JEREMIAH 33:9 - Edisana ñwed Abasi Ibom

⁹ Ndien enye eyedi okimmɔ ke enyiŋ idara ye itoro ye ke mbana ke otu kpukpru mme idut ererimbot, eke edikopde ofuri ufɔn emi ami ndifɔnde ye mmɔ: ndien mmɔ eyefehe ndik enyuŋ enyek idem ebaŋa kpukpru ufɔn ye kpukpru unen emi ami ndinamde ye enye.

JEREMIAH 33:9 ပူးပေါင်းရင်းမြစ်များ

2 CHRONICLES 20:29

Ndik Abasi onyuŋ odoro kpukpru mme idut ererimbot ke ini mmɔ ekopde nte Jehovah akaŋwanade ekɔŋ ye mme asua Israel.

NEHEMIAH 6:16

Edikem adaŋemi kpukpru mme asua nnyin ekopde, adaŋemi kpukpru mme idut eke ekande nnyin ekuk ekutde ŋko, mmɔ esuhɔre eti-eti ke enyin idem mmɔ; ndien mmɔ efiɔk ete ke edi Abasi nnyin esin enam utom emi.

ESTHER 8:17

Ndien ke kpukpru mme province, ye ke kpukpru obio, ebiet emi uyo edidem ye ewuhɔ esie esimde, mme Jew ekut idara, ye inem, ye akwa udia ye eti usen. Ndien ediwak owo ke otu mme idut ke edem oro ekabare edi Jew: koro ndik mme Jew anamde mmɔ.

ŊWED MME PSALM 130:4

Koro eridahado enyenede fi, man eteŋe fi.

ŊWED MME PSALM 40:3

Onyuŋ esin mi obufa ikwɔ ke inua, kpa itoro Abasi nnyin: ediwak owo eyekut, enyuŋ efehe ndik, enyuŋ ebuɔt idem ye Jehovah.

ISAIAH 43:21

Mma mbot mbio emi nnɔ idem mi; mmɔ eyebuk itoro mi.

ISAIAH 55:13

Cypress eyetibe ke itie akpap, myrtle eyetibe ke itie ŋkukim: ndien eyedi ke eke enyiŋ Jehovah, ye ke nsinsi idiɔŋɔ eke midisibeke ifep.

ISAIAH 60:5

Ndien afo eyekut, onyuŋ atara idem, esit eyenyuŋ ebre, onyuŋ aŋwaŋa fi: koro inyene inyaŋ eyekabare etiene fi, odudu mme idut eyedi ke ɔtɔ fo.

ISAIAH 62:1

NDIDOPKE uyo mbaŋa Zion, ndinyuŋ nnaŋa suŋ mbaŋa Jerusalem, tutu edinen ido esie ɔwɔrɔ nte uyama, ye erinyaŋa esie nte utuenikaŋ eke asakde.

ISAIAH 62:12

Ndien mmɔ eyekere edisana mbio, mmɔ eke Jehovah afakde: eyenyuŋ ekot fi, ete Derushah (emi mmɔ eyomde), Ir-lo-neezabah (obio eke owo midikpɔŋke).

ISAIAH 62:4

Udukereke aba Azuvah (ŋwan eke ekpɔŋde): isɔŋ fo idinyuŋ ikereke aba Shemamah (desert): edi eyesio fi enyiŋ Hephzibah (ŋwan oro enem mi esit): eyesio isɔŋ fo enyiŋ Beulah (ŋwan emi edɔde): koro afo eyenem Jehovah esit; eyenyuŋ eda isɔŋ fo edɔ.

ISAIAH 62:7

ekunyuŋ eyak enye etie suŋ, tutu enye owuk onyuŋ onim Jerusalem ke itoro ke ererimbot.

ISAIAH 64:2

kpa nte ikaŋ atade ikɔt, nte ikaŋ anamde mmɔŋ ofut; man anam mme asua fo efiɔk enyiŋ fo, mme idut eyenyek idem ke iso fo.

JEREMIAH 13:11

Koro kpa nte ubɔp-isin ɔbɔbɔde owo ke isin, kpasuk ntre ke ŋkada ofuri ufɔk Israel ye ofuri ufɔk Judah mbɔbɔ ke idem mi, Jehovah ɔdɔhɔ; man mmɔ ekpedi okimmɔ ke ikɔt, ye ke enyiŋ, ye ke itoro, ye ke ubɔŋ: edi mmɔ ikokopke.

JEREMIAH 16:19

O Jehovah odudu mi, ye ɔkpɔsɔŋ ufɔk mi, ye ebiet ubɔhɔ mi ke ini ukut, mme idut eyeto ke mme utit isɔŋ etiene fi, enyuŋ edɔhɔ, ete, Ŋkɔm mme ete nnyin ekedia akpa nsu, ye ikpikpu ŋkpɔ, baba kiet eke odorode udori inyuŋ iduhe ke otu mmɔ.

JEREMIAH 24:6

Nyenyuŋ ŋwuk enyin nse mmɔ ke mfɔn, nnyuŋ nda mmɔ mfiak ke isɔŋ emi: nnyuŋ mbɔp mmɔ, ndien ŋwurike, nnyuŋ ntɔ mmɔ ke isɔŋ, ndien ndibekede.

JEREMIAH 26:6

ndien nyenam ufɔk emi ebiet Shiloh, nyenyuŋ nnim obio emi ke ŋkpɔ isuŋi nnɔ kpukpru mme idut ererimbot.

