JEREMIAH 33:11 - Edisana ñwed Abasi Ibom

¹¹ ke eyekop uyom idara, ye uyom mbre, ye uyo ɔdɔ ŋwan, ye uyo ŋwan ndɔ, ye uyo mmɔ eke edɔhɔde, ete, “Mbufo etoro Jehovah mme udim: koro Jehovah ɔfɔnde; koro ima esie ebigide ke nsinsi”: ye eke mmɔ emi edade ekɔm edi ke ufɔk Jehovah. Koro ami nyeda nditɔ isɔŋ emi eketaŋde efep mfiak ndi, kpa nte akpa; ke edi Jehovah ɔdɔhɔ.

JEREMIAH 33:11 ပူးပေါင်းရင်းမြစ်များ

1 CHRONICLES 16:34

Mbufo ekɔm Jehovah; koro enye ɔfɔnde; koro ufɔn esie onyuŋ ebigide ke nsinsi.

1 CHRONICLES 16:8

Mbufo ekɔm Jehovah; eseme ekot enyiŋ esie; emen se enye anamde etaŋa enɔ kpukpru owo.

2 CHRONICLES 20:21

Ndien adaŋemi enye etemede kpukpru owo, enye onim mme andikwɔ nnɔ Jehovah, eke esinede mbana, ebe mbon-ekɔŋ iso ewɔŋɔ etoro, enyuŋ edɔhɔ, ete, Mbufo etoro Jehovah; koro ima esie edide nsinsi.

2 CHRONICLES 29:31

Ndien Hezekiah ɔbɔrɔ ete, Ke emi mbufo emeyɔhɔ ubɔk mbufo enɔ Jehovah, mbufo esaŋa ekpere, enyuŋ eda uwa emem ye uwa ekɔm eduk ke ufɔk Jehovah, Ndien mbon esop eda uwa emem, ye uwa ekɔm, edi; kpukpru owo eke esit mmɔ onyimede, enyuŋ eda edifɔp uwa edi.

2 CHRONICLES 5:13

edikem adaŋemi mme andifuri ye mme andikwɔ, nte owo kiet, enamde uyom ke uyo kiet, ekɔm enyuŋ etoro Jehovah; ke ini mmɔ enyuŋ emenerede uyo edian ye ukorowo, ye cymbal, ye ŋkpɔ-ikwɔ, enyuŋ etorede Jehovah, koro enye ɔfɔnde, koro ima esie edide nsinsi: ndien obubit enyɔŋ ɔyɔhɔ ke ufɔk, kpa ufɔk Jehovah.

2 CHRONICLES 7:3

Ndien ke adaŋemi kpukpru nditɔ Israel ekutde nte ikaŋ ɔsuhɔrede, nte ubɔŋ Jehovah onyuŋ odorode ke ufɔk, mmɔ etuk iso ke isɔŋ ke pavement, enyuŋ ebɔŋ akam, enyuŋ ekɔm Jehovah, koro enye ɔfɔnde, koro mbɔm esie ebigide ke nsinsi.

EZRA 6:22

mmɔ enyuŋ enim usɔrɔ uyo eke leaven miduhe, ke usen itiaba ke idara: koro Jehovah akanamde esit adat mmɔ, okonyuŋ akabarede esit edidem Assyria ama mmɔ, onyuŋ ɔsɔŋ mmɔ ubɔk ke utom ufɔk Abasi, Abasi Israel.

NEHEMIAH 12:43

Ndien ke usen oro mmɔ ewa ikpɔ uwa, enyuŋ edat esit: koro Abasi akanamde mmɔ edara akamba idara: iban nde, ye nditɔwɔŋ enyuŋ edara: ndien mmɔ ekop mkpo idara Jerusalem anyan ebiet.

NEHEMIAH 8:12

Ndien kpukpru owo eka ndidia ŋkpɔ, nnyuŋ ŋŋwɔŋ, nnyuŋ nnɔ enɔ esɔk owo, nnyuŋ nnam akamba idara: koro mmɔ etimde efiɔk ikɔ emi esiakde enɔ mmɔ.

ŊWED MME PSALM 106:1

MBUFO etoro Jehovah. Oh Mbufo ekɔm Jehovah; koro enye ɔfɔnde;

ŊWED MME PSALM 107:1

MBUFO ekɔm Jehovah, koro enye ɔfɔŋde; koro ima esie ebigide ke nsinsi.

ŊWED MME PSALM 107:22

Yak mmɔ enyuŋ ewa mme uwa ekɔm, enyuŋ etaŋa mme ese esie ke ikwɔ.

