JEREMIAH 32:19 - Edisana ñwed Abasi Ibom

¹⁹ omokpon ke item, onyuŋ ɔsɔŋ ke utom, emi enyin fo etarade ese kpukpru usuŋ nditɔ owo, ndinɔ kpukpru owo nte ekemde ke usuŋ mmɔ ye utip utom mmɔ:

JEREMIAH 32:19 ပူးပေါင်းရင်းမြစ်များ

1 NDIDEM 8:32

ndien afo tie ke enyɔŋ kop, nyuŋ nam, nyuŋ kpe ikpe ikɔt fo, nyuŋ bat idiɔk owo ke idiɔk, nyuŋ da ido esie dori enye ke ibuot; nyuŋ bat edinen ke edinen, nyuŋ nɔ enye nte edinen ido esie ekemde.

2 CHRONICLES 16:9

Koro enyin Jehovah esaŋade ke ofuri ererimbot, ete isɔŋɔ imum mmɔ eke ofuri esit mmɔ odude ye enye ikama. Afo amanam ndisime ke ŋkpɔ emi; koro toto ke ini emi afo eyenyene ekɔŋ.

ŊWED JOB 34:11

Koro enye eyeda se owo anamde osio usiene ye owo, onyuŋ anam owo okut nte asaŋade ye ido owo.

ŊWED JOB 34:21

Koro enyin esie esede usuŋ owo, onyuŋ okutde kpukpru ikpat esie.

ŊWED MME PSALM 111:2

Ŋkpɔ emi Jehovah anamde emekpon, etim enyuŋɔ mmɔ ke ofuri ima esit mmɔ.

ŊWED MME PSALM 34:15

Enyin Jehovah ese mbon eti ido, utɔŋ esie onyuŋ ɔbiɔŋɔ ɔnɔ eseme mmɔ.

ŊWED MME PSALM 62:12

ete ke afo, Ɔbɔŋ, omonyuŋ enyene ima, koro ɔnɔde owo ekem ye se owo anamde.

ŊWED MME PSALM 92:6

Owo ndutun ifiɔkke; ndisime inyuŋ itimke ikut emi.

EXODUS 15:11

Anie, ke otu mme abasi ebiet fi O Jehovah? Anie ebiet fi, emi okponde ubɔŋ ke edisana ido, emi eteŋede ke itoro, anamde mme utibe ŋkpɔ?

MME ŊKE 5:21

Koro mme usuŋ owo enade iŋwaŋ ke iso Jehovah, enye onyuŋ odomo kpukpru ido owo.

MME ŊKE 8:14

Item ye ata ɔniɔŋ edi okim: ndi asian; mmenyene odudu.

ECCLESIASTES 12:14

Koro Abasi eyekot kpukpru ŋkpɔ emi enamde edi ikpe, ɔkɔrɔ ke kpukpru ndibe-ndibe ŋkpɔ, edide eti, eyuŋ edide mme idiɔk.

ISAIAH 28:29

Kpa emi ŋko oto Jehovah mme udim; enye aduak utibe ŋkpɔ, onyuŋ okpon ke ifiɔk.

ISAIAH 40:13

Anie owo odomo spirit Jehovah ese, onyuŋ edi andinɔ enye item nnyuŋ ŋkpep enye?

ISAIAH 59:18

Kpa nte ido mmɔ asaŋade, kpa ntre ke enye edinɔ, ɔnɔ mme usua esie iyat esit, ɔnɔ mmɔ eke etɔhɔde ye enye se mmɔ edotde; eyenɔ mme isuo se mmɔ edotde.

ISAIAH 9:6

Koro eyen amanade ɔnɔ nnyin, enɔ nnyin eyen-eren: ubɔŋ onyuŋ odoro enye ke afara; enyuŋ esio enye enyiŋ, Utibe, Ɔnɔ-item, Ɔkpɔsɔŋ Abasi, Nsinsi Ete, Ɔbɔŋ Emem.

JEREMIAH 16:17

Koro enyin mi esuk ese kpukpru usuŋ mmɔ: mmɔ idikemeke ndidibe iso mi, idiɔk ido mmɔ idinyuŋ ikemeke ndidibe enyin mi.

