JEREMIAH 32:5 - Edisana ñwed Abasi Ibom

⁵ ndien enye eyeda Zedekiah aka ke Babylon, ndien enye eyedu do tutu ami ndi ndise enye; Jehovah ɔdɔhɔ koro mbufo eyeŋwana ekɔŋ ye mme Chaldean, edi idikwe unen.

JEREMIAH 32:5 ပူးပေါင်းရင်းမြစ်များ

2 CHRONICLES 13:12

Ndien, sese, Abasi odu ye nnyin ke etubom, ye mme oku esie, ye mme ukorowo uyom emi edade enam uyom ebaŋa mbufo. Mbufo, nditɔ Israel, ekuŋwana ekɔŋ ye Jehovah Abasi mme ete mbufo: koro mbufo midikwe unen.

2 CHRONICLES 24:20

Ekem Spirit Abasi oto ediduk Zechariah eyen Jehoiada oku ke idem, ndien enye ada ke enyɔŋ kpukpru owo, onyuŋ ɔdɔhɔ mmɔ, ete, Ntem ke Abasi ɔdɔhɔ, ete, Nsinam mbufo ebiatde mbet Jehovah? Mbufo idikwe unen. Koro mbufo ekpɔŋde Jehovah, enye omonyuŋ ɔkpɔŋ mbufo.

MME ŊKE 21:30

Baba eti ibuot, baba mbufiɔk, baba item eke ekemde ye Jehovah iduhe.

JEREMIAH 2:37

Afo eyenyuŋ ɔwɔrɔ ke esit ŋko, ubɔk fo eyenyuŋ odoro fi ke ibuot: koro Jehovah emesin ŋkpɔ mbuɔt-idem fo, ndien afo udukwe unen ke esit.

JEREMIAH 27:22

Ke eyeda mmɔ eka Babylon, ndien mmɔ eyedu do tutu ekem ke usen eke ndisede mmɔ; ndien nyeda mmɔ ndɔk ndi, nnyuŋ ntɔŋɔ ntak nsin mmɔ ke ebiet emi; Jehovah ɔdɔhɔ.

JEREMIAH 32:24

Sese, mme ibombom emesim obio, man mmɔ eda enye: ndien emen obio esin ke ubɔk mme Chaldean, emi eŋwanade ekɔŋ ye enye ke ofut ye ke biɔŋ ye ke udɔŋɔ: ndien se afo ɔkɔdɔhɔde omosu: ndien, sese, afo omokut.

JEREMIAH 32:6

Ndien Jeremieh ɔdɔhɔ ete, Uyo Jehovah omosim mi, ete,

JEREMIAH 33:5

mmɔ edi ndiyi ekɔŋ ye mme Chaldean, ndinyuŋ nda mme okpo owo oro ŋwotde ke iyaresit mi ye ke ifuresit mi nyɔhɔ ke esit, ami nnyuŋ ndip obio emi iso mi mbaŋa ofuri idiɔk ido mmɔ.

JEREMIAH 37:10

Koro mbufo ekpewot ofuri udim-ekɔŋ mme Chaldean emi eŋwanade ekɔŋ ye mbufo, ndien mmɔ ekpesuk mbio unan mbio unan, kpukpru mmɔ ekpedaha ke enyɔŋ ke tent mmɔ, enyuŋ efɔp obio emi ke ikaŋ.

JEREMIAH 39:4

Edikem adaŋemi Zedekiah edidem Judah, ye kpukpru mbon-ekɔŋ ekutde mmɔ, mmɔ efeŋe, enyuŋ ewɔŋɔ ke obio ke okoneyo, eka usuŋ iŋwaŋ esa edidem, ke inua otop ke ufɔt ibibene iba: ndien enye ɔwɔrɔ aka usuŋ Arabah.

JEREMIAH 39:5

Ndien mbonekɔŋ mme Chaldean ebine mmɔ ke edem, enyuŋ esim Zedekiah ke una-isɔŋ Jericho; ndien adaŋemi mmɔ emumde enye, mmɔ eda enye edɔk ekesɔk Nebuchadrezzar edidem Babylon ke Riblah ke isɔŋ Hamath; ndien enye ekpe ikpe ye enye.

JEREMIAH 39:7

Enye onyuŋ etibi Zedekiah enyin, ndien ɔkɔbi ke ŋkpɔkɔbi okpoho, man ada enye aka Babylon.

ŊWED ESEME 1:14

Ubɔk esie etebe ɔkpɔnɔ idiɔk ido mi: mmɔ ewaŋa, edɔk esim itɔŋ mi: enye anam odudu mi ɔduɔ; Ɔbɔŋ esin mi ke ubɔk mmɔ eke mmeŋkemeke ndito mmɔ ke ubɔk ndaha ke enyɔŋ.

EZEKIEL 12:12

Ndien ɔbɔŋ emi odude ke ufɔt mmɔ eyebiom ŋkpɔ ke afara ke ekim ɔwɔrɔ. Mmɔ eyetibi odudu ke ibibene, man ebume ŋkpɔ ke esit ewɔrɔ: enye eyefuk iso esie man okukut isɔŋ ke enyin.

EZEKIEL 12:13

Ndien nyenyuŋ nduɔk enye iyire mi ke idem, enye eyenyuŋ omum ke afia mi: ndien nyeda enye ŋka Babylon ke isɔŋ mme Chaldean; edi enye idikwe enye ke enyin, ndien do ke enye edikpa.

EZEKIEL 17:15

Ndien enye ɔsɔŋ ibuot ye enye, onyuŋ ɔdɔŋ mme isuŋ esie utom ke Egypt, ete enɔ imɔ horse ye ediwak owo. Nte enye eyekut unen? Nte owo eke anamde ŋkpɔ emi eyebɔhɔ? Nte owo eyebiat ediomi, ndien ɔbɔhɔ?

NUMBERS 14:41

Ndien Moses ete, Nsinam mbufo mikopke uyo Jehovah ntem? Edi mbufo idikwe unen.