JEREMIAH 31:34 - Edisana ñwed Abasi Ibom

³⁴ Ndien kiet idikpepke aba mbɔhiduŋ esie, ye kiet eyen-ete esie, ite, Mbufo efiɔk Jehovah: koro kpukpru mmɔ, ŋkpri ye ikpɔ, eyefiɔk mi, Jehovah ɔdɔhɔ: koro nyefen mme idiɔk ido mmɔ, ndinyuŋ ntihi aba mme oburobut ido mmɔ.

JEREMIAH 31:34 ပူးပေါင်းရင်းမြစ်များ

1 CHRONICLES 28:9

Ndien afo Solomon eyen mi, fiɔk Abasi usɔ, nyuŋ nam ŋkpɔ esie ke ofuri esit, ye ke ima ukpɔŋ: koro Jehovah ɔduŋɔde kpukpru esit owo, onyuŋ otim ɔfiɔk kpukpru se ekikere obotde: afo ama oyom enye, eyekut enye; edi ama ɔkpɔŋ enye, enye eyemen fi ɔduɔk tutu amama.

ŊWED MME PSALM 25:7

Kuti mme idiɔk ido uyen mi, ye mme ukwaŋ-ŋkpɔ mi: afo, O Jehovah, ti mi, nte ima fo asaŋade, baŋa mfɔn fo.

ISAIAH 11:9

Mmɔ idinamke idiɔk, idinyuŋ ibiatke ŋkpɔ ke ofuri edisana obot mi: koro ifiɔk Jehovah eyeyɔhɔ ke ererimbot, kpa nte mmɔŋ ofukde inyaŋ.

ISAIAH 29:24

Ndien mmɔ eke ekeduede ke spirit eyewɔrɔ ɔniɔŋ, mme osuk-uyo eyenyuŋ ekpep item.

ISAIAH 30:26

Ndien uŋwana ɔfiɔŋ eyebiet uŋwana utin, uŋwana utin eyenyuŋ aka iso utim ikatiaba, ebiet uwemeyo itiaba, ke usen eke Jehovah edibɔpde unan ikɔt esiemɔ, edinyuŋ ɔkɔkde ufen eke emiade mmɔ.

ISAIAH 33:24

Ndien andiduŋ ididɔhɔke ite, ndɔdɔŋɔ: efen mme idiɔk ido mmɔ eke eduŋde ke esit.

ISAIAH 33:6

Ndien Enye eyedi ifure eyo fo, odudu erinyaŋa, ye ɔniɔŋ, ye ifiɔk: uteŋe Jehovah eyedi inyene esie.

ISAIAH 38:17

Sese, ata idot amakabare edi emem ye ami: ndien afo amama ukpɔŋ mi osio ke obube nditaha; koro afo ɔmɔduɔk kpukpru mme idiɔk ido mi ke edem fo.

ISAIAH 43:25

Ami, ami ndi andisɔhi mme idiɔk ido fo mfep mbaŋa idem mi, ndinyuŋ ntihi mme ukwaŋ-ŋkpɔ fo.

ISAIAH 44:22

Mma nsɔhi mme ukwaŋ-ŋkpɔ fo nte idiɔk enyɔŋ mfep, nsɔhi mme idiɔk ido fo nte obubit enyɔŋ: fiak tiene mi: koro mfakde fi.

ISAIAH 52:6

Mmɔdo ikɔt mi eyefiɔk enyiŋ mi: mmɔdo ke usen oro mmɔ eyefiɔk, ete ke ami ndi enye emi ɔdɔhɔde, ete, Se mi.

ISAIAH 54:13

Jehovah eyenyuŋ eteme kpukpru nditɔ fo; ndien emem nditɔ fo okpon.

JEREMIAH 24:7

Ndien nyenɔ mmɔ esit eke ɔfiɔkde mi, ete ke ami ndi Jehovah: ndien mmɔ eyedi ikɔt mi, ami nyenyuŋ ndi Abasi mmɔ: koro mmɔ eyefiak etiene mi ke ofuri esit mmɔ.

JEREMIAH 32:40

Nyenyuŋ nnim nsinsi ediomi ye mmɔ, nte ndikabakede ŋkpɔŋ mmɔ, ntre ndifɔn ye mmɔ; nyenyuŋ nda uteŋe mi nsin mmɔ ke esit, man ekukabare ekpɔŋ mi.

JEREMIAH 33:8

Ndien nyesio mmɔ kpukpru mme idiɔk ido mmɔ eke mmɔ ekenamde ye ami ke idem mfep nnam mmɔ esana; nnyuŋ mfen kpukpru mme ukwaŋ-ŋkpɔ mmɔ emi mmɔ ekenamde ye ami, ye emi mmɔ ekeduede ye ami.

JEREMIAH 50:20

Jehovah ɔdɔhɔ, ete, Ke mme usen oro, ye ke ini oro, eyeyom idiɔk ido Israel, edi ididuhe; eyenyuŋ eyom mme ukwaŋ-ŋkpɔ Judah, edi idikwe: koro nyedahado nnɔ mmɔ eke ndisuhɔde.

JEREMIAH 9:23

Ntem ke Jehovah ɔdɔhɔ, ete, Owo eti ibuot okubure mbure ke eti ibuot esie, owo uko okunyuŋ obure mbure ke uko esie, owo inyene okunyuŋ obure mbure ke inyene esie:

HOSEA 2:20

Nyenyuŋ mbem fi nnim nnɔ idem mi ke akpanikɔ: ndien afo eyefiɔk Jehovah.

MICAH 7:18

Anie Abasi ebiet fi, ke efen mme ukwaŋ-ŋkpɔ, ke adahado ke idiɔk ido owo udeme esie emi esuhɔde? Ikɔhɔkede iyaresit esie ke nsinsi: koro enye adatde esit ndifɔn ido.

MICAH 7:19

Enye eyetɔŋɔ ntak atua nnyin mbɔm, eyedigi mme idiɔk ido nnyin; afo eyemen kpukpru mme ukwaŋ-ŋkpo mmɔ ɔduɔk ke udem inyaŋ.

HABAKKUK 2:14

esin mme obio ekpa mba ke ikpikpu? Koro ifiɔk ubɔŋ Jehovah eyeyɔhɔ ke ererimbot, kpa nte mmɔŋ ofukde inyaŋ.

MATTHEW 11:27

Ete Mi amayak kpukpru ŋkpɔ ɔnɔ Mi: ndien baba owo kiet ifiɔkke Eyen ke mibɔhɔke Ete; baba owo kiet inyuŋ ifiɔkke Ete ke mibɔhɔke Eyen, ye owo ekededi eke Eyen amade ndiyarare Enye nnɔ.

LUKE 1:77

Ndinɔ ikɔt Esie ifiɔk erinyaŋa Ke erifen mme idiɔk-ŋkpɔ mmɔ

JOHN 17:3

Ndien nsinsi uwem oro edi ndifiɔk Fi, ata Abasi kierakiet, ye Enye emi Afo ɔkɔdɔŋde, kpa Jesus Christ.

JOHN 17:6

Mma nyarare enyiŋ Fo nnɔ mme owo emi okosiode ke ererimbot ɔnɔ Mi; mmɔ ekedi Okuo, Afo okonyuŋ ayak mmɔ ɔnɔ Mi,

JOHN 6:45

Ema ewet ke mme prophet ete, Abasi eyekpep mmɔ kpukpru ŋkpɔ; kpukpru owo eke ekopde uyo Ete enyuŋ ebɔde ukpep-ŋkpɔ etiene Mi.

UTOM MME APOSTLE 10:43

Kpukpru mme prophet eketiŋ ikɔ nte ntiense ebaŋa Enye, ete, owo ekededi eke ɔbuɔtde idem ye Enye eyebɔ erifen mme idiɔk-ŋkpɔ ke enyiŋ Esie.

2 ŊWED CORINTH 2:10

Owo emi mbufo efende enye ŋkpɔ ke ami mfen ŋko; koro se ededi eke ami ŋkefende enye, edieke ŋkefende enye ŋkpɔ, ŋkefen enye ke iso Christ ke ntak mbufo;

2 ŊWED CORINTH 4:6

Sia edide Abasi, emi ɔkɔnɔde uyo ete, Yak uŋwana ayama ke ekim, akayama nnyin ke esit, man Enye aŋwaŋare owo enyin ndifiɔk ubɔŋ Abasi ke iso Jesus Christ.

ŊWED MBON EPHESUS 1:7

Nnyin inyuŋ inyene ubɔhɔ-ufin nnyin ke Enye oto ke iyip Esie, kpa erifen mme idiɔk-ŋkpɔ nnyin, adaŋa nte mfɔn Esie awakde.

1 ŊWED THESSALONICA 4:9

Inaŋa nte ŋwet ŋkpɔ nnɔ mbufo mbaŋa ima nditɔ-ete: koro Abasi ke Idem Esie ke ekpep mbufo ndima kiet eken;

MME HEBREW 5:12

Koro ke ini mbufo ekpedide mme anditeme owo efen adaŋemi, mbufo etɔŋɔ ntak eyom owo ekpep mbufo akpa eritɔŋɔ ukpep-ŋkpɔ Abasi; ema enyuŋ ekabare edi mmɔ emi mmɔŋeba ɔfɔnde ye mmɔ, midige ata udia.

MME HEBREW 8:11

Mbɔhiduŋ iditemeke mbɔhiduŋ, Owo idinyuŋ itemeke eyen-ete esie ete, Fiɔk Jehovah: Koro kpukpru owo eyediɔŋɔ Mi Ɔtɔŋɔde ke ata ekpri, tutu osim ata ikpɔ.

MME HEBREW 8:12

Koro nyefen mme ukwa ŋkpɔ mmɔ, Ndinyuŋ ntihi aba mme idiɔk-ŋkpɔ mmɔ.

1 JOHN 2:20

Edi Enye emi edide Edisana ama aŋwaŋa Spirit mbufo ke idem, kpukpru mbufo emenyuŋ efiɔk akpanikɔ.

1 JOHN 2:27

Ama edi mbufo, Spirit emi Christ ama aŋwaŋa mbufo ke idem mmɔdo ke esit mbufo oduŋ, inyuŋ inaŋa nte owo ekpep mbufo ŋkpɔ; edi nte Spirit emi Enye aŋwaŋade mbufo ke idem ekpepde mbufo abaŋa kpukpru ŋkpɔ, onyuŋ edide akpanikɔ, midige nsu, ndien nte Enye ekekpepde mbufo, mbufo esuk eduŋ ke Enye.

1 JOHN 5:20

Nnyin imonyuŋ ifiɔk ite Eyen Abasi ama edi, ama onyuŋ ɔnɔ nnyin ikike, ete ifiɔk Enye emi edide ata Abasi: nnyin inyuŋ idu ke ata Abasi, kpa ke Eyen Esie Jesus Christ. Enye emi edi ata Abasi, onyuŋ edi nsinsi uwem.

1 SAMUEL 2:12

Ndien nditɔ Eli edi oburobut owo; mmɔ ifiɔkke Jehovah.