JEREMIAH 32:43 - Edisana ñwed Abasi Ibom

⁴³ Ndien eyedep iŋwaŋ ke isɔŋ emi mbufo edɔhɔde ete, “Enye omo sobo; ndien owo ye ufene iduhe ke esit; emeda enye esin mme Chaldean ke ubɔk.”

JEREMIAH 32:43 ပူးပေါင်းရင်းမြစ်များ

JEREMIAH 32:15

Koro ntem ke Jehovah mme udim Abasi Israel ɔdɔhɔ ete, Eyetɔŋɔ ntak edep ufɔk ye iŋwaŋ ye iŋwaŋ-vine ke isɔŋ emi.

JEREMIAH 32:25

Edi, O Ɔbɔŋ Jehovah, afo ɔkɔdɔhɔ mi, ete, Dep iŋwaŋ ke idem fo ke okuk, nyuŋ kot ntiense edi, ndien emeda obio emi esin mme Chaldean ke ubɔk.

JEREMIAH 32:36

Ke emi ndien, ntem ke Jehovah Abasi Israel ɔdɔhɔ obio emi mbufo edɔhɔde, ete, Ke eda enye esin ke ubɔk edidem Babylon, ke ofut, ye ke biɔŋ, ye ke udɔŋɔ;

JEREMIAH 33:10

Ntem ke Jehovah ɔdɔhɔ, ete, Ke ebiet emi mbufo edɔhɔde ete ke enye omosobo, anana owo, onyuŋ anana ufene, ke mme obio Judah ye ke mme efak Jerusalem, emi ebiarade enana owo, enyuŋ enana andiduŋ, enyuŋ enana ufene,

JEREMIAH 33:12

Ntem ke Jehovah mme udim ɔdɔhɔ, ete, Ke iduŋ mme ɔbɔk-erɔŋ emi enamde ufene mmɔ esukhɔre ena, editɔŋɔ ntak edu ke ebiet emi osobode ntem, anana owo, onyuŋ anana ufene, ye ke kpukpru mme obio mmɔ.

EZEKIEL 28:26

Ndien mmɔ eyeduŋ ke esit ke ifure, enyuŋ ebɔp ufɔk, enyuŋ etɔ iŋwaŋ-vine, enyuŋ eduŋ ke ifure, ke ini ndinamde ikpe ye kpukpru mmɔ eke etode ke ŋkan-ŋkuk ese mmɔ ke ndek; ndien mmɔ eyefiɔk ete ke ami ndi Jehovah Abasi mmɔ.