JEREMIAH 32:18 - Edisana ñwed Abasi Ibom

¹⁸ emi anamde ima ye mme tɔsin owo, onyuŋ osiode usiene idiɔk ido mme ete esin ke ikpanesit nditɔ mmɔ eke etienede mmɔ edem; Akwa ye Ɔkpɔsɔŋ Abasi Jehovah mme udim edi enyiŋ esie:

JEREMIAH 32:18 ပူးပေါင်းရင်းမြစ်များ

GENESIS 49:24

enyuŋ esua enye: Edi utiga esie etie ke odudu, ubɔk esie onyuŋ ɔsɔbɔ, oto ke ubɔk Ɔkpɔsɔŋ Abasi Jacob, oto do, Ekpeme-erɔŋ,

2 NDIDEM 9:26

“Ŋkokut iyip Naboth ye iyip nditɔ esie, mkpɔŋ, edi uyo Jehovah: ndien nyesio usiene ye afo ke iŋwaŋ emi, edi uyo Jehovah”. Men enye, ndien, duɔk ke ŋwaŋ oro, ke uyo Jehovah.

NEHEMIAH 1:5

Ndien ndɔhɔ nte, Mbɔk, Jehovah Abasi enyɔŋ, akamba Abasi emi enyenede uteŋe, emi onimde ediomi ye ima ɔnɔ mmɔ emi emade enye, enyuŋ enimde mbet esie:

ŊWED MME PSALM 50:1

ABASI ibom, kpa Jehovah, ɔdɔhɔ, onyuŋ okot ererimbot ɔtɔŋɔde ke edem usiaha-utin tutu osim ke edem emi enye osopde.

ŊWED MME PSALM 89:9

Akpanikɔ fo onyuŋ akan fi okuk. Afo ke akan iseri inyaŋ: ke ini enye otopde odut, afo osuk mmɔ.

EXODUS 34:6

Ndien Jehovah ɔbiɔŋɔ enye ke iso, ataŋa ete, Jehovah, Jehovah, Abasi mbɔm, ye mfɔn, ye anyan ime,

EXODUS 34:7

awak ima ye akpanikɔ, onim ima ɔnɔ ediwak tɔsin, efen mme ukwaŋ-ŋkpɔ, ye ndudue, ye idiɔk ido, edi iyakke mbon-isop ebɔhɔ; ada usiene mme ukwaŋkpɔ mme ete, osio ye nditɔ, ye nditɔ nditɔ, tutu osim ɔyɔhɔ emana ita ye inaŋ.

ISAIAH 10:21

Ubak eke ɔsuhɔde, ubak Jacob eke ɔsuhɔde, eyefiak etiene Ata Ɔkpɔsɔŋ Abasi.

ISAIAH 57:15

Koro emi edi uyo Enye emi okoŋde, onyuŋ emenerede ke enyɔŋ, emi oduŋde ke nsinsi, enyiŋ esie onyuŋ edi edisana, ete, Ami nyeduŋ ke edikoŋ ye edisana ebiet, nyenyuŋ nduŋ ye enye emi otukde onyuŋ ɔsuhɔrede spirit esiemɔ, nte ndemere spirit mmɔ eke esuhɔrede idem mmɔ enim, nnyuŋ ndemere esit mmɔ eke etukde idem mmɔ.

ISAIAH 9:6

Koro eyen amanade ɔnɔ nnyin, enɔ nnyin eyen-eren: ubɔŋ onyuŋ odoro enye ke afara; enyuŋ esio enye enyiŋ, Utibe, Ɔnɔ-item, Ɔkpɔsɔŋ Abasi, Nsinsi Ete, Ɔbɔŋ Emem.

JEREMIAH 10:16

koro enye edide andibot kpukpru ŋkpɔ; Israel onyuŋ edi eto udeme esie: Jehovah mme udim edi enyiŋ esie.

JEREMIAH 10:6

Baba ŋkpɔ kiet ibietke fi, O Jehovah; afo omokpon, enyiŋ fo omonyuŋ okpon ke odudu.

JEREMIAH 20:11

Ndien Jehovah odu ye ami nte owo uko eke enyenede ndik: mmɔdo mmɔ eke ekɔbɔde mi eyeduɔŋɔ, idinyuŋ ikanke: but eyenam mmɔ eti-eti, koro mmɔ mikekwe unen: ke edi nsinsi o-but, owo idifreke enye.

JEREMIAH 31:35

Ntem ke Jehovah emi onimde utin ke uŋwana ke uwemeyo, ye ewukde ɔfiɔŋ ye ntantafiɔŋ ke uŋwana ke okoneyo, emi osukde odut inyaŋ, ke ini enye adahade, Jehovah mme udim edi enyiŋ esie, ɔdɔhɔ ete,

JEREMIAH 33:2

Ntem ke Jehovah emi akanamde enye, Jehovah emi okobotde enye man ɔsɔŋɔ owuk enye, Jehovah edi enyiŋ esie, ɔdɔhɔ, ete,

JEREMIAH 50:34

Andifak mmɔ edi ɔkpɔsɔŋ, Jehovah mme udim edi enyiŋ esie: enye iditreke ndikpe ikpe mmɔ, man anam isɔŋ etie suŋ, onyuŋ anam mme andiduŋ Babylon enyek idem.

DANIEL 2:45

koro afo okokutde ete ke esiak itiat ke akamba obot esio, edi idige ubɔk owo anam, ndien enye anuak ukwak, ye okpoho, ye mbat-eso, ye silver, ye gold, Akwa Abasi asian edidem se ididide ke ini iso: ndien ndap oro enyene iwuk, idinyuŋ itreke ndiwɔrɔ ntem.

HABAKKUK 1:12

Nte afo udige Jehovah edisana Abasi mi toto ko? Nnyin idikpaha. O Jehovah, afo onim mmɔ ɔnɔ ikpe; O akwa itiat, afo owuk mmɔ onim ɔnɔ nduari.

NUMBERS 14:18

kpa nte afo ɔkɔdɔhɔde ete, Jehovah isɔpke iyaresit, edi awak ima, ke efen mme ukwaŋ-ŋkpɔ ye ndudue, edi idiyakke mbon isop ebɔhɔ; ada usiene ukwaŋ-ŋkpɔ mme ete osio ye nditɔ, tutu osim ɔyɔhɔ emana ita ye inaŋ.

MATTHEW 27:25

Ndien mbiobio kpukpru ebɔrɔ enye ete, Iyip Esie akpakam ɔkɔbɔ nnyin ye nditɔ nnyin.

LUKE 6:38

Enɔ, ndien eyenɔ mbufo; eyedomo ɔyɔhɔ udomo eke emiŋde ɔsuhɔre, eke enyeŋede, onyuŋ ɔyɔhɔde ɔduɔhɔ, esin mbufo ke ɔfɔŋ. Koro udomo eke mbufo edade edomo enɔ owo, ke edida edomo enɔ mbufo.

DEUTERONOMY 10:17

Koro Jehovah mbufo edide Abasi mme abasi, ye ɔbɔŋ mme mbɔŋ, Abasi emi edide ata akwa, ye ɔkpɔsɔŋ, ye akpakop, emi miteŋeke owo baba kiet enyin, minyuŋ ibɔhɔ enɔ:

DEUTERONOMY 7:21

Kudikhe ke iso mmɔ: koro Jehovah Abasi fo odude ke otu fo, akwa Abasi ye Abasi uteŋe.