JEREMIAH 31:22 - Edisana ñwed Abasi Ibom

²² Adaŋa didie ke afo ediyɔrɔ, O eyen-aŋwan mfiakedem? Koro Jehovah obotde obufa ŋkpɔ ke ererimbot, ŋwan eyekan eren.

JEREMIAH 31:22 ပူးပေါင်းရင်းမြစ်များ

GENESIS 3:15

eyenyuŋ adia ntɔŋ ke ofuri ini uwem fo: nyenyuŋ nsin usua ke ufɔt fo ye ŋwan, ye ke ufɔt ubon fo ye ubon esie: enye eyenuak fi ibuot, afo eyenyuŋ anuak enye nditiŋ-ikpat.

ISAIAH 7:14

Mmɔdo Ɔbɔŋ ke idem esie ɔnɔde mbufo idiɔŋɔ: sese, eyenɔwɔŋ aŋwan oyomo, onyuŋ aman eyen eren, onyuŋ osio enye enyiŋ IMMANUEL.

JEREMIAH 13:27

Mmokut efibe fo, ye uyo use fo, ye nte afo asaŋade akpara oburobut, ye mbubiam fo ke enyɔŋ ikpɔ obot ke iŋwaŋ. Osuk ɔdɔdiɔk ɔnɔ fi, Jerusalem; adaŋa didie ke afo edisuk esin ndisana?

JEREMIAH 14:7

Okposuk edi nte mme idiɔk ido nnyin ebɔrɔde ebaŋa nnyin, O Jehovah, nam baŋa enyiŋ fo: koro mfiakedem nnyin awakde; nnyin imanam idiɔk ye afo.

JEREMIAH 2:18

Afo asaŋa nso ndien, ke usuŋ Egypt ɔkɔŋwɔŋ mmɔŋ Shihor? Onyuŋ asaŋa nso ke usuŋ Assyria, ɔkɔŋwɔŋ mmɔŋ Akpa?

JEREMIAH 2:23

Afo edinam didie ɔdɔhɔ, ete “Ndeheke, mbineke Baalim?” Se usuŋ fo ke itihere: fiɔk se afo anamde: (afo) ɔsɔp-ukot dro-medary eke ɔyɔrɔde ke usuŋ esie;

JEREMIAH 2:36

Nsinam afo oyoŋde ntem eti-eti, onyuŋ ɔkpuhɔrede usuŋ fo? Afo eyeda but abaŋa Egypt, kpa nte akadade abaŋa Assyria.

JEREMIAH 3:1

KPA nte edɔhɔde ete, Edieke owo osiode ŋwan esiemɔ, ndien ŋwan ɔkpɔŋ enye, onyuŋ akabare edi ŋwan owo efen, nte ebe ekeme ndifiak ntiene enye ŋko? Nte ikpasabakede isɔŋ oro eti-eti? Ndien afo amanam ido akpara ye ediwak mme ufan; edifiak tiene mi; Jehovah ɔdɔhɔ.

JEREMIAH 3:14

Jehovah ɔdɔhɔ, ete, Mbufo nditɔ mfiakedem efiak edem; koro ami ŋkɔdɔde mbufo: ndien nyeda mbufo kiet ke obio, ye iba ke oruk, nnyuŋ nda mbufo ndi ke Zion:

JEREMIAH 3:22

Mbufo nditɔ mfiakedem efiak edi, ndien ami nyekɔk mfiakedem mbufo. “Sese, nnyin itiene fi, koro afo edide Jehovah Abasi nnyin.

JEREMIAH 3:4

Nte afo udutɔŋɔke ke emi ukot mi, ete, Ete mi, afo edi ufan uyen mi?

JEREMIAH 3:6

Ndien Jehovah ɔdɔhɔ mi ke eyo Josiah edidem, ete, Nte afo omokut se Israel ama-mfiakedem anamde? Enye asaŋa ke enyɔŋ kpukpru ŋkokoŋo obot, ye ke idak kpukpru awawa eto, onyuŋ anam use do.

JEREMIAH 3:8

Ndien Judah eyen-eka esie ama-nsu okut. Ndien okposuk edi nte efibe oro Israel ama-mfiakedem ekesinde, edi ofuri ntak emi ŋkosiode enye, nnyuŋ nnɔde enye ŋwed usio-ndɔ, ŋkut nte ke Judah eyen-eka esie aŋwan ama-nsu ifeheke ndik, edi aka akanam use, kpa enye ŋko-ŋko.

JEREMIAH 4:14

Ɔdɔdiɔk ye nnyin koro emesobo nnyin. O Jerusalem, yet esit fo idiɔk-ŋkpɔ fep, man enyaŋa fi. Adaŋa didie ke mme idiɔk ekikere fo ediduŋ fi ke esit?

JEREMIAH 49:4

Nsinam afo oburede mbure ke mme-ebedeŋ? Ebedeŋ fo ɔfiɔrɔ, O eyen-aŋwan mfiakedem! emi ɔbuɔtde idem ke inyene esie, ete, Anie edisim mi?

JEREMIAH 7:24

Ndien mmɔ ikopke, inyuŋ ikpaŋke utɔŋ mmɔ, edi esaŋa ke uduak ye ke itun idiɔk esit mmɔ, enyuŋ efiak edem, ikaha iso.

HOSEA 11:7

Ndien ikɔt mi esuk ekɔbɔ ndifiak edem ŋkpɔŋ mi: ndien ekot mmɔ etiene Ata Edikoŋ, edi baba owo kiet itoroke enye.

HOSEA 14:4

Nyenam mfiak-edem mmɔ okure; nyeda ima-esit mma mmɔ; koro iyaresit mi amakabare ɔkpɔŋ mmɔ.

HOSEA 4:16

Koro Israel ɔsɔŋde ibuot nte ɔsɔŋ-ibuot abak-enaŋ: kemi Jehovah eyebɔk mmɔ nte eyen erɔŋ ke ntaŋwaŋ ebiet.

HOSEA 8:5

Samaria, Enye afiari eyen enaŋ fo ɔduɔk; iyaresit mi asak ye mmɔ: adaŋa didie ke mmɔ midikemeke ndisana?

ZECHARIAH 7:11

Ndien mmɔ inyimeke ndikpaŋ utɔŋ, edi ekpa edem, enyuŋ esɔŋ ibuot, enyuŋ enam utɔŋ mmɔ edobi, man ekukop.

NUMBERS 16:30

Edi Jehovah ama anam utibe ŋkpɔ, isɔŋ ama onyuŋ atat inua esie, emen mmɔ, ye kpukpru se mmɔ enyenede, mmɔ ema enyuŋ esuhɔre ke udi ndisi; ndien mbufo eyefiɔk ete ke mmɔ emi emesin Jehovah ke ndek.

MATTHEW 1:21

Ndien enye eyeman nyen eren; afo eyenyuŋ osio Enye enyiŋ JESUS, koro edi Enye eyenyaŋa ikɔt Esie osio ke mme idiɔk-ŋkpɔ mmɔ.

ŊWED MBON GALATIA 4:4

edi ke adaŋemi ekemde uyɔhɔ ini, Abasi osio Eyen Esie ɔdɔŋ ŋwan aman Enye, Enye onyuŋ esine ke idak-ibet