JEREMIAH 31:7 - Edisana ñwed Abasi Ibom

⁷ Koro ntem ke Jehovah ɔdɔhɔ, ete, Mbufo ekwɔ ke idaresit enɔ Jacob, enyuŋ efiori ɔkpɔsɔŋ ke otu akpan mme idut: mbufo ekwɔrɔ, etoro, enyuŋ edɔhɔ, ete, O Jehovah, nyaŋa ikɔt fo, nditɔ Isreal emi esuhɔde.

JEREMIAH 31:7 ပူးပေါင်းရင်းမြစ်များ

ŊWED MME PSALM 106:47

O Jehovah Abasi nnyin, nyaŋa nnyin, nyuŋ taŋ nnyin ke mme idut di bon, man nnyin ikɔm edisana enyiŋ fo, inyuŋ ibure mbure ke itoro fo.

ŊWED MME PSALM 126:2

Ke ini oro imam ɔyɔhɔ nyin ke inua, ikwɔ onyuŋ ɔyɔhɔ nnyin ke edeme: ndien mmɔ edɔhɔ ke otu mme idut, ete, Jehovah amanam ikpɔ ŋkpɔ ye mme mmɔ emi.

ŊWED MME PSALM 14:7

Erinyaŋa Israel akpakam oto ke Zion! Ke adaŋemi Jehovah afiakde etiene ikɔt esie emi eketaŋde efep, Jacob eyebre, Israel eyedara.

ŊWED MME PSALM 28:9

Nyaŋa ikɔt fo, nyuŋ diɔŋ mbon udeme fo: bɔk mmɔ ŋko, nyuŋ menere mmɔ ke enyɔŋ ke nsinsi.

ŊWED MME PSALM 67:1

O YAK Abasi atua nnyin mbɔm, onyuŋ ɔdiɔŋ nnyin; onyuŋ anam iso esie ayama ɔnɔ nnyin. [Selah.]

ŊWED MME PSALM 69:35

Koro Abasi edinyaŋade Zion, edinyuŋ ɔbɔpde mme obio Judah, ndien mmɔ eyeduŋ do enyuŋ eda mmɔ enyene.

ISAIAH 1:9

Ke mikpedige Jehovah mme udim ɔsuhɔ ata ekpri nsuhɔ ɔnɔ nnyin, nnyin ikpekabare itie nte Sodom, ibiet Gomorrah.

ISAIAH 11:11

Ndien ama ekem ke usen oro, Ɔbɔŋ eyetɔŋɔ ntak esin ubɔk afak nsuhɔ ikɔt esie, emi Asshur, ye Egypt, ye Pathros, ye Cush, ye Elam, ye Shinar, ye Hamath, ye mme isuo inyaŋ esuhɔde.

ISAIAH 37:31

Ndien ubak ufɔk Judah emi ɔbɔhɔde onyuŋ ɔsuhɔde eyetɔŋɔ ntak omum oruŋ esie ke isɔŋ, onyuŋ oŋwum idem ke enyɔŋ:

ISAIAH 37:4

Mme Jehovah Abasi fo eyekop ikɔ Rabshakeh emi ete esie edidem Assyria ɔkɔdɔŋde ndisuene Abasi uwem; onyuŋ asua ɔnɔ ikɔ emi Jehovah Abasi fo okopde: menere ndien mkpeubɔk baŋa nsuhɔ emi edude mi.

ISAIAH 44:23

O enyɔŋ, mbufo ekwɔ: koro Jehovah amanam: isɔŋ ke idak, sio mkpo: ikpɔ obot, mbufo ebumere ekwɔ; mbufo, akai ye kpukpru eto emi edude ke esit: koro Jehovah afakde Jacob, eyenyuŋ ada ubɔŋ ke Israel.

ISAIAH 52:8

uyo mbon ukpeme fo! mmɔ emenere uyo, efiori uyo kiet: koro mmɔ eyekut enyin ke enyin, ke ini Jehovah afiakde ke Zion.

ISAIAH 61:9

Ndien eyediɔŋɔ nditɔ mmɔ ke otu mme idut, eyediɔŋɔ ubon mmɔ ke otu mme obio; kpukpru mmɔ eke edikutde mmɔ eyediɔŋɔ mmɔ, ete ke mmɔ edi nditɔ eke Jehovah ɔdiɔŋde.

JEREMIAH 20:13

Mbufo ekwɔ enɔ Jehovah, mbufo etoro Jehovah: koro enye anyaŋade ukpɔŋ eyen-ubuene osio mme idiɔk owo ke ubɔk.

JEREMIAH 23:3

Ndien ami nyetaŋ ufene mi emi esuhɔde ke kpukpru mme idut eke mbinde mmɔ nsin do, mbon, nyenyuŋ nda mmɔ mfiak ke ebiet nna mmɔ; ndien mmɔ eyetɔt enyuŋ ewak.

JEREMIAH 3:23

Ke akpanikɔ ŋkpri obot ye akwa otu ikpɔ obot edi ŋkpɔ nsu: ke akpanikɔ erinyaŋa Israel odu ke Jehovah Abasi nnyin.

JEREMIAH 31:12

Ndien mmɔ eyedi edikwɔ ke obot Zion, enyuŋ ebuŋɔ edi ke mfɔn Jehovah: ebaŋa ibokpot ye obufa wine, ye aran, ye nditɔ ŋkpri ufene, ye nditɔ enaŋ: ndien ukpɔŋ mmɔ eyebiet iŋwaŋ eke ɔŋwɔŋde mmɔŋ; ndien mmɔ idiyemekede aba.

ŊWED ESEME 1:1

OBIO emi akawakde owo anam didie etie ikpɔŋ! Enye emi okokponde ke otu mme idut akabare edi ebe-akpa! Ɔbɔŋ-aŋwan ke otu mme esien akabare otomo utomo!

EZEKIEL 6:8

Ndien nyesuhɔ ndusuk; koro ndusuk eke ebɔhɔde ofut eyenyene mbufo ke otu mme idut, ke ini mbufo esuanade ke otu mme obio.

HOSEA 1:7

Edi nyetua ufɔk Judah mbɔm, nyenyuŋ nda Jehovah Abasi mmɔ nnyaŋa mmɔ, edi ndidaha utiga, ye ofut, ye ekɔŋ, ye horse, ye mbon horse nnyaŋa mmɔ.

JOEL 2:32

Ndien ama ekem, kpukpru owo eke esemede ekot enyiŋ Jehovah eyebɔhɔ: ndien mmɔ eke ebɔhɔde eyedu ke obot Zion ye ke Jerusalem, kpa nte Jehovah ɔkɔdɔhɔde, ye ke otu mmɔ eke esukde emi Jehovah okotde.

AMOS 5:15

Mbufo esua idiɔk, enyuŋ ema eti, enyuŋ ewuk edinen ikpe ke inua-otop: mme Jehovah Abasi mme udim eyetua nsuhɔ Joseph mbɔm.

MICAH 2:12

O Jacob, nditreke nditaŋ mbufo kpukpru mbon: nyenam Israel emi esukde esop idem: nyenim mmɔ ɔtɔ kiet nte ŋkpri ufene Bozrah, kpa nte otu ufene ke otu mbiet mmɔ, mmɔ eyenam uyom ebaŋa owo.

MICAH 7:18

Anie Abasi ebiet fi, ke efen mme ukwaŋ-ŋkpɔ, ke adahado ke idiɔk ido owo udeme esie emi esuhɔde? Ikɔhɔkede iyaresit esie ke nsinsi: koro enye adatde esit ndifɔn ido.

ZEPHANIAH 2:9

Jehovah mme udim Abasi Israel ɔdɔhɔ, ete, Ma uwem mi, mmɔdo Moab miditreke ndi-biet Sodom: nditɔ Ammon idinyuŋ itreke ndibiet Gomorrah: ebiet eke nettle ɔkɔride, ye obube inuŋ, ye nsinsi ndon: ikɔt mi eke edisuhɔde eyebume mmɔ, nditɔ idut mi eke esuhɔde eyeda mmɔ enyene.

ŊWED MBON ROME 11:5

Ntre ŋko ke nsuhɔ odu ke emi emekde mmɔ oto ke mfɔn.

ŊWED MBON ROME 9:27

Edi Isaiah ofiori abaŋa Israel ete, Ibat nditɔ Israel akpawakde nte ntan mben inyaŋ, edi nsuhɔ ke edinyaŋa:

DEUTERONOMY 28:13

Ndien Jehovah eyenim fi ke ibuot, idinimke ke isim; afo eyenyuŋ odoro ke enyɔŋ-enyɔŋ, ududuhe ke idak; edieke afo edikopde mbet Jehovah Abasi fo emi ŋwukde fi mfin emi, nte ekpeme onyuŋ anam mmɔ:

DEUTERONOMY 32:43

Mbufo mme idut, etiene ikɔt esie esioŋo mkpo idara: koro enye omosio usiene iyip ifin esie, omonyuŋ osio usiene ye mme asua esie, onyuŋ osio isop isɔŋ esie, kpa eke ikɔt esie.