JEREMIAH 36:7 - Edisana ñwed Abasi Ibom

⁷ Mme mmɔ eyesuhɔre idem mmɔ eseme ke iso Jehovah, kpukpru mmɔ enyuŋ efiak edem ekpɔŋ idiɔk usuŋ mmɔ: koro iyaresit ye ifuresit emi Jehovah ɔkɔdɔhɔde abaŋa mbio-obio emi ekponde.

JEREMIAH 36:7 ပူးပေါင်းရင်းမြစ်များ

2 NDIDEM 22:13

Mbufo eka ekebup Jehovah enɔ mi, ye mbio emi, ye ofuri Judah, ebaŋa ikɔ ŋwed emi ekutde: koro iyaresit Jehovah emi asakde ye nnyin omokpon eti, koro mme ete nnyin mikokopke ikɔ ŋwed emi, mikonyuŋ inamke kpukpru se ewetde ebaŋa nnyin.

2 NDIDEM 22:17

ke usiene emi mmɔ ekekpɔŋde mi, enyuŋ efɔpde incense enɔ abasi efen, man eyat mi esit ke kpukpru utom ubɔk mmɔ; oro esin iyaresit mi asak ye ebiet emi, idinyuŋ inimeke.

2 CHRONICLES 34:21

Mbufo eka ekebup Jehovah enɔ mi, ye mmɔ emi esuhɔde ke Israel, ye ke Judah, ebaŋa ikɔ ŋwed emi ekutde: koro iyaresit Jehovah emi eŋwaŋade nnyin ke idem omokpon koro mme ete nnyin mikenimke ikɔ Jehovah, minyuŋ inamke kpukpru se ewetde ke ŋwed emi.

JEREMIAH 1:3

onyuŋ osim enye ke eyo Jehoiakim eyen Josiah edidem Judah, tutu osim ke utit ɔyɔhɔ isua Zedekiah eyen Josiah edidem Judah duopekiet, tutu osim ke ini oro etaŋde Jerusalem efep ke ɔyɔhɔ ɔfiɔŋ ition.

JEREMIAH 16:10

Ndien ama ekem ke ini afo editiŋde kpukpru ikɔ emi ɔnɔ mbio-obio emi, ndien mmɔ eyedɔhɔ fi, ete, Ke didie ke Jehovah ɔdɔhɔ ofuri akwa idiɔk-ŋkpɔ emi abaŋa nnyin? Nsinyuŋ idi idiɔk ido nnyin, ye oburobut ido nnyin, eke nnyin iduede ye Jehovah Abasi nnyin?

JEREMIAH 19:15

Ntem ke Jehovah mme udim Abasi Israel ɔdɔhɔ ete, Sese, mmɔŋ nda ofuri idiɔk-ŋkpɔ oro ŋkɔdɔhɔde mbaŋa enye, ntiene obio emi, ye kpukpru obio-iŋwaŋ esie, koro mmɔ esɔŋɔde obot-itɔŋ mmɔ, ndien mikopke uyo mi.

JEREMIAH 21:5

Ndien ami nyeŋwana ekɔŋ ye mbufo ke edinyanare ita, ye ke ɔkpɔsɔŋ ubɔk, ye ke akwa iyaresit ye ifuresit ye ikpahesit.

JEREMIAH 25:5

Mbɔk mbufo kiet kiet ekabare ekpɔŋ mme idiɔk usuŋ mbufo, ye mme idiɔk ido mbufo, enyuŋ eduŋ ke isɔŋ emi Jehovah ɔkɔnɔde mbufo ye mme ete mbufo ke nsinsi:

JEREMIAH 26:3

mme mmɔ kiet kiet eyekop enyuŋ efiak ekpɔŋ idiɔk usuŋ mmɔ, man ŋkabare ŋkpɔŋ idiɔk-ŋkpɔ emi ami ŋkekerede ndinam mmɔ mbaŋa mme idiɔk ido mmɔ.

JEREMIAH 36:3

Mme ufɔk Judah eyekop ofuri idiɔk emi ami ŋkerede ndinam mmɔ, man kpukpru mmɔ ekabare ekpɔŋ mme idiɔk usuŋ mmɔ; man ami ndahado ke idiɔk ido mmɔ ye ukwaŋ-ŋkpɔ mmɔ.

JEREMIAH 37:20

Kop ndien, ɔbɔŋ mi edidem, yak mkpe-ubɔk mi ɔsuhɔre ana fi ke iso, kunyuŋ uyak mi mfiak ke ufɔk Jonathan ewet ŋwed, man ŋkukpa mkpa.

JEREMIAH 4:4

O mbio Judah, ye mme andiduŋ Jerusalem, mbufo ena mbobi enɔ Jehovah, enyuŋ esibe esit mbufo edut efep: mbak ifiopesit mi ediwɔrɔ nte ikaŋ, onyuŋ ata, ndien baba owo kiet eke onimede iduhe, abaŋa mme idiɔk ido mbufo.

JEREMIAH 42:2

edidɔhɔ Jeremiah prophet, ete, Mbɔk, yak mkpe-ubɔk nnyin ɔsuhɔre ana fi ke iso, nyuŋ kpe Jehovah Abasi fo ubɔk baŋa nnyin, baŋa kpukpru mmɔ eke esuhɔde mi: koro nnyin emi ikewakde isuhɔde esisit, kpa nte enyin fo okutde nnyin:

ŊWED ESEME 4:11

Jehovah ama ama ifuresit esie; amaŋwaŋa ikaŋ iyaresit esie. Enye omonyuŋ okim ikaŋ ke Zion, emi atade tutu osim ke isɔŋ esie.

