JEREMIAH 32:24 - Edisana ñwed Abasi Ibom

²⁴ Sese, mme ibombom emesim obio, man mmɔ eda enye: ndien emen obio esin ke ubɔk mme Chaldean, emi eŋwanade ekɔŋ ye enye ke ofut ye ke biɔŋ ye ke udɔŋɔ: ndien se afo ɔkɔdɔhɔde omosu: ndien, sese, afo omokut.

JEREMIAH 32:24 ပူးပေါင်းရင်းမြစ်များ

2 SAMUEL 20:15

Ekem mmɔ eka ekekan enye (Sheba) ekuk ke Abel Beth-maacah, mmɔ enyuŋ ebiom ntan ekubi, enam ibombom ke mben obio, enye onyuŋ ada ke ukpe obio: ndien kpukpru mmɔ eke edude ye Joab ewuri, man eduɔk ibibene.

ISAIAH 37:33

Mmɔdo ntem ke Jehovah ɔdɔhɔ abaŋa edidem Assyria, ete, Enye ididukke ke obio emi, idinyuŋ itopke idaŋ do, idinyuŋ idaha otu-ekɔŋ idi enye ke iso, idinyuŋ ikubike ibombom inɔ enye.

JEREMIAH 16:4

mmɔ eyekpaŋa udɔŋɔ mkpa; idituaha mmɔ, idinyuŋ ibukke mmɔ; mmɔ eyekabare edi ifum ke iso isɔŋ: eyetak ke ofut, ye ke biɔŋ; mme okpo mmɔ eyenyuŋ edi udia inuen enyɔŋ, ye eke mme unam ikɔt.

JEREMIAH 20:5

Ndien nyeda ofuri inyene obio emi, ye ofuri utom esie, ye kpukpru ŋkpɔ-uto esie, nnyuŋ nda kpukpru inyene oro ndidem Judah ekenimde, nsin ke ubɔk mme asua mmɔ ndien mmɔ eyebume mmɔ, enyuŋ eda mmɔ ebiom enyɔŋɔ ke babylon.

JEREMIAH 24:10

Nyenyuŋ ndɔŋ ofut, ye biɔŋ, ye idiɔk udɔŋɔ etiene mmɔ, tutu mmɔ etaha ekure ke isɔŋ emi ŋkɔnɔde mmɔ ye mme ete mmɔ.

JEREMIAH 29:17

ntem ke Jehovah mme udim ɔdɔhɔ, ete, Sese, ami mmɔŋ ndɔŋ ofut ye biɔŋ ye udɔŋɔ utom ke otu mmɔ, nnyuŋ nnim mmɔ ke mme idiɔk fig eke mikemeke ndidia, koro ediɔkde.

JEREMIAH 29:18

Nyenyuŋ nda ofut, ye biɔŋ, ye idiɔk udɔŋɔ mbine mmɔ, nnyuŋ nnim mmɔ ke ŋkpɔ ndutime nnɔ kpukpru mme idut ke ererimbot, ye ke isuŋi, ye ke nsobo, ye ke nsi, ye ke esuene ke otu kpukpru mme idut eke mbinde mmɔ nsin do:

JEREMIAH 32:25

Edi, O Ɔbɔŋ Jehovah, afo ɔkɔdɔhɔ mi, ete, Dep iŋwaŋ ke idem fo ke okuk, nyuŋ kot ntiense edi, ndien emeda obio emi esin mme Chaldean ke ubɔk.

JEREMIAH 32:28

Mmɔdo ntem ke Jehovah ɔdɔhɔ, ete, Sese, ami mmɔŋ nda obio emi nsin mme Chaldean ke ubɔk, ye ke ubɔk Nebuchadrezzar edidem Babylon; ndien enye eyeda enye:

JEREMIAH 32:3

Koro Zedekiah edidem Judah ɔkɔkɔbide enye abaha, ete, Afo anam didie etiŋ prophecy, ete, Ntem ke Jehovah ɔdɔhɔ, ete, Sese, ami mmɔŋ nda obio emi nsin edidem Babylon ke ubɔk, ndien enye eyeda enye;

JEREMIAH 32:36

Ke emi ndien, ntem ke Jehovah Abasi Israel ɔdɔhɔ obio emi mbufo edɔhɔde, ete, Ke eda enye esin ke ubɔk edidem Babylon, ke ofut, ye ke biɔŋ, ye ke udɔŋɔ;

JEREMIAH 32:5

ndien enye eyeda Zedekiah aka ke Babylon, ndien enye eyedu do tutu ami ndi ndise enye; Jehovah ɔdɔhɔ koro mbufo eyeŋwana ekɔŋ ye mme Chaldean, edi idikwe unen.

