JEREMIAH 34:10 - Edisana ñwed Abasi Ibom

¹⁰ Ndien kpukpru mbɔŋ ekop, ye kpukpru owo eke edukde ke ediomi, ete kiet kiet eyak ofin eren mmɔ, ye kiet kiet ofin aŋwan mmɔ ewɔrɔ ufin, ekunyuŋ enim aba mmɔ ke ifin, ndien mmɔ ekop, enyuŋ eyak mmɔ ewɔrɔ.

JEREMIAH 34:10 ပူးပေါင်းရင်းမြစ်များ

EXODUS 21:2

Ke afo edidepde Hebrew ofin, enye edinam utom ke isua itiokiet; ndien ke ɔyɔhɔ itiaba, yak enye ɔwɔrɔ ufin ke ikpikpu.

ISAIAH 29:13

Ndien Ɔbɔŋ ɔdɔhɔ ete, koro mbio-obio emi etienede mi ke inua mmɔ, enyuŋ ekponode mi ke mkpɔk-inua mmɔ, edi esit mmɔ ada nsan-nsan ye ami, uteŋe eke mmɔ eteŋede mi onyuŋ akabare edi item owo, ŋkpɔ eke etemede mmɔ: mmɔdo, sese,

JEREMIAH 26:10

Ekem mbon Judah edikop ikɔ emi, ndien eto ke ufɔk edidem edɔk ke ufɔk Jehovah, editie ke obufa inua-otop Jehovah.

JEREMIAH 26:16

Ndien mbɔŋ oro ye kpukpru mbio-obio edɔhɔ mme oku ye mme prophet, ete, Owo emi iduehe isop mkpa: koro enye ɔdɔhɔde ye nnyin ke enyiŋ Abasi nnyin.

JEREMIAH 34:11

Ndien ke ini oro ebede, mmɔ etɔŋɔ ntak enam ifin iren mmɔ ye ifin iban mmɔ oro mmɔ ekeyakde ewɔrɔ ke ufin, efiak, enyuŋ enim mmɔ ke ifin iren ye ke ifin iban ke ŋkan-ubɔk.

JEREMIAH 34:19

ye mbɔŋ Jerusalem, ye mme eunuch, ye mme oku ye kpukpru mbio-obio emi ekesaŋade ke ufɔt enaŋ oro ebe;

JEREMIAH 36:12

ndien enye ɔsuhɔre aka ke ufɔk edidem, oduk ke ubet ewet ŋwed: ndien, sese, kpukpru ikpɔ owo etie do, Elishama ewet ŋwed, ye Delaiah eyen Shemaiah, ye Elnathan eyen Achbor, ye Gemariah eyen Shaphan, ye Zedekiah eyen Hananiah, ye kpukpru ikpɔ owo.

JEREMIAH 38:4

Ndien mbɔŋ oro edɔhɔ edidem, ete, Mbɔk, yak ewot owo emi: koro ntem ke enye anam ubɔk emem mbon-ekɔŋ emi esuhɔde ke obio emi, onyuŋ anam ubɔk emem kpukpru mbio-obio, ke eritiŋ oruk ikɔ emi nnɔ mmɔ: koro owo emi miyomke ifure mbio-obio emi, edi oyom idiɔk.

LEVITICUS 25:10

Mbufo enyuŋ edianare ɔyɔhɔ isua aba ye duop enim, enyuŋ etaŋa ubɔhɔ ke isɔŋ enɔ kpukpru mme andiduŋ enye: mbufo enim enye ke jubilee; ndien kpukpru mbufo efiak ke udeme mbufo, kpukpru enyuŋ efiak ke oruk mbufo.

MARK 6:20

edi ikemeke: koro Herod efefehe John, sia ɔfiɔkde ete enye edi edinen ye edisana owo, onyuŋ ekpeme enye. Ndien ke ini enye okopde uyo John, ekikere otimere enye; enye onyuŋ okop uyo oro ke inemesit.