

Ndien akwa oku obup mmɔ ete, Nnyin ima isɔŋ uyo ikpan mbufo, ite ekukpep aba ŋkpɔ ke enyiŋ emi: ndien sese, emɔyɔhɔ Jerusalem ye ukpep-ŋkpɔ mbufo, enyuŋ eyom iyip owo emi ɔkɔbɔ nnyin.

UTOM MME APOSTLE 5:40

Ndien mmɔ enyime ndikop uyo esie: enyuŋ ekot mme apostle edi, enyuŋ emia mmɔ, enyuŋ ewuk mmɔ ete, ekutiŋ ikɔ ke enyiŋ Jesus, enyuŋ eyak mmɔ enyɔŋɔ.

ERIYARARE 2:10

Kunyene ndik ubaŋa ukut eke ɔmɔŋ edisim fi. Sese, Satan ɔmɔŋ edisin ndusuk mbufo ke ufɔk-ŋkpɔkɔbi, man edomo mbufo ese, ndien mbufo eyekut ukut ke usen duop. Wut idem nte anam-akpanikɔ tutu osim mkpa, ndien nyenɔ fi anyanya uwem.