JEREMIAH 29:1

NDIEN mme mmɔ emi edi ikɔ ŋwed oro Jeremiah prophet ɔkɔnɔde ke Jerusalem esɔk mbiowo mbon ntaŋ-mfep emi esuhɔde, ye mme oku, ye mme prophet, ye kpukpru owo oro Nebuchadnezzar akataŋde ke Jerusalem ɔnyɔŋ ke Babylon;

JEREMIAH 3:17

Ke ini oro mmɔ eyesio Jerusalem enyiŋ, ete, Ebekpo Jehovah; kpukpru mme idut eyenyuŋ ebono ke esit, ebaŋa enyiŋ Jehovah, ke Jerusalem: ndien mmɔ idisaŋake aba itiene idiɔk isɔŋesit mmɔ.

JEREMIAH 3:19

Edi ami ndɔhɔ nte, Ndinam didie nsin fi ke otu nditɔ mi, nnyuŋ nnɔ fi isɔŋ inemesit, kpa ata ediye udeme udim mme idut? Ndien ndɔhɔ nte, Kot mi, ete, Ete mi: kunyuŋ ufiak edem ukpɔŋ mi.

JEREMIAH 31:14

Nyenyuŋ nnɔ mme oku ikpɔŋ unam eyuhɔ, ikɔt mi eyenyuŋ edia mfɔn mi eyuhɔ: ke edi Jehovah ɔdɔhɔ.

JEREMIAH 31:4

Nyetɔŋɔ ntak ndiɔŋ fi, ndien eyediɔŋ fi, O adiaha Israel: afo eyetɔŋɔ ntak ada ekɔmɔ fo abana idem, onyuŋ ɔwɔrɔ oduk ke unek mmɔ eke ebrede mbre.

JEREMIAH 32:42

Koro ntem ke Jehovah ɔdɔhɔ, ete, Kpa nte ŋkadade ofuri akamba idiɔk-ŋkpɔ emi ntiene mbio-obio emi, kpa ntre ke ndida ofuri nti ŋkpɔ emi ndɔhɔde mmɔ ntiene mmɔ.

JEREMIAH 33:14

Jehovah ɔdɔhɔ, ete, Sese, mme usen ke edi eke ndimade eti ikɔ oro ŋkɔdɔhɔde ufɔk Israel ye ufɔk Judah.

JEREMIAH 4:2

Afo onyuŋ ɔŋwɔŋɔ ete, Ma Jehovah, ke akpanikɔ ye ke ikpe ye ke edinen ido; ndien mme idut eyeda Enye ediɔŋ idem-mmɔ, enyuŋ ebure mbure ke Enye.

JEREMIAH 44:8

Enyuŋ eyat mi esit ke se ubɔk mbufo enamde, enyuŋ efɔp ŋkpɔ enɔ abasi efen ke isɔŋ Egypt emi mbufo edide ndiduŋ do, man esibe idem mbufo efep, man mbufo enyuŋ edi ŋkpɔ isuŋi ye esuene ke otu kpukpru mme idut ke ererimbot?

JEREMIAH 49:25

Enam didie misuhɔke obio itoro? kpa obio idaresit mi?

EZEKIEL 26:20

ke ndidade fi nsuhɔre ye mmɔ eke esuhɔrede ke obube, ke ɔtɔ mbon eset, nyenyuŋ nnam fi oduŋ ke ata idak isɔŋ ke ebiet oro ekebiarade tutu ko; ye mmɔ eke esuhɔre ke obube, man owo okuduŋ fi ke esit; man ŋkunim fi ke ubɔŋ ke isɔŋ mme odu-uwem.

EZEKIEL 36:35

Ndien mmɔ eyedɔhɔ, ete, Isɔŋ emi akabiarade akabare ebiet iŋwaŋ Eden; ndien mme obio ŋko emi ekesobode enyuŋ ebiarade, enyuŋ ewurede, emekabare enyene ibibene, owo enyuŋ eduŋ mmɔ.

EZEKIEL 39:13

Ndien kpukpru mbio idut emi eyebuk mmɔ ndien eyewɔrɔ mmɔ etop, kpa usen eke ami ndidade ubɔŋ: Ɔbɔŋ Jehovah ɔdɔhɔ.

HOSEA 3:5

Ndien ke ini edibede, nditɔ Israel eyetɔŋɔ ntak eyom Jehovah Abasi mmɔ, ye David edidem mmɔ; enyuŋ ebak Jehovah ye mfɔn esie ke akpatre usen.

ZECHARIAH 1:17

Tɔŋɔ ntak fiori ete, Ntem ke Jehovah mme udim ɔdɔhɔ ete, Mme obio mi eyesiaha nti ŋkpɔ; Jehovah eyenyuŋ osuk ɔdɔŋ Zion esit, onyuŋ emek Jerusalem.

ZECHARIAH 12:2

Sese, ami mmɔŋ nnim Jerusalem ke cup nnyek-idem nnɔ kpukpru mme idut emi ekande ekuk; ndien ŋko enye eyena ɔnɔ Judah ke ukuk eke mmɔ ekande Jerusalem ekuk.

DEUTERONOMY 30:5

ndien Jehovah Abasi fo eyeda fi edi ke isɔŋ emi mme usɔ ekenyenede, afo ŋko eyeda enye enyene; ndien enye eyefɔn ye afo, onyuŋ anam fi awak akan mme usɔ.