JEREMIAH 33:18 - Edisana ñwed Abasi Ibom

¹⁸ owo mme oku mme Levite idinyuŋ itreke ndiwa edifɔp uwa ke iso mi, idinyuŋ itreke ndifɔp inuak-udia, nnyuŋ ŋwa uwa emem kpukpru ini.

JEREMIAH 33:18 ပူးပေါင်းရင်းမြစ်များ

EZRA 3:5

ndien ke ini oro ama ekebe, mmɔ ewa edifɔp uwa kpukpru usen, ye eke mbufa ɔfiɔŋ, ye eke kpukpru mme usɔrɔ Jehovah oro ekenimde ke edisana, ye se kpukpru owo ewade enɔ Jehovah ke ima esit.

ISAIAH 56:7

nyeda mmɔ ndi ke edisana obot mi, nnyuŋ nnam mmɔ edat esit ke ufɔk akam mi: ndifɔp uwa mmɔ ye mme uwa emem mmɔ eyedi ŋkpɔ inem ke itie-uwa mi; koro ufɔk mi eyekere, ete, Ufɔk akam kpukpru mme idut.

ISAIAH 61:6

Ndien mbufo eyekere mme oku Jehovah; eyenyuŋ edɔhɔ ebaŋa mbufo, ete, Mme anam-ŋkpɔ Abasi nnyin: mbufo eyedia inyene mme idut, enyuŋ ebɔ mmɔ ubɔŋ eda ke idem mbufo.

JEREMIAH 33:19

Ndien uyo Jehovah osim Jeremiah, ete,

JEREMIAH 33:22

Kpa nte emi mikemeke ndibat me udim enyɔŋ, minyuŋ ikemeke ndidomo ntan inyaŋ; kpa ntre ke ndinam ubon David, owo mi, ye mme Levite emi esaŋade utom enɔ mi, ewak.

JEREMIAH 35:19

mmɔdo ntem ke Jehovah mme udim Abasi Israel ɔdɔhɔ, ete, Owo Jonadab eyen Rechab iditreke ndida ke iso mi kpukpru ini.

EZEKIEL 44:15

Edi mme oku, mme Levite, nditɔ Zadok, emi esaŋade utom edisana ebiet mi, ke adaŋemi nditɔ Israel ekpɔŋde mi ediyo, mmɔ eyesaŋa ekpere mi, ndinam ŋkpɔ nnɔ mi, enyuŋ eda ke iso mi edida ikpɔŋ ye iyip esɔk mi: Ɔbɔŋ Jehovah ɔdɔhɔ.

EZEKIEL 45:5

Ndien tɔsin edip ye ition ke uniɔŋ ye tɔsin duop ke ubom eyenyene mme Levite emi enamde ŋkpɔ ufɔk, mme eyeda enyene ke eke ubet edip.

NUMBERS 3:5

Ekem Jehovah ɔdɔhɔ Moses,

ŊWED MBON ROME 1:21

koro okposuk edi nte mmɔ efiɔkde Abasi, mmɔ inɔŋɔ Enye ubɔŋ nte Abasi, inyuŋ inɔŋɔ Enye ekɔm; edi ekabare ekere ikpikpu ekikere, ndisime esit mmɔ onyuŋ akabare okim.

ŊWED MBON ROME 15:16

ŋkpedi asaŋa-utom Christ Jesus nnɔ mme Gentile, ŋkpe-nyuŋ ŋkama gospel nte oku Abasi, man oto do eriwa mme Gentile akpakabare edi se Abasi adarade ndibɔ, sia Edisana Spirit ama anam enye asana.

DEUTERONOMY 18:1

MME oku, mme Levite, kpa ofuri esien Levi, idinyeneke ubak, idinyuŋ inyeneke udeme ye Israel: mmɔ eyedia mme uwa ikaŋ Jehovah ye udeme esie.

DEUTERONOMY 24:8

Tiŋ enyin ke udɔŋɔ akpa-mfia, man afo otim ekpeme, onyuŋ anam kpukpru se mme oku, kpa mme Levite, editemede mbufo: kpa nte ŋketemede mmɔ, kpa ntre ke mbufo edikpeme ndinam.

JOSHUA 3:3

ndien mmɔ ewuk kpukpru owo, ete, Ke adaŋemi mbufo ekutde ekebe ediomi Jehovah Abasi mbufo, ye nte mme oku, mme Levite, ebiomde enye, ndien mbufo edaŋa ke ebiet mbufo, enyuŋ esaŋa enye ke edem:

1 PETER 2:5

eyeda mbufo nde, nte mme odu-uwem itiat, ebɔp esin ke ufɔk eke spirit, enyuŋ enam mbufo edi ndisana oku, ndiwa uwa spirit, eke Abasi adarade ndibɔ oto ke Jesus Christ.

1 PETER 2:9

Edi mbufo edi ubon eke emekde; edi mme oku edidem, edi edisana obio, edi ikɔt eke Abasi onimde ɔnɔ Idem Esie, man mbufo eka ekataŋa mme utibe erinam Esie, emi okokotde mbufo osio ke ekim, esin ke utibe uŋwana esie;

ERIYARARE 1:6

Enye omonyuŋ anam nnyin idi obio Ubɔŋ, idi mme oku inɔ Abasi ye Ete Esie; enɔ Enye ubɔŋ ye erikara ekondo ke nsinsi-nsinsi. Amen.

ERIYARARE 5:10

omonyuŋ anam mmɔ edi Obio Ubɔŋ ye mme oku enɔ Abasi: mmɔ eyenyuŋ eda ubɔŋ ke isɔŋ.