JEREMIAH 17:10

Ami Jehovah nduŋɔre esit, ndomo ŋkpɔ esit idem, man nnɔ kpukpru owo nte ekemde ke usuŋ mmɔ, ye nte ekemde ke mfri utom mmɔ.

JEREMIAH 21:14

Ndien nyenɔ mbufo ufen nte asaŋade ke mfri ido mbufo: nyenyuŋ mbara ikaŋ ke akai esie, ndien enye eyeta kpukpru se ikande enye ikuk: uyo Jehovah edi emi.

JEREMIAH 23:24

Jehovah ɔdɔhɔ ete, Nte owo ekeme ndidibe ke ndibe ebiet eke ami mmendikwe enye? Jehovah ɔdɔhɔ, ete, Nte ami nyɔhɔke ke ofuri enyɔŋ ye isɔŋ?

JEREMIAH 25:14

Koro ediwak mme idut ye ikpɔ ndidem eyenim kpa mmɔ ke ifin: ndien ami nyesio usiene ye mmɔ nte ekemde ye utom mmɔ ye se ubɔk mmɔ enamde.

DANIEL 2:45

koro afo okokutde ete ke esiak itiat ke akamba obot esio, edi idige ubɔk owo anam, ndien enye anuak ukwak, ye okpoho, ye mbat-eso, ye silver, ye gold, Akwa Abasi asian edidem se ididide ke ini iso: ndien ndap oro enyene iwuk, idinyuŋ itreke ndiwɔrɔ ntem.

DANIEL 4:35

ndien ebat kpukpru mme andiduŋ isɔŋ ke ikpikpu: enye onyuŋ anam kpa nte enye amade ke otu mme udim enyɔŋ ye ke otu mme andiduŋ isɔŋ: ndien baba owo kiet eke edituakde enye ubɔk, onyuŋ ɔdɔhɔde enye, ete, Afo amanam nso? iduhe.

ZECHARIAH 9:1

MBIOMO uyo Jehovah ke isɔŋ Hadrach, ndien Damascus eyedi ebiet nduɔk-odudu esie: koro owo ye kpukpru mme esien Israel eyetiŋ enyin ke Jehovah.

MATTHEW 16:27

Koro Eyen Owo ɔmɔŋ edidi ke ubɔŋ Ete Esie ye mme angel Esie, ndien ke ini oro Enye eyenɔ owo kiet kiet nte utom esie edide.

JOHN 5:29

mmɔ emi ekanamde se ifɔnde eyewɔŋɔ eduk ke eriset uwem, mmɔ emi ekanamde se idiɔkde eyenyuŋ ewɔŋɔ eduk ke eriset ikpe.

2 ŊWED CORINTH 5:10

Koro kpukpru nnyin inyene ndiwɔrɔ nyarare ke iso itie-ikpe Christ; man owo kiet kiet ɔbɔ utip eke ekemde ye se enye akanamde ke ikpɔhidem, ye ŋkpɔ oro edide eti, ye onyuŋ edide idiɔk.

ŊWED MBON EPHESUS 1:11

Ke Christ enyuŋ enam nnyin (mme Jew) idi udeme Abasi, sia Enye, emi adade ekikere esit Esie anam kpukpru ŋkpɔ ewɔrɔ, ekebemde iso aduak ndinim nnyin nnɔ emi;

MME HEBREW 4:13

Baba ŋkpɔ kiet eke odibede Enye ke enyin inyuŋ iduhe; edi kpukpru ŋkpɔ ena iferi ye ata iŋwaŋ-iŋwaŋ ke enyin Abasi, emi nnyin isaŋade ŋkpɔ ye Enye.

ERIYARARE 2:23

nyenyuŋ nda mkpa ŋwot nditɔ esie; ndien kpukpru mme ufɔk Abasi eyefiɔk ete ke Ami ndi Andiduŋɔre ekput ye esit; nyenyuŋ nnɔ kpukpru mbufo kiet kiet nte ekemde ye utom mbufo.

ERIYARARE 22:12

Sese, mmɔŋ ndedi idaha emi; nnyuŋ nsaŋa ye utip Mi, ndinɔ kpukpru owo nte ekemde ye ubɔk-utom esie.