JEREMIAH 31:32 - Edisana ñwed Abasi Ibom

³² idibietke ediomi oro ŋkodiomide ye mme ete mmɔ, ke usen oro ŋkomumde mmɔ ubɔk, nnyuŋ nsioŋo mmɔ ke isɔŋ Egypt; kpa ediomi mi oro mmɔ ekebiatde, ndien ami ŋkenyene mmɔ: Jehovah ɔdɔhɔ:

JEREMIAH 31:32 ပူးပေါင်းရင်းမြစ်များ

1 NDIDEM 8:9

Baba ŋkpɔ kiet iduhe ke ekebe, ke mibɔhɔke itiat ŋwed iba ikpɔŋ, emi Moses ekesinde ke esit ke Horeb, ke adaŋoro Jehovah akanamde ediomi ye nditɔ Israel, ke ini mmɔ etode ke isɔŋ Egypt.

ŊWED MME PSALM 73:23

Edi ami nsuk ndodu ye afo kpukpru ini: afo omum mi ubɔk nnasia.

ŊWED MME PSALM 78:37

Ndien esit mmɔ isɔŋɔke ida ye enye; mmɔ inyuŋ inamke akpanikɔ ke ediomi esie.

EXODUS 19:5

Mmɔdɔ edieke mbufo miditreke ndikop uyo mi, nnyuŋ nnim ediomi mi, mbufo eyedi ndien akpan inyene mi ekan kpukpru obio: koro ofuri ererimbot edide okim.

EXODUS 32:8

Ibigike bigi, mmɔ ewaha ekpɔŋ usuŋ emi ŋketemede mmɔ; mmɔ emetara gold enam eyen enaŋ ke idem mmɔ, enyuŋ enuhɔ enɔ enye, enyuŋ ewa uwa enɔ enye, enyuŋ edɔhɔ ete, O Israel, Mme mmɔ emi edi abasi fo, emi akadade fi ke isɔŋ Egypt ɔdɔk edi.

IKWƆ SOLOMON 8:5

Anie owo edi emi otode ke wilderness, eberedem ke ama esie? Ŋkedemere fi ke idak eto apple: do ke uka akaman fi: do ke uman okotuk andiman fi.

ISAIAH 24:5

Isɔŋ onyuŋ edehe ke idak mmɔ emi eduŋde ke esit: koro mmɔ eduede mbet, ebiatde ewuhɔ, enim nsinsi ediomi ke ikpikpu.

ISAIAH 41:13

Koro ami Jehovah Abasi fo mmumde fi ubɔk nnasia, emi ndɔhɔde fi, nte, Kufehe; ami ŋŋwam fi.

ISAIAH 54:5

Koro andibot fi edide uberi; Jehovah mme udim edi enyiŋ esie; andifak fi onyuŋ edi Edisana Abasi Israel; enye eyekere Abasi ofuri ererimbot.

JEREMIAH 11:3

nyuŋ dɔhɔ mmɔ, ete, Ntem ke Jehovah Abasi Israel ɔdɔhɔ, ete, Osuk ɔdɔdiɔk ɔnɔ owo eke midikopke ikɔ ediomi emi,

JEREMIAH 11:4

Kpa se ŋkowukde mme ete mbufo ke usen oro ŋkosiode mmɔ ke isɔŋ Egypt, ke akwa ikaŋ ukwak, nte, Mbufo ekop uyo mi, enyuŋ enam mmɔ, kpa nte asaŋade ye kpukpru se ŋkowukde mbufo: ndien mbufo eyedi ikɔt mi, ndien ami nyedi Abasi mbufo:

JEREMIAH 2:2

ntem ke Jehovah ɔdɔhɔ ete, Mmeti fi, mfɔnido uyen fo ye ima fo ke ini oro afo ekedide ŋwan ndɔ, nte afo akasaŋade mi ke edem, ke wilderness, ke isɔŋ eke mitɔhɔ ŋkpɔ ke esit.

