JEREMIAH 36:9 - Edisana ñwed Abasi Ibom

⁹ Edikem ke ɔyɔhɔ isua Jehoiakim eyen Josiah edidem Judah ition, ke ɔyɔhɔ ɔfiɔŋ usukkiet, kpukpru owo ke Jerusalem, ye kpukpru owo emi etode ke mme obio Judah edi ke Jerusalem, ekwɔrɔ utre-udia ke iso Jehovah.

JEREMIAH 36:9 ပူးပေါင်းရင်းမြစ်များ

2 CHRONICLES 20:3

Ndien Jehoshaphat edikhe, onyuŋ akabare iso oyom Jehovah, onyuŋ ɔkwɔrɔ utre-udia ke ofuri Judah.

NEHEMIAH 9:1

EKEM ke ɔyɔhɔ usen edip ye inaŋ ke ɔfiɔŋ emi, nditɔ Israel esop idem etre udia, esine ɔfɔŋ-ikpo, ntan onyuŋ odoro mmɔ ke idem.

ESTHER 4:16

Ka kobon kpukpru mme Jew emi edude ke Shushan, mbufo enyuŋ etre udia ebaŋa mi, ekunyuŋ edia ŋkpɔ, ekunyuŋ eŋwɔŋ ke usen ita, ke okoneyo, ye ke uwemeyo, ami ye nditɔ-iban mi ŋko iyetre udia kpa ntre; ndien ntem ke ndiduk ke ɔtɔ edidem, eke misaŋake ke ewuhɔ; ndien mma ŋkpa yak ŋkpa.

JEREMIAH 36:1

EDIDEM ke ɔyɔhɔ isua Jehoiakim eyen Josiah edidem Judah inaŋ, uyo emi oto Jehovah osim Jeremiah, ete,

JEREMIAH 36:22

Ndien edidem etie ke ufɔk ini tuep, ke ɔyɔhɔ ɔfiɔŋ usukkiet: eso ikaŋ onyuŋ asak ke iso esie.

JEREMIAH 36:6

Afo ka ndien kada ikpa emi afo ɔbɔde mi ke inua ewet, tiŋ ikɔ Jehovah ke utɔŋ kpukpru owo ke ufɔk Jehovah ke usen utre-udia: nyuŋ tiŋ mmɔ ŋko ke utɔŋ ofuri Judah emi etode ke mme obio mmɔ edi.

JOEL 1:13

Mbufo mme oku ebɔbɔ mbɔbɔ, enyuŋ etuaŋa: mbufo mme anam-ŋkpɔ itie-uwa eseme: mbufo mme anam-ŋkpɔ Abasi mi edi edina ke ɔfɔŋ-ikpo ke ofuri okoneyo: koro ebɔde ufɔk Abasi mbufo inuak-udia ye uwa ediŋwɔŋ-ŋkpɔ efep.

JOEL 1:14

Mbufo enim utre-udia: ekwɔrɔ usɔrɔ; ebon mbiowo, kpukpru mme andiduŋ isɔŋ, edi ufɔk Jehovah Abasi mbufo, enyuŋ eseme enɔ Jehovah.

LEVITICUS 23:27

Ke ɔyɔhɔ usen duop, ke ɔyɔhɔ ɔfiɔŋ itiaba emi, (mbufo enim) usen usio-isop ŋko: mbufo enim enye ke edisana esop; enyuŋ esuhɔre ukpɔŋ mbufo, enyuŋ ewa uwa ikaŋ enɔ Jehovah.

JONAH 3:5

Ndien mbio-obio Nineveh enim uyo Abasi ke akpan-ikɔ; ndien mmɔ ewuk utre-udia, enyuŋ esine ɔfɔŋ-ikpo ke idem, ɔtɔŋɔde ke ikpɔ tutu osim ŋkpri.

ZECHARIAH 8:19

Ntem ke Jehovah mme udim ɔdɔhɔ, ete, Utre-udia ɔyɔhɔ ɔfiɔŋ inaŋ, ye utre-udia ɔfiɔŋ ition, ye utre-udia ɔfiɔŋ itiaba, ye utre-udia ɔfiɔŋ duop, eyedi ini idara ye mbre ufɔk Judah, ye nti usɔrɔ. Mbufo ema ndien akpanikɔ ye emem.

JUDGES 20:26

Ndien kpukpru nditɔ Israel ye kpukpru owo edɔk eka Beth-el eketua eyet, enyuŋ etie do ke iso Jehovah, enyuŋ etre udia ke usen oro, tutu osim mbubreyo: mmɔ enyuŋ ewa edifɔp uwa ye uwa emem ke iso Jehovah.

1 SAMUEL 7:6

Ndien mmɔ eka ekesop idem ke Mizpah, enyuŋ ekoi mmɔŋ, eŋwaŋa ke iso Jehovah, enyuŋ etre udia ke usen oro, enyuŋ edɔhɔ do, ete, Nnyin imedue Jehovah. Ndien Samuel ekpe ikpe nditɔ Israel ke Mizpah.