ŊWED MME PSALM 116:17

Nyewa uwa ekɔm nnɔ fi, nnyuŋ nseme ŋkot enyiŋ Jehovah.

ŊWED MME PSALM 147:13

Koro enye anamde mme eto-usin-usuŋ fo esɔŋɔ; onyuŋ ɔdiɔŋ nditɔ fo ke ufɔt fo.

ŊWED MME PSALM 85:7

Nam nnyin ikut ima fo, O Jehovah, nyuŋ nɔ nnyin erinyaŋa fo.

ISAIAH 35:10

ndien mmɔ eke Jehovah akafakde eyefiak edi ke Zion ekwɔ ikwɔ, nsinsi idaresit onyuŋ ayara mmɔ ke ibuot: mbre ye idaresit eyesim mmɔ, mfuhɔ ye eseme eyefeŋe.

ISAIAH 51:11

Ndien mmɔ eke Jehovah afakde eyefiak edi ke Zion ye mkpo; nsinsi idaresit eyedu mmɔ ke ibuot: mbre ye idaresit eyesim mmɔ; mfuhɔ ye eseme eyefeŋe.

ISAIAH 51:3

Koro Jehovah ɔmɔdɔŋ Zion esit: ɔmɔdɔŋ kpukpru mme ŋwure esie esit; omonyuŋ anam wilderness esie ebiet Eden, anam desert esie ebiet iŋwaŋ Jehovah; eyekut mbre ye idara ke esit, ekɔm, ye uyo ikwɔ.

ISAIAH 52:8

uyo mbon ukpeme fo! mmɔ emenere uyo, efiori uyo kiet: koro mmɔ eyekut enyin ke enyin, ke ini Jehovah afiakde ke Zion.

ISAIAH 52:9

Mbufo mme ŋwure Jerusalem, ebumere ekwɔ uyo kiet: koro Jehovah ɔdɔŋde ikɔt esie esit:

JEREMIAH 16:9

koro ntem ke Jehovah mme udim Abasi Israel ɔdɔhɔ, ete, Sese, ami nyenam uyo idara, ye uyo mbre, uyo ɔdɔ-ŋwan, ye uyo ŋwan ndɔ, odop ke ebiet emi, ke enyin mbufo ye ke eyo mbufo.

JEREMIAH 17:26

Ndien mmɔ eyeto ke mme obio Judah, ye ke edem emi akande Jerusalem okuk, ye ke isɔŋ Benjamin, ye ke una-isɔŋ edem inyaŋ, ye ke obot iŋwaŋ, ye ke edem usuk-usuk, eda edifɔp uwa ye uwa emem, ye inuak-udia, ye frankincense, edi, eyenyuŋ eda uwa ekɔm edi ke ufɔk Jehovah.

JEREMIAH 25:10

Ndien nyesio uyom idara ye uyom mbre, uyo ɔdɔ-aŋwan ye uyo aŋwan-ndɔ, ye uyom itiat ɔkɔk ibokpot, ye uŋwana utuen-ikaŋ mfep ke esit.

JEREMIAH 29:14

Jehovah ɔdɔhɔ, ete, Mbufo eyenyuŋ ekut mi; ndien ami nyeyak mbufo eto ke itie mbuot-ekɔŋ enyɔŋ edi, nnyuŋ ntaŋ mbufo ke kpukpru mme idut, ye ke kpukpru ebiet eke mbinde mbufo nsin do, ndibon, Jehovah ɔdɔhɔ; nyenyuŋ nda mbufo mfiak ndi ke ebiet eke ŋkayakde mmɔ etaŋ mbufo ke esit efep.

JEREMIAH 30:19

Ndien ekɔm ye uyo mmɔ emi ebrede mbre eyewɔrɔ ke otu mmɔ: nyenyuŋ nnam mmɔ ewak, ndien mmɔ ididige esisit. Nyenyuŋ nnam ekpono mmɔ, ndien mmɔ idikprike.

JEREMIAH 30:3

Koro, sese, ini ke edi, Jehovah ɔdɔhɔ, ndien nyeda ikɔt mi Israel ye Judah emi eketaŋde efep mfiak ndi, Jehovah ɔdɔhɔ: nyenyuŋ nda mmɔ nnyɔŋ ndi ke isɔŋ emi ŋkɔnɔde mme ete mmɔ, ndien mmɔ eyeda enye enyene.

