JEREMIAH 33:7 - Edisana ñwed Abasi Ibom

⁷ Nyenyuŋ nda nditɔ Judah ye nditɔ Israel emi eketaŋde efep mfiak ndi, nnyuŋ mbɔp mmɔ kpa nte akpa.

JEREMIAH 33:7 ပူးပေါင်းရင်းမြစ်များ

ŊWED MME PSALM 126:1

ADAŊEMI Jehovah afiakde etiene nditɔ Zion emi eketaŋde efep, nnyin iketie nte mmɔ eke edabade ndap.

ŊWED MME PSALM 126:4

Fiak edem, O Jehovah, tiene nnyin emi mmɔ etaŋde ekenyɔŋ, kpa nte mme idim mmɔŋ ke edem usuk.

ŊWED MME PSALM 14:7

Erinyaŋa Israel akpakam oto ke Zion! Ke adaŋemi Jehovah afiakde etiene ikɔt esie emi eketaŋde efep, Jacob eyebre, Israel eyedara.

ŊWED MME PSALM 85:1

O JEHOVAH, afo ɔmɔfɔn ido ye isɔŋ fo: amafiak etiene nditɔ Jacob emi eketaŋde efep.

ISAIAH 1:26

nnyuŋ nnam mme ebierikpe fo efiak kpa nte ke akpa, ye mbon item fo, kpa nte ke eritɔŋɔ: ndien ke ŋkpɔ emi ebede, eyekot fi, ete, Obio eti ido, obio akpanikɔ.

ISAIAH 52:8

uyo mbon ukpeme fo! mmɔ emenere uyo, efiori uyo kiet: koro mmɔ eyekut enyin ke enyin, ke ini Jehovah afiakde ke Zion.

JEREMIAH 23:3

Ndien ami nyetaŋ ufene mi emi esuhɔde ke kpukpru mme idut eke mbinde mmɔ nsin do, mbon, nyenyuŋ nda mmɔ mfiak ke ebiet nna mmɔ; ndien mmɔ eyetɔt enyuŋ ewak.

JEREMIAH 24:6

Nyenyuŋ ŋwuk enyin nse mmɔ ke mfɔn, nnyuŋ nda mmɔ mfiak ke isɔŋ emi: nnyuŋ mbɔp mmɔ, ndien ŋwurike, nnyuŋ ntɔ mmɔ ke isɔŋ, ndien ndibekede.

JEREMIAH 29:14

Jehovah ɔdɔhɔ, ete, Mbufo eyenyuŋ ekut mi; ndien ami nyeyak mbufo eto ke itie mbuot-ekɔŋ enyɔŋ edi, nnyuŋ ntaŋ mbufo ke kpukpru mme idut, ye ke kpukpru ebiet eke mbinde mbufo nsin do, ndibon, Jehovah ɔdɔhɔ; nyenyuŋ nda mbufo mfiak ndi ke ebiet eke ŋkayakde mmɔ etaŋ mbufo ke esit efep.

JEREMIAH 30:18

Ntem ke Jehovah ɔdɔhɔ, ete, Sese, ami nyeda mme tent Jacob emi eketaŋde efep mfiak ndi, nnyuŋ ntua iduŋ esie mbɔm; eyenyuŋ ebɔp obio ke obot esiemɔ, ndien ufɔk edidem eyetie nte enye akam esitiede.

JEREMIAH 30:20

Nditɔ mmɔ eyenyuŋ etie nte eketiede ke eyo oko, ndien esop mmɔ eyesɔŋɔ ada ke iso mi, ndien ami nyenɔ kpukpru mmɔ eke etukde enye ufen.

JEREMIAH 30:3

Koro, sese, ini ke edi, Jehovah ɔdɔhɔ, ndien nyeda ikɔt mi Israel ye Judah emi eketaŋde efep mfiak ndi, Jehovah ɔdɔhɔ: nyenyuŋ nda mmɔ nnyɔŋ ndi ke isɔŋ emi ŋkɔnɔde mme ete mmɔ, ndien mmɔ eyeda enye enyene.

JEREMIAH 31:28

Jehovah onyuŋ ɔdɔhɔ, ete, Ama ekem, kpa nte ŋkpemede mbaŋa mmɔ, man ndibere, nnyuŋ ŋwuri nnyuŋ nsobo, nnyuŋ mbiat, nnyuŋ ntuk: kpasuk ntre ke ndikpeme mbaŋa mmɔ, man mbɔp nnyuŋ ntɔ.

