JEREMIAH 33:16 - Edisana ñwed Abasi Ibom

¹⁶ Ke mme usen oro ke edinyaŋa Judah, Jerusalem eyenyuŋ oduŋ ke ifure; ndien emi edi se edikotde enye, JEHOVAH ETI IDO NNYIN.

JEREMIAH 33:16 ပူးပေါင်းရင်းမြစ်များ

ISAIAH 45:17

Jehovah anyaŋa Israel nsinsi erinyaŋa: but ye esuene idinamke mmɔ ke nsinsi-nsinsi.

ISAIAH 45:22

Mbufo kpukpru mme idut ererimbot, ekabare ese mi, ndien eyenyaŋa mbufo: koro ami ndide Abasi, ndien efen iduhe aba.

JEREMIAH 23:5

Jehovah ɔdɔhɔ, ete, Sese, usen ke edi eke ndinamde edinen nsehe otibe ɔnɔ David, ndien edidem kiet eyeda ubɔŋ, onyuŋ okut unen, onyuŋ anam edinen ikpe ke isɔŋ.

JEREMIAH 23:6

Ke eyo esie ke edinyaŋa Judah, Israel eyenyuŋ oduŋ ke ifure: ndien emi edi enyiŋ eke edisiode enye, JEHOVAH EDINEN IDO NNYIN.

JEREMIAH 30:10

Jehovah onyuŋ ɔdɔhɔ, ete, Afo owo mi Jacob, kufehe ndik; Israel, kunyuŋ ukpa idem: koro sese, ami nyenyaŋa fi nsio ke anyan idut, nnyuŋ nsio ubon fo ke isɔŋ oro etaŋde mmɔ eka; ndien Jacob eyefiak, onyuŋ etie suŋ ke ifure, baba owo kiet idinyuŋ inamke enye edikhe.

JEREMIAH 32:37

sese, ami nyetaŋ mmɔ ke kpukpru mme idut emi ŋkebinde mmɔ nsin do, ke iyaresit mi, ye ke ifuresit mi, ye ke akwa ikpahesit, mbon; ndien nda mmɔ mfiak ke ɔtɔ emi, nnyuŋ nyak mmɔ eduŋ ke ifure.

JEREMIAH 50:7

Kpukpru owo eke ekutde mmɔ edia mmɔ: mme asua enyuŋ edɔhɔ, ete, Nnyin iduehe isop, koro mmɔ ekeduede Jehovah, iduŋ eti ido, edue Jehovah, idorienyin mme ete mmɔ.

EZEKIEL 28:26

Ndien mmɔ eyeduŋ ke esit ke ifure, enyuŋ ebɔp ufɔk, enyuŋ etɔ iŋwaŋ-vine, enyuŋ eduŋ ke ifure, ke ini ndinamde ikpe ye kpukpru mmɔ eke etode ke ŋkan-ŋkuk ese mmɔ ke ndek; ndien mmɔ eyefiɔk ete ke ami ndi Jehovah Abasi mmɔ.

EZEKIEL 38:8

Ke ediwak usen ema ebe eyenim fi ke etubom: ke utit mme isua oro afo eyesim idut emi ekesiode enye efep ke ubɔk ofut efiak edi, emi eketaŋde ke ediwak mme idut ebon, ke enyɔŋ obot Israel, emi ekedide nditaha kpukpru ini: edi esioŋo mmɔ ke mme idut efep, kpukpru mmɔ enyuŋ eduŋ ke ifure.

EZEKIEL 48:35

Enye edi tɔsin eto idomo-okuk efureta akan okuk. Ndien toto ke usen oro enyiŋ obio eyekere, ete, JEHOVAH-SHAMMAH (JEHOVAH ODU DO).

DANIEL 9:7

O Ɔbɔŋ, edinen ido enyene fi, edi but iso enyene nnyin kpa nte mfin emi, enyene mbio Judah, ye mme andiduŋ Jerusalem, ye ofuri Israel mkpet-mkpet ye nsan-nsan, ke kpukpru mme idut eke afo ekebinde mmɔ eka do, ebaŋa mme idiɔk ido emi ekenamde ye afo.

ŊWED MBON ROME 11:26

ndien ke usuŋ emi ke eyenyaŋa ofuri Israel; kpa nte ewetde ete, Andinyaŋa eyeto ke Zion edi, Enye eyesio ukwaŋido efep ke Jacob:

1 ŊWED CORINTH 1:30

Edi mbufo edi ubon emi Enye okobonde ke Christ Jesus, emi Abasi akanamde akabare edi ifiɔk ɔnɔ nnyin, kpa edinen-ido, ye erikabare-ndi-edisana, ye uwɔrɔ-ufin;

2 ŊWED CORINTH 5:21

Abasi akanam Enye emi mikɔfiɔkke idiɔk-ŋkpɔ akabare edi idiɔk-ŋkpɔ ke ntak nnyin; man nnyin ikabare idi edinen ido Abasi ke Enye.

DEUTERONOMY 33:12

Enye ɔdɔhɔ abaŋa Benjamin, ete, Eyen ima Jehovah eyeduŋ ke ifure ye enye; Enye ofuk enye kpukpru ini, enye onyuŋ oduŋ ke ufɔt afara Esie.

DEUTERONOMY 33:28

Ndien Israel oduŋ ke ifure ikpɔŋ ke idem esie, idim Jacob oduŋ ke isɔŋ ibokpot ye wine; enyɔŋ esie onyuŋ ɔtɔi mbara.

ŊWED MBON PHILIPPI 3:9

man mbɔ Christ nda nnyene, enyuŋ ekut ete ndu ke Enye, ke mmenyeneke edinen ido idem mi eke otode ke erinim ibet, edi edinen ido eke otode ke eribuɔt idem ye Christ, kpa edinen ido emi Abasi ɔnɔde kabaŋa mbuɔtidem;

2 PETER 1:1

SIMON PETER, emi edide owo ye apostle Jesus Christ, ewet ŋwed emi ɔnɔ esɔk mmɔ emi ekɔbɔde utɔ ɔsɔŋ-urua mbuɔtidem eke ebietde eke nnyin, ke edinen ido Abasi nnyin ye Andinyaŋa Jesus Christ.