JEREMIAH 31:9 - Edisana ñwed Abasi Ibom

⁹ Mmɔ eyetua eyet edi: nyenyuŋ nda mmɔ usuŋ ke mkpe-ubɔk: nyeda mmɔ ŋka idim mmɔŋ, nsaŋa ke edinen usuŋ, mmɔ ididuɔŋɔke ke esit: koro ami ndide ete Israel, Ephraim onyuŋ edi akpan mi.

JEREMIAH 31:9 ပူးပေါင်းရင်းမြစ်များ

1 CHRONICLES 29:10

Ndien David ɔkɔm Jehovah ke iso ofuri esop; David onyuŋ ɔdɔhɔ, ete, Ekɔm fi, Jehovah Abasi Israel ete nnyin, ke nsinsi-nsinsi.

ŊWED MME PSALM 107:7

Ndien enye ada mmɔ asaŋa ke edinen usuŋ, man eka obio iduŋ.

ŊWED MME PSALM 23:2

Enye eyenam mi nsuhɔre nna ke awawa mbiet: eyeda mi aka ke mmɔŋ nduɔk-odudu.

ŊWED MME PSALM 89:27

Ndien ŋko nyenim enye ke akpan, okoŋ akan ndidem isɔŋ.

EXODUS 4:22

Ndien afo edidɔhɔ Pharaoh, ete, Ntem ke Jehovah ɔdɔhɔ, ete, Israel edi eyen mi, ye akpan mi:

ISAIAH 42:16

Ndien nyenam mme nnan esaŋa ke usuŋ eke mmɔ mifiɔkke; nnyuŋ nnam mmɔ edigi ke ɔkpɔ-usuŋ eke mmɔ mifiɔkke: nnyuŋ nnim ekim ke uŋwana, ye mme ŋkwaŋa ŋkpɔ ke se inende. Mmɔ emi edi ŋkpɔ eke ndinamde nnɔ mmɔ nnyuŋ ŋkpɔŋke mmɔ.

ISAIAH 43:20

Unam ikɔt eyetoro mi, mme jackal ye mme ostrich: koro mmɔnɔ mmɔŋ ke wilderness, ye akpa mmɔŋ ke desert, nte ndinɔ; ndimek ikɔt mi se eŋwɔŋde.

ISAIAH 45:11

Emi edi uyo Jehovah Edisana Abasi Israel, ye andibot enye; mbufo ebup mi ŋkpɔ edidide: ama edi nditɔ mi, ye utom ubɔk mi, mbufo eyak mi ŋkere mmɔ.

ISAIAH 57:14

ndien owo eyedɔhɔ ete, Mbufo eda ekubi, eda ekubi, ediɔŋ usuŋ, emen ŋkpɔ utuaha-nduɔ ke usuŋ ikɔt mi efep.

ISAIAH 63:13

emi akadade mmɔ usuŋ ke udem, ebiet horse ke wilderness, mmɔ ididuɔhɔ?

ISAIAH 63:16

Koro afo edide ete nnyin; koro Abraham mifiɔkke nnyin, Israel midinyuŋ idiɔŋɔke nnyin. Afo, O Jehovah, edi ete nnyin; andifak nnyin edi enyiŋ fo ke nsinsi.

ISAIAH 64:8

Ke emi, ndien, O Jehovah, afo edi ete nnyin; nnyin idi mbat-eso, ndien edi afo andibot nnyin; nnyin kpukpru inyuŋ idi se ubɔk fo akanamde.

JEREMIAH 3:19

Edi ami ndɔhɔ nte, Ndinam didie nsin fi ke otu nditɔ mi, nnyuŋ nnɔ fi isɔŋ inemesit, kpa ata ediye udeme udim mme idut? Ndien ndɔhɔ nte, Kot mi, ete, Ete mi: kunyuŋ ufiak edem ukpɔŋ mi.

JEREMIAH 3:4

Nte afo udutɔŋɔke ke emi ukot mi, ete, Ete mi, afo edi ufan uyen mi?

JEREMIAH 31:20

Nte Ephraim edi edima eyen mi? Nte enye edi eyenɔwɔŋ eke enemde owo esit? Koro adaŋa ini nte ndɔhɔde mbaŋa enye, ntreke nditi enye kaŋa: oro esin nsia oyomo mi abaŋa enye; nditreke nditua enye mbɔm: Jehovah ɔdɔhɔ.

JEREMIAH 50:4

Jehovah ɔdɔhɔ, ete, Ke mme usen oro ye ke ini oro, nditɔ Israel eyedi, mmɔ ye nditɔ Judah ɔtɔ kiet, eyesaŋa edi etua eyet, eyenyuŋ eyom Jehovah Abasi mmɔ.

