JEREMIAH 32:23 - Edisana ñwed Abasi Ibom

²³ ndien mmɔ eduk edida enye enyene; ndien mmɔ ikopke uyo fo, inyuŋ isaŋake ke ibet fo; mmɔ inamke kpukpru se afo okowukde mmɔ, ete enam: ndien afo anam ofuri idiɔk-ŋkpɔ emi osim mmɔ.

JEREMIAH 32:23 ပူးပေါင်းရင်းမြစ်များ

EZRA 9:7

Nnyin imakama akamba isop toto ke eyo mme ete nnyin, tutu osim mfin emi ndien mme ukwaŋ-ŋkpɔ nnyin esin ekeda nnyin, ye ndidem nnyin, ye mme oku nnyin esin ndidem mme idut ke ubɔk, enɔ ofut, ye ntaŋ-mfep, ye mbume, ye iso but, kpa nte edide mfin emi.

NEHEMIAH 9:15

onyuŋ ɔnɔ mmɔ udia emi otode ke enyɔŋ ke ini ɔbiɔŋ mmɔ, onyuŋ osio mmɔŋ ke itiat ɔnɔ mmɔ ke ini nsat-itɔŋ mmɔ, onyuŋ ɔdɔhɔ mmɔ, ete eyeduk ekeda isɔŋ oro afo ɔkɔŋwɔŋɔde, ete iyenɔ mmɔ.

ŊWED MME PSALM 78:10

Mmɔ inimke ediomi Abasi; edi esin ndisaŋa ke mbet esie.

JEREMIAH 2:7

Ndien ŋkada mbufo nduk ke isɔŋ enyene eti iŋwaŋ, nte edia mfri esie ye mfɔn esie: ndien mbufo eduk edisabare isɔŋ mi, enyuŋ enim udeme mi ke ŋkpɔ mbubiam.

JEREMIAH 26:4

Nyuŋ dɔhɔ mmɔ, ete, Ntem ke Jehovah ɔdɔhɔ, ete, Mbufo minyimeke ndikop uyo mi nnyuŋ nsaŋa ke mme ewuhɔ mi emi ŋkonimde ke iso mbufo:

JEREMIAH 44:10

Mmɔ isuhɔkede idem-mmɔ inim tutu osim mfin emi, inyuŋ ifeheke ndik, inyuŋ isaŋake ke mme ewuhɔ mi, ye ke ido mi, emi ŋkonimde ke iso mbufo, ye ke iso mme ete mbufo.

JEREMIAH 7:26

ndien mmɔ ikopke uyo mi, inyuŋ ikpaŋke utɔŋ mmɔ, edi esɔŋ obot-itɔŋ mmɔ: ediɔk ekan mme ete mmɔ.

ŊWED ESEME 1:18

Jehovah emenen: koro ami nnenide uyo esie: mbɔk mbufo kpukpru mme idut ekop, enyuŋ ese ndutuhɔ mi: nditɔ iban mi ye mkparawa mi emeka ke otu mbuot-ekɔŋ.

ŊWED ESEME 1:8

Jerusalem amanam idiɔk eti-eti; mmɔdo enye akabarede edi edidehe: kpukpru mmɔ eke ekekponode enye ese enye ke ndek, koro mmɔ ekutde enye iferi: enye onyuŋ eseme, onyuŋ akabare afiak edem.

EZEKIEL 20:18

Ndien ndɔhɔ nditɔ mmɔ ke wilderness, nte, Mbufo ekusaŋa ke mme ewuhɔ mme ete mbufo, ekunyuŋ enim mme item mmɔ, ekunyuŋ eda ubɔk mmɔ esabare idem mbufo:

EZEKIEL 20:21

Ndien nditɔ oro esɔŋ ibuot ye ami: mmɔ isaŋake ke mme ewuhɔ mi, inyuŋ inimke mme item mi, inyuŋ inamke mmɔ, emi owo ama anam mmɔ, owo eyedu uwem ke esit; mmɔ ebiat mme sabbath mi. Ndien ami ndɔhɔ nte, Nyeŋwaŋa mmɔ ifuresit mi ke idem, man mma iyaresit mi ke idem-mmɔ ke wilderness.

EZEKIEL 20:8

Ndien mmɔ esɔŋ ibuot ye ami, inyuŋ inyimeke ndikop uyo mi: baba owo kiet imenke ŋkpɔ ndek ke enyin esie iduɔk, inyuŋ ikpɔŋke ibɔk Egypt: ndien ndɔhɔ nte ke nyeŋwaŋa mmɔ ifuresit mi ke idem, man mma iyaresit mi ke idem mmɔ ke ufɔt isɔŋ Egypt.

LUKE 17:10

Kpa ntre ke mbufo ŋko, ke adaŋemi mbufo enamde kpukpru se ekedɔhɔde mbufo, edɔhɔ ete, Nnyin idi ifin eke minamke utom ibe adaŋa; inam kpa se nnyin ikpanamde.

JOHN 15:14

Mbufo edi mme ufan Mi edieke mbufo enamde ŋkpɔ eke ntemede mbufo.

ŊWED MBON GALATIA 3:10

Koro kpukpru mmɔ eke erinam utom ibet edu ke idak isuŋi: koro ewetde ete, Ɔdɔdiɔk ɔnɔ kpukpru owo emi miyireke ke kpukpru mme item eke ewetde ke ŋwed ibet, ite inim mmɔ.

JAMES 2:10

Koro owo ekededi eke edinimde ofuri ibet, edi eduede ke nde kiet kpɔt, amakabare edue isop ke ofuri ibet.

JOSHUA 21:43

Ntem Jehovah ɔnɔ Israel ofuri isɔŋ oro enye ɔkɔŋwɔŋɔde, ete iyenɔ mme ete mmɔ; eda enye enyene, enyuŋ eduŋ ke esit.

JOSHUA 23:16

Ke ini mbufo edibiatde ediomi Jehovah Abasi mbufo, emi enye okowukde mbufo, edinyuŋ ekade ekenam ŋkpɔ mme abasi efen, enyuŋ enuhɔ enɔ mmɔ; ndien Jehovah eyeyat esit ye mbufo, ndien eyewara esobo mbufo efep ke eti isɔŋ emi enye ɔkɔnɔde mbufo.