JEREMIAH 32:22 - Edisana ñwed Abasi Ibom

²² onyuŋ ɔnɔ mmɔ isɔŋ emi afo ɔkɔŋwɔŋɔde ɔnɔ mme ete mmɔ, ete iyenɔ mmɔ, isɔŋ eke ɔfiɔrɔde mmɔŋeba ye aran-ɔkwɔk:

JEREMIAH 32:22 ပူးပေါင်းရင်းမြစ်များ

GENESIS 13:15

ye nnasia; koro nyeda ofuri isɔŋ emi afo okutde, nnɔ fi ye ubon fo ke nsinsi.

GENESIS 24:7

Jehovah Abasi enyɔŋ, emi akadade mi ke ufɔk ete, ye ke idut emana mi efep, emi okonyuŋ ɔdɔhɔde mi onyuŋ ɔŋwɔŋɔde ɔnɔ mi, ete, Nyenɔ ubon fo idut emi; Enye eyedɔŋ angel esie ebem fi iso, ndien afo eyeda ŋwan ko ɔnɔ eyen mi.

GENESIS 50:24

Ndien Joseph ɔdɔhɔ nditɔ-ete esie, ete, Ami mmɔŋ ŋkpa: ndien Abasi eyedi ndise mbufo, eyenyuŋ osio mbufo ke isɔŋ emi, ɔdɔk aka ke isɔŋ emi Enye ɔkɔŋwɔŋɔde ɔnɔ Abraham, ye Isaac, ye Jacob.

NEHEMIAH 9:15

onyuŋ ɔnɔ mmɔ udia emi otode ke enyɔŋ ke ini ɔbiɔŋ mmɔ, onyuŋ osio mmɔŋ ke itiat ɔnɔ mmɔ ke ini nsat-itɔŋ mmɔ, onyuŋ ɔdɔhɔ mmɔ, ete eyeduk ekeda isɔŋ oro afo ɔkɔŋwɔŋɔde, ete iyenɔ mmɔ.

EXODUS 13:5

Ndien ama ekem ke ini Jehovah edidade mbufo oduk ke isɔŋ mme Canaanite, ye mme Hittite, ye mme Amorite, ye mme Hivite, ye mme Jebusite, emi enye ɔkɔŋwɔŋɔde ɔnɔ mme usɔ, ete iyenɔ mbufo, isɔŋ emi ɔfiɔrɔde mmɔŋ-eba ye aran-ɔkwɔk, ndien mbufo enam utom emi ke ɔfiɔŋ emi.

EXODUS 3:17

Mmonyuŋ ndɔhɔ nte, Nyesio mbufo ke ukut Egypt, nda ŋka isɔŋ mme Canaanite, ye mme Hittite, ye mme Amorite, ye mme Perizzite, ye mme Hivite, ye mme Jebusite, ke isɔŋ emi ɔfiɔrɔde mmɔŋ-eba ye aran-ɔkwɔk.

EXODUS 3:8

mmonyuŋ nsuhɔre ndisio mmɔ nditɔ Egypt ke ubɔk, ndinyuŋ nda mmɔ ŋwɔrɔ ke isɔŋ oro, ndɔk ŋka isɔŋ emi ɔfɔnde, onyuŋ aŋwaŋade, ke isɔŋ emi ɔfiɔrɔde mmɔŋ-eba ye aran-ɔkwɔk; ke ɔtɔ mme Canaanite, ye mme Hittite, ye mme Amorite, ye mme Perizzite, ye mme Hivite, ye mme Jebusite.

JEREMIAH 11:5

man nnim uŋwɔŋɔ oro ŋkɔŋwɔŋɔde nnɔ mme ete mbufo, nte ke ndinɔ mmɔ isɔŋ emi ɔfiɔrɔde mmɔŋ-eba ye aran-ɔkwɔk, kpa nte edide mfin emi. Ndien ami mbɔrɔ, nte, Amen, O Jehovah.