HOSEA 12:4

Enye aŋwana ye idem angel, onyuŋ ekeme ubɔk ye enye: atua eyet, onyuŋ ekpe enye ubɔk: enye okut enye ke Bethel; do ŋko ke enye ɔdɔhɔ ye nnyin:

HOSEA 3:5

Ndien ke ini edibede, nditɔ Israel eyetɔŋɔ ntak eyom Jehovah Abasi mmɔ, ye David edidem mmɔ; enyuŋ ebak Jehovah ye mfɔn esie ke akpatre usen.

ZECHARIAH 12:10

Ndien nyeda spirit mfɔn ye eke mkpe-ubɔk ŋŋwaŋa ufɔk David ye mme andidiuŋ Jerusalem ke idem; ndien mmɔ eyese mi emi mmɔ ekekimde, eyenyuŋ eseme enye, kpa nte owo esemede ikpɔŋ eyen, enyuŋ etua enye, kpa nte

MALACHI 2:10

Nte nnyin kpukpru inyeneke ete kiet? nte idige Abasi kiet okobot nnyin? Nsinam nnyin ibiaŋade kiet eken, ke ibiat ediomi mme ete nnyin?

NUMBERS 2:18

Ɔfɔŋ etak ubom nna Ephraim edidu ke edem usop-utin, nte mme udim mmɔ esaŋade: ndien Elishama eyen Ammihud edidi etubom nditɔ Ephraim.

MATTHEW 3:3

Emi edi owo emi prophet Isaiah eketiŋde abaŋa enye, ete, Uyo andifiori ke desert, ete, Mbufo ediɔŋ usuŋ Jehovah, eneŋere ɔkpɔusuŋ Esie.

MATTHEW 5:4

Ɔfɔfɔn ɔnɔ mmɔ eke etuaŋade: koro eyedɔŋ mmɔ esit.

MATTHEW 6:9

Ebɔŋ akam ntem ndien, ete, Ete nnyin emi odude ke heaven: Yak ikpono enyin Fo,

LUKE 6:21

Ɔfɔfɔn ɔnɔ mbufo emi etiede biɔŋ ke emi, koro mbufo eyeyuhɔ. Ɔfɔfɔn ɔnɔ mbufo emi etuade eyet ke emi, koro mbufo eyesak imam.

ŊWED MBON ROME 8:26

Kpa ntre ŋko ke Spirit onyuŋ anyaŋa mmemidem nnyin: koro nnyin mifiɔkke ndibɔŋ akam nte nnyin ikpɔbɔŋde: edi Spirit ke Idem Esie anam mkpe-ubɔk ɔnɔ nnyin ye mmum eke owo mikemeke nditiŋ.

2 ŊWED CORINTH 6:18

Nnyuŋ ndi Ete mbufo. Ndien mbufo eyedi nditɔ iren Mi ye nditɔ Mi iban. Ntem ke Jehovah Ata Ɔkpɔsɔŋ ɔdɔhɔ.

DEUTERONOMY 14:1

MBUFO edi nditɔ Jehovah Abasi mbufo: ekukpeŋe idem mbufo, ekunyuŋ enam ibɔ ke ufɔt enyin mbufo, ebaŋa akpa-mkpa,

DEUTERONOMY 32:6

Nte mbufo esio usiene ntem enɔ Jehovah, mbon ndisime ye unana ibuot? Nte idige enye edi usɔ emi akafakde fi? Edi enye akanam fi, onyuŋ ɔdiɔŋ fi onim.

MME HEBREW 12:13

enyuŋ esiak afaŋ eke enende enɔ ikpat mbufo, man ukot eke edide mbuŋɔ ekufebede, edi ekam enam mmɔ ekop nsɔŋidem.

MME HEBREW 12:23

emi ewetde enyiŋ mmɔ ke heaven; enyuŋ esaŋa ekpere Abasi, Ebierikpe ofuri ekondo, ye mme spirit ndinen owo emi enamde mmɔ efɔn ema,

MME HEBREW 5:7

Ke mme usen emi Enye odude ke obukidem Enye ɔkɔbɔŋ akam onyuŋ anam mkpe-ubɔk ye ɔkpɔsɔŋ eseme ye mmɔŋ-eyet ɔnɔ Abasi emi ekemede ndinyaŋa Enye nsio ke mkpa, Abasi onyuŋ eyere Enye, koro Enye eteŋede Abasi;

ERIYARARE 7:17

eyo mme ufiop ekededi idinyuŋ imiaŋa mmɔ: koro Eyen-erɔŋ emi etiede ke ufɔt ebekpo eyedi Andikpeme mmɔ, eyenyuŋ ada mmɔ aka ke idim mmɔŋ uwem: ndien Abasi eyekwɔhɔre kpukpru mmɔŋ eyet ke enyin mmɔ efep.