JEREMIAH 31:38

Jehovah ɔdɔhɔ ete, Sese, mme usen ke edi eke mmɔ edibɔpde obio enɔ Jehovah, ɔtɔŋɔde ke edikoŋ ufɔk Hananel tutu osim ke inua-otop inuk.

JEREMIAH 31:4

Nyetɔŋɔ ntak ndiɔŋ fi, ndien eyediɔŋ fi, O adiaha Israel: afo eyetɔŋɔ ntak ada ekɔmɔ fo abana idem, onyuŋ ɔwɔrɔ oduk ke unek mmɔ eke ebrede mbre.

JEREMIAH 32:44

Eyedep iŋwaŋ ke okuk, enyuŋ ewet ŋwed, enyuŋ ebɔp esin idiɔŋɔ, enyuŋ ekot ntiense, ke isɔŋ Benjamin, ye ke edem emi akande Jerusalem okuk, ye ke mme obio Judah, ye ke mme obio obot, ye ke mme obio una-isɔŋ edem inyaŋ, ye ke mme obio edem usuk: koro nyeda mmɔ ke itie mbuot-ekɔŋ mfiak ndi: emi edi uyo Jehovah.

JEREMIAH 33:11

ke eyekop uyom idara, ye uyom mbre, ye uyo ɔdɔ ŋwan, ye uyo ŋwan ndɔ, ye uyo mmɔ eke edɔhɔde, ete, “Mbufo etoro Jehovah mme udim: koro Jehovah ɔfɔnde; koro ima esie ebigide ke nsinsi”: ye eke mmɔ emi edade ekɔm edi ke ufɔk Jehovah. Koro ami nyeda nditɔ isɔŋ emi eketaŋde efep mfiak ndi, kpa nte akpa; ke edi Jehovah ɔdɔhɔ.

JEREMIAH 33:26

ndien nyemen ubon Jacob ye ubon David owo mi ŋko nduɔk, ndinyuŋ nsioho aba owo eke edikarade ubon Abraham, ye Isaac, ye Jacob, ke ubon esie: koro nyeda nditɔ mmɔ emi eketaŋde efep mfiak ndi, nnyuŋ ntua mmɔ mbɔm.

JEREMIAH 42:10

Edieke mbufo ediduŋde ke isɔŋ emi, ndien nyediɔŋ mbufo, ndiwurike, nyetɔ mbufo, ndidibekede: koro mbɔm idiɔk-ŋkpɔ oro nnamde mbufo anamde mi.

JEREMIAH 50:4

Jehovah ɔdɔhɔ, ete, Ke mme usen oro ye ke ini oro, nditɔ Israel eyedi, mmɔ ye nditɔ Judah ɔtɔ kiet, eyesaŋa edi etua eyet, eyenyuŋ eyom Jehovah Abasi mmɔ.

ŊWED ESEME 4:22

O adiaha Zion, ufen idiɔk ido fo omokure; enye iditaŋke aba fi ifep: enye eyenɔ fi ufen idiɔk ido, O adiaha Edom; eyeyarare idiɔk ido fo.

EZEKIEL 39:25

Mmɔdo ntem ke Ɔbɔŋ Jehovah ɔdɔhɔ ete, Ke emi ke ndida nditɔ Jacob emi eketaŋde efep, mfiak ndi, nnyuŋ ntua ofuri ufɔk Israel mbɔm, nnyuŋ mfibe ufup mbaŋa edisana enyiŋ mi;

HOSEA 2:15

Ndien nyeda iŋwaŋ-vine esie do nnɔ enye, nnyuŋ nnɔ enye itihere Achor ke inua-otop idori-enyin: ndien enye eyekwɔ do, kpa nte ke mme usen uyen esie, ye ke usen oro enye okotode ke isɔŋ Egypt ɔdɔk.

ZEPHANIAH 3:20

Ke ini oro nyeda mbufo nduk, kpa ke ini emi nditaŋde mbufo mbon; koro nyenim fi ke etop ye ke itoro ke otu kpukpru mme idut ke ererimbot, ke ini emi ndidade mbufo emi edide mbuot-ekɔŋ mfiak ndi, ke enyin mbufo; Jehovah ɔdɔhɔ.

ZECHARIAH 1:17

Tɔŋɔ ntak fiori ete, Ntem ke Jehovah mme udim ɔdɔhɔ ete, Mme obio mi eyesiaha nti ŋkpɔ; Jehovah eyenyuŋ osuk ɔdɔŋ Zion esit, onyuŋ emek Jerusalem.