JEREMIAH 33:12 - Edisana ñwed Abasi Ibom

¹² Ntem ke Jehovah mme udim ɔdɔhɔ, ete, Ke iduŋ mme ɔbɔk-erɔŋ emi enamde ufene mmɔ esukhɔre ena, editɔŋɔ ntak edu ke ebiet emi osobode ntem, anana owo, onyuŋ anana ufene, ye ke kpukpru mme obio mmɔ.

JEREMIAH 33:12 ပူးပေါင်းရင်းမြစ်များ

IKWƆ SOLOMON 1:7

Afo emi esit mi amade, wut mi ebiet eke afo edibɔkde ufene fo, eke afo edinamde mmɔ esuhɔre ena ke ufɔt uwemeyo: koro ndinam didie ntie nte owo eke asaŋade nyoŋ ke ɔtɔ ufene mme nsaŋa fo?

ISAIAH 65:10

Ndien Sharon eyekabare edi ebiet eke ŋkpri ufene eduŋde, ebedeŋ Achor eyenyuŋ akabare edi ebiet eke enaŋ edinade, ɔnɔ ikɔt mi emi ebinede mi.

JEREMIAH 17:26

Ndien mmɔ eyeto ke mme obio Judah, ye ke edem emi akande Jerusalem okuk, ye ke isɔŋ Benjamin, ye ke una-isɔŋ edem inyaŋ, ye ke obot iŋwaŋ, ye ke edem usuk-usuk, eda edifɔp uwa ye uwa emem, ye inuak-udia, ye frankincense, edi, eyenyuŋ eda uwa ekɔm edi ke ufɔk Jehovah.

JEREMIAH 31:12

Ndien mmɔ eyedi edikwɔ ke obot Zion, enyuŋ ebuŋɔ edi ke mfɔn Jehovah: ebaŋa ibokpot ye obufa wine, ye aran, ye nditɔ ŋkpri ufene, ye nditɔ enaŋ: ndien ukpɔŋ mmɔ eyebiet iŋwaŋ eke ɔŋwɔŋde mmɔŋ; ndien mmɔ idiyemekede aba.

JEREMIAH 31:24

Ndien Judah eyeduŋ ke esit, ye kpukpru mme obio esie ɔtɔ kiet, mbon iŋwaŋ ye mmɔ eke esaŋade ye ufene.

JEREMIAH 32:15

Koro ntem ke Jehovah mme udim Abasi Israel ɔdɔhɔ ete, Eyetɔŋɔ ntak edep ufɔk ye iŋwaŋ ye iŋwaŋ-vine ke isɔŋ emi.

JEREMIAH 36:29

Nyuŋ dɔhɔ Jehoiakim edidem Judah, ete, Ntem ke Jehovah ɔdɔhɔ ete, Afo ɔkɔfɔp ŋwed oro, ete, Nsinam afo ekewetde ke esit ete, Edidem Babylon iditreke ndidi ndisobo obio emi, nnyuŋ nnam owo ye unam ekure ke esit?

JEREMIAH 50:6

Ikɔt mi edi ufene eke esopde: mme ɔbɔk mmɔ enam mmɔ ediyo, enam mmɔ efiak edem ke ikpɔ obot: mmɔ ekpɔŋ akamba obot eka ekpri, emefre ebiet nna mmɔ.

JEREMIAH 51:62

Afo, O Jehovah, ɔdɔhɔ ikɔ otuk ebiet emi, ete iyesibe enye ifep, tutu owo eke oduŋde ke esit iduhe, edide owo onyuŋ edide ufene; koro enye eyedi nsinsi ndon.

EZEKIEL 36:35

Ndien mmɔ eyedɔhɔ, ete, Isɔŋ emi akabiarade akabare ebiet iŋwaŋ Eden; ndien mme obio ŋko emi ekesobode enyuŋ ebiarade, enyuŋ ewurede, emekabare enyene ibibene, owo enyuŋ eduŋ mmɔ.

HAGGAI 1:4

Nte edi ini eke mbufo ekpeduŋde ke ufɔk mbufo eke ekɔŋde ke obukpɔk, ndien ufɔk emi abiara?