JEREMIAH 34:14 - Edisana ñwed Abasi Ibom

¹⁴ Ke utit isua itiaba mbufo kpukpru esana eyen-ete mbufo, eyen Hebrew emi anyamde idem esie ɔnɔ mbufo eyak; ke adaŋemi enye anamde ŋkpɔ ke isua itiokiet, yak enye ɔwɔrɔ ufin ɔkpɔŋ ebiet mbufo: ndien mme ete mbufo ikopke uyo mi, inyuŋ ikpaŋke utɔŋ mmɔ.

JEREMIAH 34:14 ပူးပေါင်းရင်းမြစ်များ

1 NDIDEM 21:25

Edi oruk owo nte Ahab ikoduhe, emi akanyamde idem esie ndinam idiɔk ke iso Jehovah, emi Jezebel ŋwan esie esinde nsɔk.

1 NDIDEM 9:22

Edi Solomon inimke nditɔ Israel baba ke ifin: edi mmɔ edi mbonekɔŋ, ye mme asaŋutom esie, ye ikpɔ owo esie, ye mme etubom esie, ye mme etubom mme chariot esie, ye mbon horse esie.

2 CHRONICLES 28:10

Ndien ke emi mbufo edɔhɔ, ete imɔŋ idigi nditɔ Judah, ye Jerusalem nte ifin iren ye ifin iban mbufo. Nte mbufo ke idem mbufo inyeneke se eduede Jehovah Abasi mbufo?

2 CHRONICLES 36:16

edi mmɔ esak mme isuŋ-utom Abasi, enyuŋ esin ikɔ esie ke ndek, enyuŋ esuŋi mme prophet esie, tutu Jehovah obumere iyaresit ye ikɔt esie, tutu inyeneke erikure.

NEHEMIAH 9:30

Edi afo eme ime ye mmɔ ediwak isua, onyuŋ ada spirit fo asua ɔnɔ mmɔ ke ubɔk mme prophet fo: edi mmɔ ikpaŋke utɔŋ. Ndien afo emen mmɔ esin mbio mme idut ke ubɔk.

ISAIAH 50:1

NTEM ke Jehovah ɔdɔhɔ, ete, enye ŋwed usio-ndɔ eka mbufo emi ŋkebinde mfep? Mme anie ke otu mmɔ emi ŋkamade mmɔ isɔn ke ŋkanyam mbufo nnɔ? Sese, ekenyam mbufo ebaŋa mme idiɔk ido mbufo, ekenyuŋ ebin eka mbufo efep ebaŋa mme oburobut ido mbufo.

ISAIAH 58:6

Nte idige emi edi utre-udia eke ndimekde enye: eritat uruk idiɔk ido, erikpɔhɔre ubɔp-ŋkpɔ ɔkpɔnɔ, nnyuŋ nsana mmɔ eke owo efikde nnyak, nnyuŋ mbuŋ kpukpru ɔkpɔnɔ?

JEREMIAH 11:7

Koro mma ntim ŋwuk mme ete mbufo ke usen oro ŋkadade mmɔ ke isɔŋ Egypt ndɔk, tutu osim mfin emi, mbabak ŋwuk, nte,

JEREMIAH 32:30

Koro nditɔ Israel ye nditɔ Judah esuk enam idiɔk-idiɔk ke iso mi, toto ke ini uyen mmɔ: koro nditɔ Israel esuk eyeyat mi esit ke se ubɔk mmɔ enamde; Jehovah ɔdɔhɔ.

JEREMIAH 35:15

Ami ŋko nnyuŋ ndɔŋ kpukpru ikɔt mi mme prophet utom ke ɔtɔ mbufo, mbabak ndɔŋ, nte, Mbɔk, mbufo kpukpru ekabare ekpɔŋ idiɔk usuŋ mbufo, enyuŋ ekabare ido mbufo enam ɔfɔn, ekunyuŋ ebine mme abasi efen ndinam ŋkpɔ nnɔ mmɔ, ndien mbufo eyeduŋ ke isɔŋ emi ŋkɔnɔde mbufo ye mme ete mbufo: ndien mbufo ikpaŋke utɔŋ mbufo, inyuŋ ikopke inɔ mi.

EZEKIEL 20:4

Nte afo eyekpe ikpe ɔnɔ mmɔ, eyen owo? Nte afo eyekpe ikpe ɔnɔ mmɔ? Nam mmɔ efiɔk mbubiam ŋkpɔ mme ete mmɔ:

EZEKIEL 20:8

Ndien mmɔ esɔŋ ibuot ye ami, inyuŋ inyimeke ndikop uyo mi: baba owo kiet imenke ŋkpɔ ndek ke enyin esie iduɔk, inyuŋ ikpɔŋke ibɔk Egypt: ndien ndɔhɔ nte ke nyeŋwaŋa mmɔ ifuresit mi ke idem, man mma iyaresit mi ke idem mmɔ ke ufɔt isɔŋ Egypt.

LEVITICUS 25:10

Mbufo enyuŋ edianare ɔyɔhɔ isua aba ye duop enim, enyuŋ etaŋa ubɔhɔ ke isɔŋ enɔ kpukpru mme andiduŋ enye: mbufo enim enye ke jubilee; ndien kpukpru mbufo efiak ke udeme mbufo, kpukpru enyuŋ efiak ke oruk mbufo.

AMOS 2:6

Ntem ke Jehovah ɔdɔhɔ, ete, Idiɔk ido Israel ita ye inaŋ iyakke mi ŋkabare enye (ufen) mfep: koro mmɔ ekenyamde nti owo ke silver, enyam eyen ubuene ke ikpa-ukot iba;

AMOS 8:6

“Man nnyin idep mbon unana ke okuk, ye mme ubuene ke ikpa-ukot iba; nnyin iyenyuŋ inyam mbio ibokpot.”

ŊWED MBON ROME 7:24

Mbɔm mi, owo nditaha! anie edinyaŋa mi osio ke ikpɔhidem mkpa emi?

DEUTERONOMY 15:1

KE utit kpukpru isua itiaba nim eridahado. Ndien emi edi ikɔ eridahado emi:

DEUTERONOMY 15:12

Ke adaŋemi eyen usɔ, mme Hebrew eren, mme Hebrew aŋwan, edinyamde idem esie ɔnɔ fi, edinyuŋ anamde utom ɔnɔ fi ke ofuri isua itiokiet; ndien ke ɔyɔhɔ isua itiaba, sio enye ke ufin fo efep.

DEUTERONOMY 15:9

Kpeme idem fo mbak ikɔ edidu ke idiɔk esit fo ete, Ɔyɔhɔ isua itiaba, isua eridahado emekpere: ndien enyin fo akabare ɔdiɔk ye eyen-usɔ emi edide ubuene, ndien afo etre ndinɔ enye; enye onyuŋ eseme ɔnɔ Jehovah abaŋa fi, ndien idiɔk ŋkpɔ ɔsɔp fi.