JEREMIAH 31:13 - Edisana ñwed Abasi Ibom

¹³ Ndien eyen-aŋwan eyebre ke unek, ye mkparawa ye mbiowo ke ɔtɔ kiet: ndien nyeda inem ŋkpuhɔre eyet mmɔ, nnyuŋ ndɔŋ mmɔ esit, nnyuŋ nnam mmɔ edat esit ke ini ubaha mmɔ okurede.

JEREMIAH 31:13 ပူးပေါင်းရင်းမြစ်များ

EZRA 6:22

mmɔ enyuŋ enim usɔrɔ uyo eke leaven miduhe, ke usen itiaba ke idara: koro Jehovah akanamde esit adat mmɔ, okonyuŋ akabarede esit edidem Assyria ama mmɔ, onyuŋ ɔsɔŋ mmɔ ubɔk ke utom ufɔk Abasi, Abasi Israel.

NEHEMIAH 12:27

Ndien ke ini mmɔ enimde ibibene Jerusalem enɔ Abasi, mmɔ eyom mme Levite ke kpukpru ebiet mmɔ, man eda mmɔ edi ke Jeusalem, man enim ibibene ke idara, ye ke ekɔm, ye ke ikwɔ, ye ke cymbal, ye psaltery, ye harp.

NEHEMIAH 12:43

Ndien ke usen oro mmɔ ewa ikpɔ uwa, enyuŋ edat esit: koro Abasi akanamde mmɔ edara akamba idara: iban nde, ye nditɔwɔŋ enyuŋ edara: ndien mmɔ ekop mkpo idara Jerusalem anyan ebiet.

ESTHER 9:22

ke usen emi mme Jew ekebɔhɔde mme asua mmɔ eduɔk odudu, ye ke ɔfiɔŋ emi ukut akabarede ɔnɔ mmɔ ke idara, ye eseme ke eti usen: ete enim mmɔ ke usen udia ye idara, ye eke owo enɔde enɔ esɔk mbɔhɔiduŋ mmɔ, ye eke efɔnde ido ye mme ubuene.

ŊWED MME PSALM 126:5

Mmɔ eke etɔde ŋkpɔ ke mmɔŋeyet eyekpeŋe ke idara. Owo eke obiomde akpan mkpasip, aka atua eyet,

ŊWED MME PSALM 148:12

Mkparawa, ye nditɔ-iban; ŋkani iren, ye nditɔwɔŋ:

ŊWED MME PSALM 149:3

Yak mmɔ etoro enyiŋ esie ke unek: emen ekɔmɔ ye harp ebre enɔ enye.

ŊWED MME PSALM 30:11

Afo amakabare itie-ikpo ɔnɔ mi esin ke unek: amatat mi ɔfɔŋ ikpo, omonyuŋ ada idaresit okune mi;

ISAIAH 12:1

NDIEN afo eyedɔhɔ ke usen oro, ete, Nyekɔm fi, O Jehovah; koro afo akayatde esit ye ami; iyaresit fo amakabare ndien afo ke ɔdɔŋ mi esit.

ISAIAH 35:10

ndien mmɔ eke Jehovah akafakde eyefiak edi ke Zion ekwɔ ikwɔ, nsinsi idaresit onyuŋ ayara mmɔ ke ibuot: mbre ye idaresit eyesim mmɔ, mfuhɔ ye eseme eyefeŋe.

ISAIAH 51:11

Ndien mmɔ eke Jehovah afakde eyefiak edi ke Zion ye mkpo; nsinsi idaresit eyedu mmɔ ke ibuot: mbre ye idaresit eyesim mmɔ; mfuhɔ ye eseme eyefeŋe.

ISAIAH 51:3

Koro Jehovah ɔmɔdɔŋ Zion esit: ɔmɔdɔŋ kpukpru mme ŋwure esie esit; omonyuŋ anam wilderness esie ebiet Eden, anam desert esie ebiet iŋwaŋ Jehovah; eyekut mbre ye idara ke esit, ekɔm, ye uyo ikwɔ.

ISAIAH 60:20

Utin fo idisopke aba; ɔfiɔŋ fo idinyuŋ itahake aba: koro Jehovah eyedi nsinsi uŋwana fo, ndien mme usen ntuaŋa fo eyekure.

ISAIAH 61:2

ŋkwɔrɔ isua mfɔnido Jehovah, ye usen usiene Abasi nnyin; ndɔŋ kpukpru mme atua-eyet esit;

ISAIAH 61:3

ete, nnim nnɔ nditɔ Zion eke etuade, nnɔ mmɔ anyanya ke ibuot ntɔŋ, aran idaresit ke ibuot ntuaŋa, ɔfɔŋ-idem itoro ke ibuot mkpa-esit; ndien mmɔ eyekere ete, Ofriyo eti ido emi Jehovah ɔkɔtɔde, man ada ukpono ke esit.

JEREMIAH 31:4

Nyetɔŋɔ ntak ndiɔŋ fi, ndien eyediɔŋ fi, O adiaha Israel: afo eyetɔŋɔ ntak ada ekɔmɔ fo abana idem, onyuŋ ɔwɔrɔ oduk ke unek mmɔ eke ebrede mbre.

JEREMIAH 33:11

ke eyekop uyom idara, ye uyom mbre, ye uyo ɔdɔ ŋwan, ye uyo ŋwan ndɔ, ye uyo mmɔ eke edɔhɔde, ete, “Mbufo etoro Jehovah mme udim: koro Jehovah ɔfɔnde; koro ima esie ebigide ke nsinsi”: ye eke mmɔ emi edade ekɔm edi ke ufɔk Jehovah. Koro ami nyeda nditɔ isɔŋ emi eketaŋde efep mfiak ndi, kpa nte akpa; ke edi Jehovah ɔdɔhɔ.

ZECHARIAH 8:19

Ntem ke Jehovah mme udim ɔdɔhɔ, ete, Utre-udia ɔyɔhɔ ɔfiɔŋ inaŋ, ye utre-udia ɔfiɔŋ ition, ye utre-udia ɔfiɔŋ itiaba, ye utre-udia ɔfiɔŋ duop, eyedi ini idara ye mbre ufɔk Judah, ye nti usɔrɔ. Mbufo ema ndien akpanikɔ ye emem.

JOHN 16:22

Mmɔdo mbufo edude ke mfuhɔ ke emi; edi nyetɔŋɔ ntak ŋkut mbufo, esit eyenyuŋ adat mbufo, ndien baba owo kiet idibɔhɔ mbufo idaresit mbufo.

JUDGES 21:21

enyuŋ ese, ndien, sese, edieke nditɔ-iban Shiloh ewɔŋɔde edi ndinek unek, mbufo ewɔŋɔ ndien ke iŋwaŋ vine, kpukpru mbufo kiet kiet emum ŋwan mbufo ke otu nditɔ-iban Shiloh, ndien enyɔŋɔ eka isɔŋ Benjamin.