JEREMIAH 22:9

Ndien mmɔ eyebɔrɔ, ete, Koro mmɔ ekekpɔŋde ediomi jehovah Abasi mmɔ, ekenyuŋ etuakde ibuot enɔ abasi efen, enyuŋ enam ŋkpɔ enɔ mmɔ.

JEREMIAH 3:14

Jehovah ɔdɔhɔ, ete, Mbufo nditɔ mfiakedem efiak edem; koro ami ŋkɔdɔde mbufo: ndien nyeda mbufo kiet ke obio, ye iba ke oruk, nnyuŋ nda mbufo ndi ke Zion:

JEREMIAH 31:1

JEHOVAH ɔdɔhɔ, ete, Ke ini oro nyedi Abasi kpukpru ufɔk Israel, ndien mmɔ eyedi ikɔt mi.

JEREMIAH 34:13

Ntem ke Jehovah Abasi Israel ɔdɔhɔ, ete, Ami ŋkodiomi ediomi ye mme ete mbufo ke usen oro ŋkosiode mmɔ ke isɔŋ Egypt ke ufɔk ufin, nte,

JEREMIAH 34:14

Ke utit isua itiaba mbufo kpukpru esana eyen-ete mbufo, eyen Hebrew emi anyamde idem esie ɔnɔ mbufo eyak; ke adaŋemi enye anamde ŋkpɔ ke isua itiokiet, yak enye ɔwɔrɔ ufin ɔkpɔŋ ebiet mbufo: ndien mme ete mbufo ikopke uyo mi, inyuŋ ikpaŋke utɔŋ mmɔ.

EZEKIEL 16:8

Ndien ami nsaŋa mbe fi nnyuŋ ŋkut fi, ndien, sese, ini fo edi ini ima; ndien ami ntat ɔfɔŋidem mi ndori fi ke idem, nnyuŋ mfuk fi iferi: nnyuŋ ŋŋwɔŋɔ nnɔ fi, nnyuŋ nduk ke ediomi ye afo, ndien afo akabare edi okimmɔ: uyo Ɔbɔŋ Jehovah edi emi.

EZEKIEL 20:37

Ndien nyenam mbufo esaŋa ke idak esaŋ ebe, nnyuŋ nsin mbufo ke ŋwed ediomi:

EZEKIEL 23:4

Ndien enyiŋ mmɔ ekere Oholah, adiaha, ye Oholibah eyen eka esie: ndien mmɔ enyene mi, enyuŋ eman nditɔ-iren ye nditɔ-iban. Enyiŋ mmɔ etie ntem; Oholah edi Samaria, ndien Jerusalem edi Oholibah.

HOSEA 11:1

KE adaŋoro Israel edide eyenɔwɔŋ, ami mma enye, nnyuŋ ŋkot eyen mi, nte enye oto ke Egypt edi.

HOSEA 2:2

Mbufo etɔhɔ ye eka mbufo, etɔhɔ: koro enye midige ŋwan mi, ami nnyuŋ ndige ebe esie: yak enye osio ndien use esiemɔ ke iso esie efep, onyuŋ osio efibe esiemɔ ke ufɔt eba esie efep; mbak ndifuhɔre enye iferi,

HOSEA 3:1

NDIEN Jehovah ɔdɔhɔ mi, ete, Tɔŋɔ ntak ka kama ŋwan emi ufan amade, emi onyuŋ esinde efibe, kpa nte Jehovah amade nditɔ Israel, ndien mmɔ ekabare etiene abasi eŋwen, enyuŋ ema ebok edisat grape.