JEREMIAH 32:44

Eyedep iŋwaŋ ke okuk, enyuŋ ewet ŋwed, enyuŋ ebɔp esin idiɔŋɔ, enyuŋ ekot ntiense, ke isɔŋ Benjamin, ye ke edem emi akande Jerusalem okuk, ye ke mme obio Judah, ye ke mme obio obot, ye ke mme obio una-isɔŋ edem inyaŋ, ye ke mme obio edem usuk: koro nyeda mmɔ ke itie mbuot-ekɔŋ mfiak ndi: emi edi uyo Jehovah.

JEREMIAH 33:26

ndien nyemen ubon Jacob ye ubon David owo mi ŋko nduɔk, ndinyuŋ nsioho aba owo eke edikarade ubon Abraham, ye Isaac, ye Jacob, ke ubon esie: koro nyeda nditɔ mmɔ emi eketaŋde efep mfiak ndi, nnyuŋ ntua mmɔ mbɔm.

JEREMIAH 33:7

Nyenyuŋ nda nditɔ Judah ye nditɔ Israel emi eketaŋde efep mfiak ndi, nnyuŋ mbɔp mmɔ kpa nte akpa.

JEREMIAH 7:34

Ndien ami nyenam uyom mbre, ye uyom idara, uyo ɔdɔ-ŋwan, ye uyo ŋwan ndɔ, odop ke mme obio Judah ye ke mme efak Jerusalem: koro isɔŋ eyebiara.

AMOS 9:14

Ndien nyeda ikɔt mi Israel emi eketaŋde efep nnyɔŋ ndi: ndien mmɔ eyebɔp mme obio emi enade ikpikpu, ndien eduŋ (ke esit); mmɔ eyenyuŋ etɔ iŋwaŋ-vine, enyuŋ eŋwɔŋ wine mmɔ: enyuŋ enam iŋwaŋ, ndien edia mfri mmɔ.

JONAH 2:9

Ndien ami nyeda uyo ekɔm ŋwa uwa nnɔ fi; nyesio se ŋkakaŋade. Erinyaŋa enyene Jehova.

NAHUM 1:7

Jehovah ɔmɔfɔn, edi ɔkpɔsɔŋ ebiet ke usen ukut; enye onyuŋ ɔfiɔk mmɔ eke ebuɔtde idem mmɔ ye enye.

ZEPHANIAH 3:14

O adiaha Zion, kwɔ; mbufo Israel esio mkpo idara; O adiaha Jerusalem, dara nyuŋ bre ke ofuri esit.

ZECHARIAH 10:7

Ndien Ephraim eyekabare ebiet owo uko, esit eyenyuŋ adat mmɔ nte ke wine; ndien nditɔ mmɔ eyekut enyuŋ edat esit; esit mmɔ eyedara Jehovah.

ZECHARIAH 8:19

Ntem ke Jehovah mme udim ɔdɔhɔ, ete, Utre-udia ɔyɔhɔ ɔfiɔŋ inaŋ, ye utre-udia ɔfiɔŋ ition, ye utre-udia ɔfiɔŋ itiaba, ye utre-udia ɔfiɔŋ duop, eyedi ini idara ye mbre ufɔk Judah, ye nti usɔrɔ. Mbufo ema ndien akpanikɔ ye emem.

ZECHARIAH 9:17

Koro enye ɔfɔn didie! enye onyuŋ eye didie! Ibokpot eyenam mkparawa ekɔri, obufa wine eyenyuŋ anam nditɔ-iban ekpon.

JOHN 3:29

Enyene-aŋwan-ndɔ edi ebe-ŋwan: edi ufan ebeŋwan, emi adade da okop enye uyo, adara eti-eti ndikop uyo ebeŋwan: ntem ke idara mi emi ama akabare ɔyɔhɔ.

MME HEBREW 13:15

Yak nnyin iwa uwa ekɔm inɔ Abasi kpukpru ini ke enyiŋ Jesus, kpa mfri mkpɔk-inua eke ekponode enyiŋ Esie.

ERIYARARE 18:23

idinyuŋ ikopke aba uyom itiat ukɔk-ŋkpɔ ke esit fo; uŋwana utuenikaŋ idinyuŋ iyamake aba ke esit fo; owo idinyuŋ ikopke aba uyo ebe-ndɔ ye ŋwan-ndɔ ke esit fo. Koro mbon-urua fo ekedi mbɔŋ isɔŋ; afo ama onyuŋ ada ido idiɔŋ fo abiaŋa kpukpru mme idut;