JEREMIAH 31:12 - Edisana ñwed Abasi Ibom

¹² Ndien mmɔ eyedi edikwɔ ke obot Zion, enyuŋ ebuŋɔ edi ke mfɔn Jehovah: ebaŋa ibokpot ye obufa wine, ye aran, ye nditɔ ŋkpri ufene, ye nditɔ enaŋ: ndien ukpɔŋ mmɔ eyebiet iŋwaŋ eke ɔŋwɔŋde mmɔŋ; ndien mmɔ idiyemekede aba.

JEREMIAH 31:12 ပူးပေါင်းရင်းမြစ်များ

ŊWED MME PSALM 130:4

Koro eridahado enyenede fi, man eteŋe fi.

ISAIAH 1:30

Koro mbufo eyebiet ofriyo emi ikɔŋ esie ekeŋede, ebiet iŋwaŋ eke mmɔŋ miduhe ke esit.

ISAIAH 35:10

ndien mmɔ eke Jehovah akafakde eyefiak edi ke Zion ekwɔ ikwɔ, nsinsi idaresit onyuŋ ayara mmɔ ke ibuot: mbre ye idaresit eyesim mmɔ, mfuhɔ ye eseme eyefeŋe.

ISAIAH 51:11

Ndien mmɔ eke Jehovah afakde eyefiak edi ke Zion ye mkpo; nsinsi idaresit eyedu mmɔ ke ibuot: mbre ye idaresit eyesim mmɔ; mfuhɔ ye eseme eyefeŋe.

ISAIAH 52:8

uyo mbon ukpeme fo! mmɔ emenere uyo, efiori uyo kiet: koro mmɔ eyekut enyin ke enyin, ke ini Jehovah afiakde ke Zion.

ISAIAH 58:11

ndien Jehovah eyeda fi usuŋ kpukpru ini, onyuŋ ɔyuhɔ ukpɔŋ fo ke nda-eyo, onyuŋ anam mme ɔkpɔ fo esɔŋɔ: ndien afo eyebiet iŋwaŋ eke ebitde, ebiet idim mmɔŋ eke mmɔŋ esie mibiaŋake.

ISAIAH 60:20

Utin fo idisopke aba; ɔfiɔŋ fo idinyuŋ itahake aba: koro Jehovah eyedi nsinsi uŋwana fo, ndien mme usen ntuaŋa fo eyekure.

ISAIAH 65:19

Ndien Jerusalem eyenem mi esit, ikɔt mi eyenyuŋ edat mi: ndien idikopke aba uyo eyet ye uyo eseme ke esit.

JEREMIAH 3:14

Jehovah ɔdɔhɔ, ete, Mbufo nditɔ mfiakedem efiak edem; koro ami ŋkɔdɔde mbufo: ndien nyeda mbufo kiet ke obio, ye iba ke oruk, nnyuŋ nda mbufo ndi ke Zion:

JEREMIAH 31:24

Ndien Judah eyeduŋ ke esit, ye kpukpru mme obio esie ɔtɔ kiet, mbon iŋwaŋ ye mmɔ eke esaŋade ye ufene.

JEREMIAH 31:25

Koro mmɔnɔ ukpɔŋ mba-ba mmɔŋ ɔŋwɔŋ, mmonyuŋ nyuhɔ kpukpru ukpɔŋ eke efuhɔde.

JEREMIAH 31:4

Nyetɔŋɔ ntak ndiɔŋ fi, ndien eyediɔŋ fi, O adiaha Israel: afo eyetɔŋɔ ntak ada ekɔmɔ fo abana idem, onyuŋ ɔwɔrɔ oduk ke unek mmɔ eke ebrede mbre.

JEREMIAH 31:6

koro usen eyedi eke mbon-ukpeme ke ikpɔ obot Ephraim edikotde, ete, Mbufo edaha ke enyɔŋ, nnyin idɔk ke Zion, ika ɔtɔ Jehovah Abasi nnyin.