LEVITICUS 26:15

ema enyuŋ esin mme ewuhɔ mi ke ndek, mme item mi ema enyuŋ efek mbufo ukpɔŋ, nte mbufo midinimke kpukpru mbet mi, edi ebiat ediomi mi:

MARK 8:23

Ndien Enye omum nnan oro ke ubɔk, onyuŋ ada enye ɔwɔrɔ ke obio-iŋwaŋ; ndien ke Enye ama akafiari enye etap ke enyin, onyuŋ odori enye ubɔk, obup enye ete, Nte omokut ŋkpɔ?

JOHN 3:29

Enyene-aŋwan-ndɔ edi ebe-ŋwan: edi ufan ebeŋwan, emi adade da okop enye uyo, adara eti-eti ndikop uyo ebeŋwan: ntem ke idara mi emi ama akabare ɔyɔhɔ.

UTOM MME APOSTLE 23:19

Ndien akamba etubom omum akparawa oro ke ubɔk, esehere ada obup enye ndibe-ndibe, ete, Nso ke enyene nditiŋ nnɔ mi?

2 ŊWED CORINTH 11:2

Koro mmenyene ufup Abasi mbaŋa mbufo; koro ŋkada mbufo nnɔ ebe kiet, man ŋkpemen mbufo nte edisana eyen-aŋwan nnɔ Christ.

DEUTERONOMY 1:31

ye ke wilderness emi afo okokutde nte Jehovah Abasi fo akamade fi, kpa nte owo akamade eyen esiemɔ, ke ofuri usuŋ emi mbufo esaŋade, tutu mbufo edisim ke ebiet emi.

DEUTERONOMY 29:1

MME mmɔ emi edi ikɔ ediomi Jehovah Abasi ɔkɔdɔhɔde Moses, ete, enye anam ye nditɔ Israel ke isɔŋ Moab, ɔkɔrɔ ye ediomi emi enye akanamde ye mmɔ ke Horeb.

DEUTERONOMY 29:21

Jehovah eyenyuŋ adianare enye efep ke kpukpru esien Israel ɔnɔ idiɔk, nte kpukpru isuŋi ediomi emi ewetde ke ŋwed mbet emi esaŋade:

DEUTERONOMY 29:24

ndien kpukpru mme idut eyedɔhɔ ete, Ke didie ke Jehovah akanam isɔŋ emi ntem? Nsinam akamba ikaŋ iyaresit emi?

DEUTERONOMY 31:16

Ndien Jehovah ɔdɔhɔ Moses, ete, Sese, afo ɔmɔŋ edina ye mme usɔ; ndien mbio emi eyedaha ke enyɔŋ eketieŋe mme isen abasi mme idut emi mmɔ ekade do ndi duk ke otu mmɔ, eyenyuŋ ekpɔŋ mi, enyuŋ ebiat ediomi mi emi nnamde ye mmɔ.

DEUTERONOMY 31:20

Koro adaŋemi ndidade mmɔ nduk ke isɔŋ emi ŋkɔŋwɔŋɔde nnɔ mme ete mmɔ, emi ɔfiɔrɔde mmɔŋ-eba ye aran-ɔkwɔk; ndien mmɔ eyedia eyuhɔ, enyuŋ ekpon, ndien mmɔ eyekabare etiene abasi efen, ekenam ido mmɔ, enyuŋ esin mi ke ndek, enyuŋ ebiat ediomi mi.

DEUTERONOMY 5:2

Jehovah Abasi nnyin akanam ediomi ye nnyin ke Horeb.

DEUTERONOMY 5:3

Idige ye mme ete nnyin ke Jehovah akanam ediomi emi, edi ye nnyin ke idem nnyin, kpukpru nnyin emi idude uwem mi mfin emi.

MME HEBREW 8:9

Idibietke ediomi oro ŋkodiomide ye mme ete mmɔ Ke usen oro ŋkomumde mmɔ ke ubɔk nda mmɔ ŋwɔrɔ ke isɔŋ Egypt; Koro mmɔ inyimeke ndisɔŋɔ nda ke ediomi Mi, Ndien Ami nsana mmɔ nyak; edi Jehovah ɔdɔhɔ.