JEREMIAH 34:8 - Edisana ñwed Abasi Ibom

⁸ Uyo emi okoto Jehovah osim Jeremiah ke adaŋemi edidem Zedekiah okodiomide ama ye kpukpru owo eke edude ke Jerusalem, ete ekwɔrɔ uwɔrɔ ufin enɔ mmɔ;

JEREMIAH 34:8 ပူးပေါင်းရင်းမြစ်များ

2 NDIDEM 11:17

Ndien Jehoiada anam ediomi ke ufɔt Jehovah ye edidem, ye mbio-obio ete mmɔ edi ikɔt Jehovah; enye onyuŋ anam ediomi ŋko ke ufɔt edidem ye mbio-obio.

2 CHRONICLES 23:16

Ekem Jehoiada anam ediomi ke ufɔk idem esie, ye kpukpru mbio-obio, ye edidem, ete edi ikɔt Jehovah.

2 CHRONICLES 29:10

Ndien odu mi ke esit ndidiomi ye Jehovah Abasi Israel, man ikaŋ iyaresit esie ɔwɔŋɔre ɔkpɔŋ nnyin.

NEHEMIAH 9:38

Ndien kpukpru ŋkpɔ emi esin nnyin idiomi ediomi, inyuŋ iwet; ndien mbɔŋ nnyin, ye mme Levite nnyin, ye mme oku nnyin, enyuŋ efik ke ufik-ŋwed mmɔ.

ISAIAH 58:6

Nte idige emi edi utre-udia eke ndimekde enye: eritat uruk idiɔk ido, erikpɔhɔre ubɔp-ŋkpɔ ɔkpɔnɔ, nnyuŋ nsana mmɔ eke owo efikde nnyak, nnyuŋ mbuŋ kpukpru ɔkpɔnɔ?

ISAIAH 61:1

SPIRIT Ɔbɔŋ Jehovah odoro mi: koro, Jehovah emeyet mi aran onim, man mbuk eti mbuk nnɔ mbon nsuk-esit; ɔmɔdɔŋ mi, ete mbɔp mmɔ eke esit mmɔ ɔbuŋɔde, ŋkwɔrɔ uwɔrɔ-ufin nnɔ mbuot ekɔŋ, ŋkwɔrɔ nsana-nyak nnɔ mmɔ eke ekɔbide;

JEREMIAH 34:17

Mmɔdo ntem ke Jehovah ɔdɔhɔ, ete, Mbufo ikopke uyo mi ndikwɔrɔ uwɔrɔ ufin nnɔ nditɔ-ete mbufo ye mbɔhiduŋ mbufo: sese, Jehovah ɔdɔhɔ, ete, Ami mmɔŋ ŋkwɔrɔ ufin nnɔ mbufo nnɔ ofut ye idiɔk udɔŋɔ ye biɔŋ; nyenyuŋ nda mbufo nnɔ man edi se etukde ke kprukpru mme idut ererimbot.

LEVITICUS 25:10

Mbufo enyuŋ edianare ɔyɔhɔ isua aba ye duop enim, enyuŋ etaŋa ubɔhɔ ke isɔŋ enɔ kpukpru mme andiduŋ enye: mbufo enim enye ke jubilee; ndien kpukpru mbufo efiak ke udeme mbufo, kpukpru enyuŋ efiak ke oruk mbufo.

DEUTERONOMY 15:12

Ke adaŋemi eyen usɔ, mme Hebrew eren, mme Hebrew aŋwan, edinyamde idem esie ɔnɔ fi, edinyuŋ anamde utom ɔnɔ fi ke ofuri isua itiokiet; ndien ke ɔyɔhɔ isua itiaba, sio enye ke ufin fo efep.