JEREMIAH 33:4

Koro ntem ke Jehovah Abasi Israel ɔdɔhɔ, abaŋa ufɔk obio emi, ye ufɔk ndidem Judah emi ekewuride enɔ ibombom ye ofut;

JEREMIAH 34:17

Mmɔdo ntem ke Jehovah ɔdɔhɔ, ete, Mbufo ikopke uyo mi ndikwɔrɔ uwɔrɔ ufin nnɔ nditɔ-ete mbufo ye mbɔhiduŋ mbufo: sese, Jehovah ɔdɔhɔ, ete, Ami mmɔŋ ŋkwɔrɔ ufin nnɔ mbufo nnɔ ofut ye idiɔk udɔŋɔ ye biɔŋ; nyenyuŋ nda mbufo nnɔ man edi se etukde ke kprukpru mme idut ererimbot.

JEREMIAH 52:4

Edikem ke ɔyɔhɔ isua usukkiet nte enye akada ubɔŋ, ke ɔyɔhɔ ɔfiɔŋ duop, ke ɔyɔhɔ usen ɔfiɔŋ duop, Nebuchadrezzar edidem Babylon, ye ofuri mbon-ekɔŋ esie esim Jerusalem, enyuŋ ekan enye ekuk, ndien ebɔp ŋkokoŋo ufɔk-ekɔŋ ekan enye ekuk.

JEREMIAH 52:6

Ke ɔyɔhɔ ɔfiɔŋ inaŋ, ke ɔyɔhɔ usen ɔfiɔŋ usukkiet, akaŋ ɔsɔŋ ubɔk ke obio; udia eke mbio-obio ediade inyuŋ iduhe.

JEREMIAH 6:6

Koro ntem ke Jehovah mme udim ɔdɔhɔ, ete, Mbufo ekpeŋe eto, enyuŋ ekubi akwa ibombom ke ɔtɔ Jerusalem: emi edi obio eke edidade ufen; ŋkanubɔk ɔyɔhɔ enye kpukpru.

EZEKIEL 14:21

Koro ntem ke Ɔbɔŋ Jehovah ɔdɔhɔ, ete, Edidi ntem ke akpan-ikɔ, adaŋemi ndidade idiɔk ufen mi mbinaŋ, ofut, ye biɔŋ, ye idiɔk unam, ye idiɔk udɔŋɔ, ndɔŋ mmɔ utom ke Jerusalem, man nsibe owo ye unam ke esit mfep.

EZEKIEL 21:22

Idiɔŋ Jerusalem odu enye ke ubɔk nnasia, ete, inim ŋkpɔ uwuri ibibene, itat inua ibaŋa eriwot owo, isio uyo mkpo, ete inim ŋkpɔ uwuri ke mme inua-otop, ete ikubi ibombom, inyuŋ ikɔŋ akwa ufɔk ekɔŋ.

EZEKIEL 21:27

Nyeyut, nyeyut, nyeyut enye ŋkabare nnim: emi idinyuŋ iduhe, tutu enye emi edikpede ikpe edi; ndien nyeda nnɔ enye.

EZEKIEL 26:8

Enye eyeda ofut owot nditɔ-iban fo ke obot-iŋwaŋ: eyenyuŋ ɔdiɔk tower ekɔŋ ke ɔtɔ fo, onyuŋ okubi ibombom adian fi onyuŋ emenere otu-ekɔŋ aŋwana ye afo.

EZEKIEL 4:2

Nyuŋ nim mbon-ukuk nɔ enye, nyuŋ bɔp tower nɔ enye, nyuŋ kubi ibombom baŋa enye, nyuŋ nam nna-ekɔŋ baŋa enye, nyuŋ diɔk ŋkpɔ uwuri-ibibene kan enye kuk.

HABAKKUK 1:10

Ndien mmɔ eyese ndidem ke mbio, mbɔŋ enyuŋ edi ŋkpɔ nsahi ye mmɔ; mmɔ eyenyuŋ esak kpukpru mkpɔsɔŋ ebiet: ndien mmɔ eyekubi ntan enyuŋ eda mmɔ.

ZECHARIAH 1:6

Edi ama edi uyo mi ye mme ewuhɔ mi emi ŋkowukde ikɔt mi mme prophet, nte mmɔ ikesimke mme ete mbufo? Ndien mmɔ ekabare, enyuŋ edɔhɔ ete, Kpa nte Jehovah mme udim akaduakde ndinam nnyin, kpa nte ekemde ye usuŋ nnyin ye ido nnyin, kpa ntre ke enye akanam nnyin.

MATTHEW 24:35

Enyɔŋ ye isɔŋ eyebe efep, edi ikɔ Mi idibehe ifep.

DEUTERONOMY 4:26

mfin emi mmowuk enyɔŋ ye isɔŋ nte edi ntiense ebaŋa mbufo, nte mbufo eyewara ndibiara ke isɔŋ emi mbufo ebede Jordan eka do ndida enye nnyene; mbufo idibigike ke esit anyan ini; edi eyebiara tak-tak.