EZEKIEL 20:15

Ami ŋko nnyuŋ mmenere ubɔk mi nnɔ mmɔ ke wilderness, nte ke ndidaha mmɔ nduk ke isɔŋ emi ŋkɔnɔde mmɔ, emi ɔfiɔrɔde mmɔŋ-eba ye aran-ɔkwɔk; enye eyekan kpukpru mme idut;

EZEKIEL 20:6

Ke usen oro ke ŋkemenere ubɔk mi nnɔ mmɔ, nte, Nyesioŋo mmɔ ke isɔŋ Egypt, nda nduk ke isɔŋ emi ŋkeyepde nnɔ mmɔ, emi ɔfiɔrɔde mmɔŋ eba ye aran-ɔkwɔk; enye eyekan kpukpru mme idut.

NUMBERS 14:16

Oto ke oro Jehovah mikekemeke ndida mmɔ emi nduk ke isɔŋ emi enye ɔkɔŋwɔŋɔde ɔnɔ mmɔ, oro esin enye owot mmɔ ke wilderness.

NUMBERS 14:30

ke akpankɔ mbufo ididukke ke isɔŋ emi ŋkɔŋwɔŋɔde nte nyenam mbufo eduŋ ke esit, ke mibɔhɔke Caleb eyen Jephunneh, ye Joshua eyen Nun.

DEUTERONOMY 1:35

Baba owo kiet ke otu mbon emi, kpa idiɔk emana emi, idikwe eti isɔŋ emi ŋkɔŋwɔŋɔde nte nyenɔ mme ete mbufo,

DEUTERONOMY 1:8

Sese, mmonim isɔŋ oro ke iso mbufo: eduk ekeda isɔŋ emi Jehovah ɔkɔŋwɔŋɔde ɔnɔ mme ete mbufo, Abraham, ye Isaac, ye Jacob, ete eyenɔ mmɔ ye nditɔ mmɔ emi editienede mmɔ edem.

DEUTERONOMY 6:10

Ndien ama ekem ke Jehovah Abasi fo edidade fi oduk ke isɔŋ emi enye ɔkɔŋwɔŋɔde ɔnɔ mme usɔ, Abraham, ye Isaac, ye Jacob, ete iyenɔ fi ikpɔ ye nti obio, eke mikedige afo ɔbɔp,

DEUTERONOMY 6:18

Nyuŋ nam se inende inyuŋ ifɔnde ke iso Jehovah: man ɔfɔn ye afo, man afo onyuŋ oduk ekenyene eti isɔŋ emi Jehovah ɔkɔŋwɔŋɔde ɔnɔ mme usɔ.

DEUTERONOMY 6:23

ntem ke enye okosioŋo nnyin do, man ada nnyin oduk, onyuŋ ɔnɔ nnyin isɔŋ emi enye ɔkɔŋwɔŋɔde ɔnɔ mme ete nnyin.

DEUTERONOMY 7:13

ndien enye eyema fi, onyuŋ ɔdiɔŋ fi, onyuŋ anam fi ɔtɔt: onyuŋ ɔdiɔŋ mfri idibi fo, ye mfri isɔŋ fo, ye ibokpot fo, ye ɔbufa wine fo, ye aran fo, ye nditɔ enaŋ fo, ye nditɔ ŋkpri ufene fo, isɔŋ emi enye ɔkɔŋwɔŋɔde ɔnɔ mme usɔ, ete iyenɔ fi.

DEUTERONOMY 8:1

MBUFO etiŋ enyin enim kpukpru mme ewuhɔ emi ami ŋwukde fi mfin emi, man mbufo edu uwem, enyuŋ etɔt, enyuŋ eduk ekeda isɔŋ emi Jehovah ɔkɔŋwɔŋɔde ɔnɔ mme ete mbufo.

JOSHUA 1:6

Sɔŋ ubɔk, nyuŋ sɔŋ esit: koro afo eyeda isɔŋ emi ŋkɔŋwɔŋɔde nnɔ mme ete mbio emi nte ke ndinɔ mmɔ, edeme ɔnɔ mmɔ.

JOSHUA 21:43

Ntem Jehovah ɔnɔ Israel ofuri isɔŋ oro enye ɔkɔŋwɔŋɔde, ete iyenɔ mme ete mmɔ; eda enye enyene, enyuŋ eduŋ ke esit.