EZEKIEL 12:3

Afo eyen owo tim ndien mkpoduoho uwɔrɔ-iduŋ, nyuŋ wɔrɔ iduŋ ke enyin mmɔ ke uwemeyo; nyuŋ wɔrɔ ke ebiet kiet ka ke ebiet eŋwen ke enyin mmɔ.

EZEKIEL 13:13

Mmɔdo ntem ke Ɔbɔŋ Jehovah ɔdɔhɔ ete, Nyeda ofum oyobio nsiak enye ke ifuresit mi; ata ɔkpɔsɔŋ edim eyenyuŋ edi ke iyaresit mi, ye ikpɔ itiat edim ke ikpahesit mi, ndibiat enye.

EZEKIEL 20:33

Ɔbɔŋ Jehovah ɔdɔhɔ ete. Ma uwem mi, nditreke ndikara mbufo ke ɔkpɔsɔŋ ita, ye ke edimenere ubɔk, ye ke ifuresit eke eŋwaŋade.

EZEKIEL 22:20

kpa nte etaŋde silver, ye okuk, ye ukwak, ye ŋket ye idaŋ, esin ke ufɔt ikaŋ, man ebara ikaŋ ke esit etara enye; kpa ntre ke nditaŋ mbufo ke iyaresit mi ye ke ifuresit mi mbon, nnyuŋ ŋkpɔŋ mbufo, nnyuŋ ntara mbufo.

EZEKIEL 5:13

Ndien iyaresit mi eyekure, nyenyuŋ nda ifuresit mi ndori mmɔ ke idem, ndien ŋkop ndɔŋ-esit: ndien mmɔ eyefiɔk, ete, ke ami Jehovah ndɔhɔ ke ufup mi, ke ini mmade ifuresit mi ye mmɔ.

EZEKIEL 8:18

Ndien ami ŋko nyenam ke ifuresit: enyin mi idinyeneke mbɔm, ndinyuŋ nyakke: ndien mmɔ eyefiori mi ɔkpɔsɔŋ uyo ke utɔŋ, edi ndikopke uyo mmɔ.

DANIEL 9:13

kpa nte emi ekewetde ke ŋwed mbet Moses, ofuri idiɔk-ŋkpɔ emi omosim nnyin. Edi nnyin ikekpehe Jehovah Abasi nnyin ubɔk, inyuŋ ikpɔŋke mme idiɔk ido nnyin ifiak edem, inyuŋ itimke ifiɔk akpanikɔ fo.

DANIEL 9:18

O Abasi mi, kpaŋ utɔŋ fo, nyuŋ kop; tat enyin fo, nyuŋ se ŋwure nnyin, ye obio emi ekerede enyiŋ fo: koro nnyin minimke mkpe-ubɔk nnyin ke iso fo, ibaŋa nti ido idem nnyin, edi ibaŋa ediwak mbɔm fo.

HOSEA 5:15

Nyenyɔŋ ŋka ebiet mi tutu mmɔ eda ufen, enyuŋ eyom iso mi: ke ini ukut mmɔ, mmɔ eyebak eyom mi.

JOEL 2:12

Jehovah onyuŋ ɔdɔhɔ ke emi ŋko, ete, Mbufo efiak etiene mi ke ofuri esit mbufo, ye ke utre-udia, ye ke ntua-eyet, ye ke eseme:

JOEL 2:13

ndien mbufo ewai esit mbufo, ekuwai edisine-ŋkpɔ mbufo, enyuŋ efiak edem etiene Jehovah Abasi mbufo: koro enye enyenede mfɔn ye mbɔm, isɔpke iyaresit, onyuŋ awak ima, onyuŋ atua mkpɔfiɔk ke idiɔk ŋkpɔ.

JONAH 3:8

edi yak owo ye ufene esine ɔfɔŋ-ikpo ke idem, enyuŋ eseme enɔ Abasi ɔkpɔsɔŋ; yak kpukpru owo enyuŋ ekpɔŋ idiɔk ido mmɔ, ye afai eke odude mmɔ ke ubɔk efiak edem.

ZECHARIAH 1:4

Mbufo ekubiet mme ete mbufo emi akpa prophet ekekotde mmɔ, ete, Ntem ke Jehovah mme udim ɔdɔhɔ, ete, Mbɔk, mbufo ekabare ekpɔŋ mme idiɔk usuŋ mbufo, ye mme idiɔk ido mbufo: edi mmɔ ikopke, inyuŋ ikpaŋke utɔŋ inɔ mi: ke edi uyo Jehovah.

DEUTERONOMY 31:16

Ndien Jehovah ɔdɔhɔ Moses, ete, Sese, afo ɔmɔŋ edina ye mme usɔ; ndien mbio emi eyedaha ke enyɔŋ eketieŋe mme isen abasi mme idut emi mmɔ ekade do ndi duk ke otu mmɔ, eyenyuŋ ekpɔŋ mi, enyuŋ ebiat ediomi mi emi nnamde ye mmɔ.

DEUTERONOMY 31:17

Ndien iyaresit mi eyefiop ye mmɔ ke usen oro, ndien nyekpɔŋ mmɔ, nnyuŋ ndip mmɔ iso mi, ndien mmɔ eyedi se ediade, ediwak mkpɔsɔŋ mme idiɔk-ŋkpɔ eyenyuŋ enam mmɔ; ndien mmɔ eyedɔhɔ ke usen oro, ete, Nte idige koro Abasi nnyin miduhe ke otu nnyin esin mme idiɔk-ŋkpɔ emi esim nnyin: