JEREMIAH 33:3 - Edisana ñwed Abasi Ibom

³ Seme kot mi, ndien nyeyere fi, nnyuŋ ŋwut fi ikpɔ ye ata mkpɔsɔŋ ŋkpɔ eke afo mufiɔkke mmɔ.

JEREMIAH 33:3 ပူးပေါင်းရင်းမြစ်များ

ŊWED MME PSALM 145:18

Jehovah emekpere kpukpru mmɔ eke esemede enɔ enye, kpukpru mmɔ eke esemede enɔ enye ke akpanikɔ.

ŊWED MME PSALM 25:14

Jehovah etie ufan ye mmɔ eke ebakde enye, ndien enye eyeteme mmɔ ediomi esie.

ŊWED MME PSALM 50:15

nyuŋ sio mme akaŋa fo nɔ Ata Edikoŋ. Ndien seme nɔ mi ke usen ukut: nyebabare fi mbaba, ndien afo eyekpono mi.

ŊWED MME PSALM 91:15

Enye eyeseme ɔnɔ mi, ndien nyeyere enye. Nda ye enye ke itie ukut; nyenyaŋa enye, nnyuŋ ŋkpono enye.

ISAIAH 45:3

ndien nyenɔ fi unim ŋkpɔ uto ekim, ye inyene eke odobide, man afo ɔfiɔk, ete ke edi ami Jehovah emi ŋkotde fi enyiŋ, kpa Abasi Israel.

ISAIAH 48:6

Afo ama okop, se enye ofuri; nte mbufo iditiŋke ndien? Nsiak mbufa ŋkpɔ nnɔ fi ke idem ini emi, ye ŋkpɔ eke enimde, ndien afo ufiɔkke mmɔ.

ISAIAH 65:24

Ndien ama ekem, ke mmɔ mika-ikotke kaŋa, ami nyeyere: ke mmɔ esuk edɔhɔde ikɔ, ami nyekop.

JEREMIAH 23:35

Ntem ke mbufo edidɔhɔ kiet ye mbɔhiduŋ esie, ye owo ye eyen-eka esie, ete, Jehovah ɔbɔrɔ didie? Jehovah onyuŋ ɔdɔhɔ didie?

JEREMIAH 29:12

Ndien mbufo eyefiori ekot mi, enyuŋ eka ekekpe mi ubɔk, ndien nyekop uyo mbufo.

JEREMIAH 32:17

Ah, Ɔbɔŋ Jehovah, sese, afo akanam enyɔŋ ye isɔŋ ke akwa odudu fo, ye ke edimenere ubɔk fo, baba ŋkpɔ kiet inyuŋ isɔŋke ikan fi:

JEREMIAH 32:27

Sese, ami Jehovah ndi Abasi ofuri obukidem: nte ŋkpɔ ekededi ɔsɔŋ akan mi?

DANIEL 2:18

Yak mmɔ ebeŋe Abasi enyɔŋ mbɔm ebaŋa ndibe ŋkpɔ emi, man ekusobo Daniel ye mme nsaŋa esie ke otu mme ɔfiɔk ŋkpɔ owo Babylon efen.

DANIEL 2:22

Enye ayarare ndituŋɔ ye ndibe-ndibe ŋkpɔ, ke ɔfiɔk se idude ke ekim, uŋwana onyuŋ oduŋ ye enye.

DANIEL 2:23

O Abasi mme ete mi, ami mmotoro mmonyuŋ ŋkɔm fi, emi ɔnɔde mi ifiɔk ye odudu, ndien ke emi ke afo asian mi se nnyin ibeŋede fi; koro afo amasian ikɔ edidem ɔnɔ nnyin.

JOEL 2:32

Ndien ama ekem, kpukpru owo eke esemede ekot enyiŋ Jehovah eyebɔhɔ: ndien mmɔ eke ebɔhɔde eyedu ke obot Zion ye ke Jerusalem, kpa nte Jehovah ɔkɔdɔhɔde, ye ke otu mmɔ eke esukde emi Jehovah okotde.

AMOS 3:7

Koro Ɔbɔŋ Jehovah midinamke baba ŋkpɔ kiet, ke mibɔhɔke ini enye ayarade uduak esie ɔnɔ ikɔt esie mme prophet.

MICAH 7:15

Kpa nte usen emi afo okotode ke Egypt ke ndiwut enye mme utibe ŋkpɔ.

MATTHEW 13:35

man osu nte prophet ekewetde, ete, Nyetat inua Mi ntiŋ ikɔ ke ŋke, Nyetiŋ ŋkpɔ eke ekodibede toto ke eritɔŋɔ ererimbot.

UTOM MME APOSTLE 2:21

Ama ekem, eyenyaŋa kpukpru owo eke esemde ekot enyiŋ Jehovah.

1 ŊWED CORINTH 1:2

ye Sosthenes eyen-ete nnyin, enɔ ŋwed emi esɔk ufɔk Abasi emi odude ke Corinth, kpa mmɔ emi ema ekedianare enim enɔ Abasi ke Christ Jesus, enyuŋ ekotde ete edidi nti ikɔt Abasi, nte ekokotde kpukpru mmɔ emi edude ke kpukpru ebiet eseme ekot Ɔbɔŋ nnyin Jesus Christ ke enyiŋ, emi edide Ɔbɔŋ mmɔ ye eke nnyin nde.

ŊWED MBON EPHESUS 3:20

Enye emi ekemede ndinam ŋkpɔ awak akan se nnyin ibeŋede inyuŋ ikerede, nte odudu Esie eke anamde utom ke idem nnyin edide,

DEUTERONOMY 4:29

Ndien afo ama etie do oyom Jehovah Abasi fo, afo eyekut enye, edieke oyomde enye ke ofuri esit fo, ye ke ofuri ukpɔŋ fo.

DEUTERONOMY 4:7

Koro ewe akamba idut odu emi abasi esie ekperede enye, nte Jehovah Abasi nnyin, ke kpukpru se nnyin iseseme inɔ enye?

ERIYARARE 2:17

Yak owo eke enyenede utɔŋ okop se Spirit ɔdɔhɔde mme ufɔk Abasi. Owo eke akande, nyesio ndibe manna nnɔ enye adia, nyenyuŋ nnɔ enye afia itiat, emi ewetde obufa enyiŋ ke esit, eke baba owo kiet mifiɔkke, ke mibɔhɔke andibɔ.