JEREMIAH 32:39 - Edisana ñwed Abasi Ibom

³⁹ nyenyuŋ nnɔ mmɔ esit kiet ye usuŋ kiet, man ebak mi kpukpru ini, man ɔfɔn ye mmɔ ye nditɔ mmɔ emi editienede mmɔ ke edem.

JEREMIAH 32:39 ပူးပေါင်းရင်းမြစ်များ

GENESIS 17:7

Nyenyuŋ nnam ediomi mi ɔsɔŋɔ ada ye afo, ye ubon fo eke editienede fi ke emana mmɔ, ke nsinsi ediomi, nte ndi Abasi fo, ye eke ubon fo eke editienede fi.

GENESIS 18:19

enye ke idem? Koro mmemek enye, kpaŋ enye ekpeteme nditɔ esie ye ufɔk esie eke editienede enye, ete ekpeme usuŋ Jehovah, ndinam se ifɔnde inyuŋ inende; kpaŋ Jehovah akpada kpukpru se ɔkɔdɔhɔde abaŋa Abraham ɔsɔk enye.

GENESIS 22:12

Ndien enye ɔdɔhɔ ete, Kuda ubɔk fo utuk eyen oro, kunyuŋ unam enye baba ŋkpɔ kiet: koro ke emi ke mfiɔk nte afo efefehe Abasi, afo unyuŋ usinke mi eyen fo kierakiet.

2 CHRONICLES 30:12

Ubɔk Abasi onyuŋ odu ke Judah ŋko ke ndinɔ mmɔ esit kiet, man enam ke ewuhɔ edidem, ye eke mbɔŋ, ke uyo Jehovah.

ŊWED MME PSALM 112:1

MBUFO etoro Jehovah. Ɔfɔfɔn ɔnɔ owo eke abakde Jehovah, adara mbet esie eti-eti.

ŊWED MME PSALM 128:6

Eyekut nditɔ-nditɔ fo ŋko. Emem odu ye Israel.

ŊWED MME PSALM 86:11

Teme mi usuŋ fo, O Jehovah; nyesaŋa ke akpanikɔ fo: kɔt esit mi abak enyiŋ fo.

MME ŊKE 23:17

Kuyak esit fo ofibe mme idiɔk owo ufup: edi du ke uteŋe Jehovah kpukpru ini.

ISAIAH 35:8

Ndien ɔkpɔ-usuŋ eyedu do, ye usuŋ, ndien enye eyekere usuŋ edinen owo; baba edidehe ŋkpɔ kiet idinyuŋ isaŋake ke esit ibe; ndien eyedi eke mmɔ; mbon isaŋ, idem mme anana ibuot, ididuehe.

ISAIAH 52:8

uyo mbon ukpeme fo! mmɔ emenere uyo, efiori uyo kiet: koro mmɔ eyekut enyin ke enyin, ke ini Jehovah afiakde ke Zion.

ISAIAH 65:23

Mmɔ idinamke utom ke ikpikpu, idinyuŋ imanke nditɔ inɔ ŋkpɔ ndik: koro mmɔ ye ubon mmɔ ŋko edide nditɔ mmɔ eke Jehovah ɔdiɔŋde.

JEREMIAH 24:7

Ndien nyenɔ mmɔ esit eke ɔfiɔkde mi, ete ke ami ndi Jehovah: ndien mmɔ eyedi ikɔt mi, ami nyenyuŋ ndi Abasi mmɔ: koro mmɔ eyefiak etiene mi ke ofuri esit mmɔ.

JEREMIAH 31:33

koro emi edide ediomi eke ndidiomide ye ufɔk Israel, ke mme usen oro ema ebe, Jehovah ɔdɔhɔ: nyesin mmɔ mbet mi ke esit, nnyuŋ ŋwet mmɔ ke ɔwɔŋ esit; nyenyuŋ ndi Abasi mmɔ, ndien mmɔ eyedi ikɔt mi.

JEREMIAH 32:40

Nyenyuŋ nnim nsinsi ediomi ye mmɔ, nte ndikabakede ŋkpɔŋ mmɔ, ntre ndifɔn ye mmɔ; nyenyuŋ nda uteŋe mi nsin mmɔ ke esit, man ekukabare ekpɔŋ mi.

JEREMIAH 6:16

Ntem ke Jehovah ɔdɔhɔ ete, Mbufo eda ke mme usuŋ, enyuŋ ese, enyuŋ ebup ebaŋa mme ɔkpɔ-usuŋ eset, ete, Eti usuŋ, enye? ndien mbufo esaŋa ke esit, enyuŋ ekut nduɔk-odudu ukpɔŋ mbufo. Edi mmɔ edɔhɔ ete, “Nnyin idisaŋake.”

EZEKIEL 36:26

Nyenyuŋ nnɔ mbufo obufa esit, nnyuŋ nda obufa spirit nsin mbufo ke idem, nnyuŋ nsio mbufo esit enyene itiat ke obuk mfep, nnyuŋ nnɔ mbufo esit enyene obuk.

