JEREMIAH 33:5 - Edisana ñwed Abasi Ibom

⁵ mmɔ edi ndiyi ekɔŋ ye mme Chaldean, ndinyuŋ nda mme okpo owo oro ŋwotde ke iyaresit mi ye ke ifuresit mi nyɔhɔ ke esit, ami nnyuŋ ndip obio emi iso mi mbaŋa ofuri idiɔk ido mmɔ.

JEREMIAH 33:5 ပူးပေါင်းရင်းမြစ်များ

ISAIAH 64:7

Ndien baba owo kiet iduhe eke okotde fi enyiŋ, onyuŋ edemerede idem esie ete imum fi ikama: koro afo omodip nnyin iso fo, onyuŋ anam nnyin itak ke mme idiɔk ido nnyin.

ISAIAH 8:17

Ndien nyebet Jehovah emi odipde ufɔk Jacob iso esie, nyenyuŋ ndori enye enyin mi.

JEREMIAH 18:17

Nyesuan mmɔ ke iso mme asua, nte ke ofum ikɔrabak; nyewut mmɔ edem, ŋwutke iso, ke usen nnanenyin mmɔ.

JEREMIAH 21:10

Koro mmowuk iso mi nse obio emi, nte nnam enye ɔdiɔk, nnamke enye eti ŋkpɔ, Jehovah ɔdɔhɔ: eyeda enye esin ke ubɔk edidem Babylon, ndien enye eyefɔp enye ke ikaŋ.

JEREMIAH 32:5

ndien enye eyeda Zedekiah aka ke Babylon, ndien enye eyedu do tutu ami ndi ndise enye; Jehovah ɔdɔhɔ koro mbufo eyeŋwana ekɔŋ ye mme Chaldean, edi idikwe unen.

JEREMIAH 42:18

Koro ntem ke Jehovah mme udim Abasi Israel ɔdɔhɔ, ete, Kpa nte ŋkaŋwaŋade iyaresit mi ye ifuresit mi ke idem mme andiduŋ Jerusalem, kpa ntre ŋko ke ndiŋwaŋa mbufo iyaresit mi ke idem, ke mbufo ekade Egypt; ndien mbufo eyekabare edi ŋkpɔ isuŋi, ye nsobo, ye itɔk, ye esuene; idinyuŋ ikwe aba ebiet emi.

ŊWED ESEME 2:7

Ɔbɔŋ ɔmɔduɔk itie-uwa esie, amasua edisana ebiet esie, ada ibibene ikpɔ ufɔk esie esin mbon usua ke ubɔk; mmɔ emenere uyo ke ufɔk Jehovah, kpa nte eke usen ederi.

EZEKIEL 39:29

Ndien ndidipke aba mmɔ iso mi: koro nduɔkde ufɔk Israel spirit mi ke idem. Uyo Ɔbɔŋ Jehovah edi emi.

MICAH 3:4

Ndien mmɔ eyeseme enɔ Jehovah, ndien enye idiyereke mmɔ: enye eyenyuŋ odip mmɔ iso esie ke ini oro, kpa nte mmɔ ediɔkde ndinim ido mmɔ.

DEUTERONOMY 31:17

Ndien iyaresit mi eyefiop ye mmɔ ke usen oro, ndien nyekpɔŋ mmɔ, nnyuŋ ndip mmɔ iso mi, ndien mmɔ eyedi se ediade, ediwak mkpɔsɔŋ mme idiɔk-ŋkpɔ eyenyuŋ enam mmɔ; ndien mmɔ eyedɔhɔ ke usen oro, ete, Nte idige koro Abasi nnyin miduhe ke otu nnyin esin mme idiɔk-ŋkpɔ emi esim nnyin:

DEUTERONOMY 31:18

ndien ami nditreke ndidip iso mi, ke usen oro mbaŋa kpukpru mme idiɔk ido eke mmɔ edinamde, koro mmɔ ekabarede etienede mme abasi efen.

DEUTERONOMY 32:20

Ndien enye ɔdɔhɔ ete, Nyedip mmɔ iso mi, nyekut nte utit mmɔ editiede: koro mmɔ edide ndisime emana, nditɔ eke akpanikɔ miduhe mmɔ ke esit.