JEREMIAH 32:34 - Edisana ñwed Abasi Ibom

³⁴ Ndien mmɔ esin ŋkpɔ mbubiam mmɔ ke ufɔk emi ekerede enyiŋ mi, enyuŋ esabare enye.

JEREMIAH 32:34 ပူးပေါင်းရင်းမြစ်များ

2 NDIDEM 21:1

MANASSEH ekedi eyen isua duopeba ke ini enye adade ubɔŋ, ndien enye akara nte edidem ke Jerualem ke isua aba ye efut.

2 NDIDEM 23:6

Enye onyuŋ osio mbiet Asherah ke ufɔk Jehovah, ɔwɔrɔ ke edem Jerusalem aka ke ebedeŋ Kidron, ɔkɔfɔp enye ke ebedeŋ Kidron, onyuŋ anuak enye emem, ndien ada ntan esie asuan ke mme udi nditɔ mbio-obio.

2 CHRONICLES 33:15

Ndien enye osioŋo isen abasi ye mbiet-ŋkpɔ efep ke ufɔk Jehovah, ye kpukpru mme-itie-uwa oro enye akanamde ke obot ufɔk Jehovah, ye ke Jerusalem, ndien ada mmɔ ɔduɔk ke edem obio.

2 CHRONICLES 36:14

Ndien ŋko kpukpru mbɔŋ oku, ye mbio-obio, edue ediwak ŋkpɔ, esaŋa ye kpukpru mbubiam ido mme idut; mmɔ enyuŋ esabare ufɔk Jehovah, emi enye okonimde ke edisana ke Jerusalem.

JEREMIAH 19:4

Koro mmɔ ekpɔŋde mi, enyuŋ enimde ebiet emi ke esen ebiet, enyuŋ efɔpde ŋkpɔ ke esit enɔ abasi efen, eke mmɔ, ye mme ete mmɔ, ye ndidem Judah mikɔfiɔkke, enyuŋ eduɔk iyip owo eke miduehe isop eyɔhɔ ke ebiet emi;

JEREMIAH 23:11

Koro mme prophet ŋko ye mme oku esuk enanam oburobut: kpa ke ufɔk mi ke ŋkut idiɔk ido mmɔ; Jehovah ɔdɔhɔ.

JEREMIAH 30:14

Kpukpru mme ufan fo emefre fi; mmɔ iyomke fi; koro ŋkamiade fi ufen usua, ye ata ɔkpɔsɔŋ ntunɔ: koro mme idiɔk ido fo ewakde; mme ukwaŋ ŋkpɔ fo enyuŋ ekɔride.

JEREMIAH 34:15

Ndien mbufo ema ekabare mfin, ema enyuŋ enam se inende ke iso mi, enyuŋ ekwɔrɔ uwɔrɔ-ufin kpukpru kiet kiet enɔ mbɔhiduŋ mbufo; ema enyuŋ ediomi ediomi ke iso mi ke ufɔk emi ekerede enyiŋ mi:

JEREMIAH 44:4

Ndien ŋkɔdɔŋ kpukpru ikɔt mi mme prophet utom ke ɔtɔ mbufo, mbabak ndɔŋ mmɔ, nte, Mbɔk mbufo ekunam ŋkpɔ mbubiam emi ami nsuade.

JEREMIAH 7:10

ndien edi edida ke iso mi ke ufɔk emi ekerede enyiŋ mi, enyuŋ edɔhɔ, ete, Nnyin imɔbɔhɔ man inam ofuri mbubiam emi?

JEREMIAH 7:30

Koro nditɔ Judah enamde idiɔk ke enyin mi, Jehovah ɔdɔhɔ: mmɔ emen ŋkpɔ mbubiam mmɔ esin ke ufɔk emi ekerede enyiŋ mi, enyuŋ esabare enye.

JEREMIAH 7:31

Mmɔ ema enyuŋ ebɔp ŋkokoŋo ebiet o-Topheth emi odude ke itihere eyen Hinnom, enyuŋ efɔp nditɔ-iren mmɔ ye nditɔ-iban mmɔ ke ikaŋ; emi mme -ŋkowukke mmɔ, mikonyuŋ idukke mi ke esit.