EZEKIEL 37:22

nyenyuŋ nnam mmɔ edi idut kiet ke isɔŋ ke enyɔŋ ikpɔ obot Israel; ndien edidem kiet eyedi edidem mmɔ kpukpru: mmɔ idinyuŋ idige aba idut iba, idinyuŋ ibahakede aba mmɔ ke obio iba ke nsinsi.

EZEKIEL 37:24

Owo mi David eyenyuŋ edi edidem mmɔ; kpukpru mmɔ eyenyuŋ enyene ɔbɔk-erɔŋ kierakiet: ndien mmɔ eyesaŋa ke mme item mi, enyuŋ ekpeme mme ewuhɔ mi, enyuŋ enam mmɔ.

EZEKIEL 37:25

Ndien mmɔ eyeduŋ ke isɔŋ emi ŋkɔnɔde owo mi Jacob, emi mme ete mbufo ekeduŋde ke esit; ndien mmɔ eyeduŋ ke esit, kpa mmɔ ye nditɔ mmɔ ye nditɔ nditɔ mmɔ ke nsinsi:

JOHN 14:6

Jesus ɔbɔrɔ enye ete, Ami ndi usuŋ ye akpanikɔ ye uwem: owo baba kiet itieneke Ete, ibɔhɔke ebe ke ami.

JOHN 17:21

man mmɔ kpukpru ekpakam edi kiet, nte Afo, Ete, odude Mi ke idem, Ami nnyuŋ ndude ke Afo; man mmɔ enyuŋ edu ke nnyin: man ererimbot enim ke akpanikɔ ete, edi afo ɔkɔdɔŋ Mi.

UTOM MME APOSTLE 13:33

Abasi ama anam uŋwɔŋɔ oro osu ɔnɔ nditɔ nnyin, ke emi Enye anamde Jesus eset; nte emi enyuŋ ewetde ke udiana psalm, ete, Afo edi Eyen mi; mmobon Fi mfin emi.

UTOM MME APOSTLE 2:39

Koro uŋwɔŋɔ oro enyene mbufo ye nditɔ mbufo ye kpukpru mmɔ emi edude nsan-nsan, adaŋa owo nte Jehovah Abasi nnyin edikotde etiene Enye.

UTOM MME APOSTLE 3:26

Sia Abasi ama akanam Owo Esie adaha ada, Enye ebem iso ɔdɔŋ Enye ete edidiɔŋ mbufo, ke erinam mbufo kpukpru ewɔŋɔre ekpɔŋ mme idiɔk-ŋkpɔ mbufo.

UTOM MME APOSTLE 4:32

Edi otu mmɔ emi enimde ke akpanikɔ enyene esit kiet ye spirit kiet: baba owo mmɔ kiet inyuŋ idɔhɔke ite ŋkpɔ ekededi eke imɔ inyenede edi eke imɔ; edi mmɔ ebabuana kpukpru ŋkpɔ.

UTOM MME APOSTLE 9:31

Ntre ke ufɔk Abasi ke ofuri Judaea ye Galilee ye Samaria okut ifure, onyuŋ ɔkɔri ke uwem Abasi; mbon Ufɔk Abasi enyuŋ esaŋa ke uteŋe Jehovah ye ke ndɔŋesit Edisana Spirit, enyuŋ etɔt eti-eti.

ŊWED MBON ROME 11:16

Edieke akpa ubak asanade, ofuri ebok asana kpa ntre: onyuŋ edieke oruŋ asanade, mme ŋkɔk etie kpa ntre.

1 ŊWED CORINTH 7:14

Koro ebe eke minimke ke akpanikɔ ama akabare edi edisana ke ŋwan esie, ŋwan eke minimke ke akpanikɔ ama onyuŋ akabare edi edisana ke eyen-ete oro: midige ntre, nditɔ mbufo ikpasanake; edi kemi mmɔ esana.

2 ŊWED CORINTH 13:11

Ke akpatre ikɔ, nditɔ-ete, etie suŋ. Ekabare efɔn ema; ekut ndɔŋesit; enyene esit kiet; etie emem-emem; ndien Abasi ima ye emem eyedu ye mbufo.

DEUTERONOMY 5:29

Oh, mmɔ ekpekam enyene oruk esit emi ke idem mmɔ, eke ebakde mi, enyuŋ enimde ofuri mbet mi kpukpru ini, kpaŋ ŋkpɔfɔn ye mmɔ, ye nditɔ mmɔ ke nsinsi!

DEUTERONOMY 6:2

man afo abak Jehovah Abasi fo, onyuŋ ekpeme kpukpru mme ewuhɔ esie, ye mbet esie, emi ami ntemede fi, afo, ye eyen fo, ye eyeyen fo, ofuri ini uwem fo; man mme usen fo enyuŋ ebigi.

DEUTERONOMY 6:24

Jehovah onyuŋ eteme nnyin ndinim kpukpru mme ewuhɔ esie, man nnyin ibak Jehovah Abasi nnyin, man ɔfɔn ye nnyin kpukpru ini, man enye onim nnyin ke uwem, kpa nte edide mfin emi.

MME HEBREW 10:20

ke usuŋ oro Enye okonimde ɔnɔ nnyin, kpa obufa ye odu-uwem usuŋ emi ebede ke ukara, oro edi, obukidem Esie;