JEREMIAH 34:2 - Edisana ñwed Abasi Ibom

² Ntem ke Jehovah Abasi Israel ɔdɔhɔ, ete, Ka kɔdɔhɔ ikɔ ye Zedekiah edidem Judah, nyuŋ tiŋ ntem nɔ enye, ete Ntem ke Jehovah ɔdɔhɔ, ete, Sese, ami mmɔŋ nda obio emi nsin edidem Babylon ke ubɔk, ndien enye eyefɔp enye ke ikaŋ.

JEREMIAH 34:2 ပူးပေါင်းရင်းမြစ်များ

2 NDIDEM 25:1

EDIKEM ke ɔyɔhɔ isua usukkiet nte enye akada ubɔŋ, ke ɔyɔhɔ ɔfiɔŋ duop, ke ɔyɔhɔ usen ɔfiɔŋ duop, Nebuchadnezzar edidem Babylon, ye ofuri udim-ekɔŋ esie edi ekɔŋ ye Jerusalem, edikan enye ekuk.

2 NDIDEM 25:9

ndien enye ɔfɔp ufɔk Jehovah, ye ufɔk edidem, ye kpukpru ufɔk Jerusalem, ye kpukpru ikpɔ ufɔk ke enye ɔfɔp ke ikaŋ.

JEREMIAH 21:10

Koro mmowuk iso mi nse obio emi, nte nnam enye ɔdiɔk, nnamke enye eti ŋkpɔ, Jehovah ɔdɔhɔ: eyeda enye esin ke ubɔk edidem Babylon, ndien enye eyefɔp enye ke ikaŋ.

JEREMIAH 21:4

Ntem ke Jehovah Abasi Israel ɔdɔhɔ, ete, Sese, ami mmɔŋ ŋkabare ŋkpɔ ekɔŋ emi edude mbufo ke ubɔk, emi mbufo edade eŋwana ekɔŋ ye edidem Babylon ye mme Chaldean emi ekande mbufo ekuk ke edem ibibene, efiak edem, ndien nyebon mmɔ ke ufɔt obio emi.

JEREMIAH 27:22

Ke eyeda mmɔ eka Babylon, ndien mmɔ eyedu do tutu ekem ke usen eke ndisede mmɔ; ndien nyeda mmɔ ndɔk ndi, nnyuŋ ntɔŋɔ ntak nsin mmɔ ke ebiet emi; Jehovah ɔdɔhɔ.

JEREMIAH 32:3

Koro Zedekiah edidem Judah ɔkɔkɔbide enye abaha, ete, Afo anam didie etiŋ prophecy, ete, Ntem ke Jehovah ɔdɔhɔ, ete, Sese, ami mmɔŋ nda obio emi nsin edidem Babylon ke ubɔk, ndien enye eyeda enye;

JEREMIAH 34:22

Jehovah ɔdɔhɔ ete, Sese, ami mmɔŋ ŋwuk, nnyuŋ nda mmɔ mfiak ndi ke obio emi; ndien mmɔ eyeŋwana ekɔŋ ye enye, enyuŋ eda enye, enyuŋ efɔp enye ke ikaŋ: ndien nyenim mme obio Judah ke ŋkpɔ nsobo tutu anana owo eke oduŋde.

JEREMIAH 38:23

Ntem ke mmɔ edisioŋo kpukpru iban fo ye nditɔ fo esɔk mme Chaldean: ndien afo udubɔhɔke mmɔ ke ubɔk: koro ubɔk edidem Babylon eyemum fi: afo eyenyuŋ ɔfɔp obio emi ke ikaŋ.”

JEREMIAH 39:8

Mme Chaldean enyuŋ efɔp ufɔk edidem, ye ufɔk mbio-obio ke ikaŋ; enyuŋ ewuri ibibene Jerusalem.