JEREMIAH 32:41 - Edisana ñwed Abasi Ibom

⁴¹ Ndien nyedat esit mbaŋa mmɔ ndifɔn ye mmɔ, nnyuŋ ntɔ mmɔ ke isɔŋ emi ke akpanikɔ, ye ke ofuri esit mi, ye ke ofuri ukpɔŋ mi.

JEREMIAH 32:41 ပူးပေါင်းရင်းမြစ်များ

ŊWED MME PSALM 80:8

Afo ama ada vine ke Egypt edi: ebin mme idut efep, onyuŋ ɔtɔ enye.

ISAIAH 60:21

Ndien ikɔt fo kpukpru eyedi edinen; mmɔ eyenyene isɔŋ ke nsinsi, ŋkpɔ emi ntɔde, utom ubɔk mi, man nda ubɔŋ.

ISAIAH 62:4

Udukereke aba Azuvah (ŋwan eke ekpɔŋde): isɔŋ fo idinyuŋ ikereke aba Shemamah (desert): edi eyesio fi enyiŋ Hephzibah (ŋwan oro enem mi esit): eyesio isɔŋ fo enyiŋ Beulah (ŋwan emi edɔde): koro afo eyenem Jehovah esit; eyenyuŋ eda isɔŋ fo edɔ.

ISAIAH 62:5

Koro kpa nte akparawa ɔdɔde eyen-aŋwan, kpa ntre ke nditɔ-iren fo edidɔ fi: ndien kpa nte ɔdɔ-ŋwan adatde esit abaŋa ŋwan ndɔ, kpa ntre ke Abasi fo edidat esit abaŋa fi.

ISAIAH 65:19

Ndien Jerusalem eyenem mi esit, ikɔt mi eyenyuŋ edat mi: ndien idikopke aba uyo eyet ye uyo eseme ke esit.

JEREMIAH 18:9

Ndien edieke ndɔhɔde ke ini efen mbaŋa idut, ye obio, nte nyebɔp nnyuŋ ntɔ:

JEREMIAH 24:6

Nyenyuŋ ŋwuk enyin nse mmɔ ke mfɔn, nnyuŋ nda mmɔ mfiak ke isɔŋ emi: nnyuŋ mbɔp mmɔ, ndien ŋwurike, nnyuŋ ntɔ mmɔ ke isɔŋ, ndien ndibekede.

JEREMIAH 31:28

Jehovah onyuŋ ɔdɔhɔ, ete, Ama ekem, kpa nte ŋkpemede mbaŋa mmɔ, man ndibere, nnyuŋ ŋwuri nnyuŋ nsobo, nnyuŋ mbiat, nnyuŋ ntuk: kpasuk ntre ke ndikpeme mbaŋa mmɔ, man mbɔp nnyuŋ ntɔ.

EZEKIEL 36:36

Ndien mme idut emi esuhɔde ekan mbufo ekuk eyefiɔk ete ke ami Jehovah ndiɔŋ se ikewurede, ntɔ se ibiarade. Edi ami Jehovah ndɔhɔ, nnyuŋ nnam.

HOSEA 14:5

Nyenam ye Israel nte mbara: enye eyesiaha nte lily, onyuŋ omum oruŋ esie nte Lebanon.

AMOS 9:15

Ndien nyetɔ mmɔ ke isɔŋ mmɔ, ndien ididibekede aba mmɔ ifep ke isɔŋ mmɔ emi ŋkɔnɔde mmɔ. Jehovah Abasi fo ɔdɔhɔ.

MICAH 7:18

Anie Abasi ebiet fi, ke efen mme ukwaŋ-ŋkpɔ, ke adahado ke idiɔk ido owo udeme esie emi esuhɔde? Ikɔhɔkede iyaresit esie ke nsinsi: koro enye adatde esit ndifɔn ido.

ZEPHANIAH 3:17

Jehovah Abasi fo odu ke ufɔt fo, ɔmɔsɔŋ; enye eyenyaŋa, eyedat esit abaŋa fi ke idara; enye eyedop uyo ke ima esie, eyebre abaŋa fi ke ikwɔ.

DEUTERONOMY 28:63

Ndien ama ekem, nte Jehovah akadatde esit abaŋa mbufo, ndifɔn ye mbufo, nnyuŋ nnam mbufo ewak; kpa ntre ke Jehovah edinyuŋ adat esit abaŋa mbufo ndibiat mbufo, nnyuŋ nsobo mbufo; ndien eyedibere mbufo efep ke isɔŋ emi mbufo ekade do ndida enye nnyene.

DEUTERONOMY 30:9

Ndien Jehovah Abasi fo eyenam fi ɔtɔt ke kpukpru utom ubɔk fo, ke mfri idibi fo, ye ke mfri ufene fo, ye ke mfri iŋwaŋ fo, ke ufɔn: koro Jehovah eyetɔŋɔ ntak adat esit abaŋa fi, onyuŋ ɔfɔn ye afo, kpa nte enye akadatde esit abaŋa mme usɔ: