JEREMIAH 32:40 - Edisana ñwed Abasi Ibom

⁴⁰ Nyenyuŋ nnim nsinsi ediomi ye mmɔ, nte ndikabakede ŋkpɔŋ mmɔ, ntre ndifɔn ye mmɔ; nyenyuŋ nda uteŋe mi nsin mmɔ ke esit, man ekukabare ekpɔŋ mi.

JEREMIAH 32:40 ပူးပေါင်းရင်းမြစ်များ

2 SAMUEL 23:4

Ndien enye eyebiet uŋwana usenubɔk, ke utin asiahade, eke uyama miyakke mbubit enyɔŋ odu: nte edim esinde mbiet afiari ke isɔŋ.

ŊWED MME PSALM 80:19

O Jehovah Abasi mme udim, da nnyin fiak, nam iso fo ayama; ndien nnyin iyedu ke ifure.

ISAIAH 24:5

Isɔŋ onyuŋ edehe ke idak mmɔ emi eduŋde ke esit: koro mmɔ eduede mbet, ebiatde ewuhɔ, enim nsinsi ediomi ke ikpikpu.

ISAIAH 55:3

Mbufo ekpaŋ utɔŋ mbufo, enyuŋ edi etiene mi: ekop, ndien ukpɔŋ mbufo eyedu uwem; ndien nyenam nsinsi ediomi ye mbufo, kpa ŋkpɔ ima David eke edide akpanikɔ.

ISAIAH 61:8

Koro ami Jehovah mmama ikpe, nsasua se edade ke ŋwo; ndien ami nyenɔ mmɔ ŋkpɔ eyen-utom mmɔ ke akpanikɔ, nnyuŋ ndiomi nsinsi ediomi ye mmɔ.

JEREMIAH 24:7

Ndien nyenɔ mmɔ esit eke ɔfiɔkde mi, ete ke ami ndi Jehovah: ndien mmɔ eyedi ikɔt mi, ami nyenyuŋ ndi Abasi mmɔ: koro mmɔ eyefiak etiene mi ke ofuri esit mmɔ.

JEREMIAH 31:34

Ndien kiet idikpepke aba mbɔhiduŋ esie, ye kiet eyen-ete esie, ite, Mbufo efiɔk Jehovah: koro kpukpru mmɔ, ŋkpri ye ikpɔ, eyefiɔk mi, Jehovah ɔdɔhɔ: koro nyefen mme idiɔk ido mmɔ, ndinyuŋ ntihi aba mme oburobut ido mmɔ.

JEREMIAH 50:5

Mmɔ eyebup ebaŋa Zion, ekabare iso esin ke usuŋ eke akade do, ete, Mbufo edi ndien nnyin iyedian idem ye Jehovah, ke nsinsi ediomi eke midifreke.

EZEKIEL 36:26

Nyenyuŋ nnɔ mbufo obufa esit, nnyuŋ nda obufa spirit nsin mbufo ke idem, nnyuŋ nsio mbufo esit enyene itiat ke obuk mfep, nnyuŋ nnɔ mbufo esit enyene obuk.

EZEKIEL 36:27

Nyenyuŋ nda spirit mi nsin mbufo ke idem, nnyuŋ nnam mbufo esaŋa ke mme ewuhɔ mi, enyuŋ ekpeme ikpe mi enyuŋ enam.

EZEKIEL 37:26

nyenyuŋ nnam ediomi emem ye mmɔ; eyedi nsinsi ediomi ye mmɔ; ndien nyenim mmɔ (ke itie), nnyuŋ nnam mmɔ ewak, nnyuŋ ŋwuk mmɔ edisana ebiet mi ke ufɔt ke nsinsi.

EZEKIEL 39:29

Ndien ndidipke aba mmɔ iso mi: koro nduɔkde ufɔk Israel spirit mi ke idem. Uyo Ɔbɔŋ Jehovah edi emi.

MICAH 4:5

Koro kpukpru mme idut eyesaŋa ke enyiŋ abasi mmɔ; nnyiŋ iyenyuŋ isaŋa ke enyiŋ Jehovah Abasi nnyin ke nsinsi-nsinsi.

DEUTERONOMY 31:6

Mbufo esɔŋɔ idem, enyuŋ enyene esit, ekudikhe, ekunyuŋ ebak mmɔ: koro edi Jehovah Abasi fo asaŋa ye afo: enye idikpɔŋke fi, idinyuŋ iduɔkke fi.

DEUTERONOMY 31:8

Onyuŋ edi Jehovah ebem fi iso asaŋa; enye eyedu ye afo, idikpɔŋke fi, idinyuŋ iduɔkke fi: kufehe ndik, kunyuŋ uyomo nsia.

MME HEBREW 13:20

Ndien Abasi emem, emi akanamde akwa Ekpeme-erɔŋ asaŋa ye iyip nsinsi ediomi eset ke mkpa,

MME HEBREW 4:1

MMƆDO sia uŋwɔŋɔ eriduk ke nduɔk-odudu Esie ɔsuhɔde, eyak nnyin ifehe ndik, mbak owo mbufo ekededi editie nte ŋkpɔ eke enye atabade nduɔk-odudu oro.

MME HEBREW 7:24

edi Enye, koro Enye odude uwem ke nsinsi, enyene idaha oku eke mikemeke ndikpuhɔre.

JAMES 1:17

Kpukpru eti erinɔ ye kpukpru enɔ eke efɔnde ema eto ke enyɔŋ, eto ke ubɔk Ete mme uŋwana esuhɔre edi; emi mikemeke ndikpuhɔre, ukpuhɔre itie minyuŋ ikemeke ndimen Enye nsin ke mfut.

1 PETER 1:5

Abasi okonyuŋ onim udeme oro ke heaven ɔnɔ mbufo, emi Enye adade odudu Esie ekpeme oto ke mbuɔtidem, ete, edisim erinyaŋa eke enimde ebet akpatre ini ndiwut idem.