JEREMIAH 31:7

Koro ntem ke Jehovah ɔdɔhɔ, ete, Mbufo ekwɔ ke idaresit enɔ Jacob, enyuŋ efiori ɔkpɔsɔŋ ke otu akpan mme idut: mbufo ekwɔrɔ, etoro, enyuŋ edɔhɔ, ete, O Jehovah, nyaŋa ikɔt fo, nditɔ Isreal emi esuhɔde.

JEREMIAH 32:15

Koro ntem ke Jehovah mme udim Abasi Israel ɔdɔhɔ ete, Eyetɔŋɔ ntak edep ufɔk ye iŋwaŋ ye iŋwaŋ-vine ke isɔŋ emi.

JEREMIAH 33:12

Ntem ke Jehovah mme udim ɔdɔhɔ, ete, Ke iduŋ mme ɔbɔk-erɔŋ emi enamde ufene mmɔ esukhɔre ena, editɔŋɔ ntak edu ke ebiet emi osobode ntem, anana owo, onyuŋ anana ufene, ye ke kpukpru mme obio mmɔ.

JEREMIAH 33:13

Ke mme obio obot, ye ke mme obio una-isɔŋ edem inyaŋ, ye ke mme obio edem usuk-usuk, ye ke isɔŋ Benjamin, ye ke edem emi akande Jerusalem okuk, ye ke mme obio Judah, ke ufene editɔŋɔ ntak esaŋa ebe ke idak ubɔk enye emi abatde mmɔ. Ke edi Jehovah ɔdɔhɔ ntem.

EZEKIEL 17:23

nyetɔ enye ke edikoŋ obot Israel: ndien enye eyesiaha ŋkɔk, onyuŋ ŋwum mfri, onyuŋ akabare edi ata akamba cedar: ndien kpukpru inuen kpukpru oruk mba eyeduŋ ke idak esie; mmɔ eyeduŋ ke mfut ŋkɔk esie,

EZEKIEL 20:40

Koro Ɔbɔŋ Jehovah ɔdɔhɔde ete, Ke edisana obot mi, ke edikoŋ obot Israel, do ke ofuri ufɔk Israel, kpukpru mmɔ ke isɔŋ, edinam ŋkpɔ mi: do ke mmɔ edinem mi esit, do ŋko ke ndiyom edimenere uwa mbufo, ye akpa ŋkpɔ eke mbufo emende ke kpukpru edisana ŋkpɔ mbufo enɔ.

EZEKIEL 34:14

Nyebɔk mmɔ ke eti mbiet; nna mmɔ eyenyuŋ odu ke ŋkokoŋo obot Israel: ndien eyesuhɔre ena do ke eti nna, eyenyuŋ eta edisehe mbiet ke ikpɔ obot Israel.

EZEKIEL 36:30

Nyenyuŋ nnam mfri eto ye mbuŋwum isɔŋ ewak: man mbufo ekukut aba but akaŋ ke otu mme idut.

HOSEA 3:5

Ndien ke ini edibede, nditɔ Israel eyetɔŋɔ ntak eyom Jehovah Abasi mmɔ, ye David edidem mmɔ; enyuŋ ebak Jehovah ye mfɔn esie ke akpatre usen.

JOEL 3:18

Ndien ama ekem ke usen oro, ikpɔ obot eyetɔi obufa wine, ŋkpri obot eyenyuŋ efiɔrɔ mmɔŋ-eba; kpukpru akpa mmɔŋ Jerusalem eyefiɔrɔ mmɔŋ, idim eyenyuŋ oto ke ufɔk Jehovah ekebit itihere Shittim.

HAGGAI 2:19

Nte mkpasip odu kaŋa ke ebiet unim udia? Vine ŋko, ye eto fig, ye pomegranate, ye eto olive ika-iŋwumke kaŋa. Toto ke mfin emi nyediɔŋ mbufo.

ZECHARIAH 8:12

Koro mkpasip eyetɔt; vine eyenɔ mfri esie, isɔŋ eyenyuŋ ɔnɔ mbuŋwum esie, ikpa-enyɔŋ eyenyuŋ ɔnɔ mbara esie; ndien nyenam mbio emi esuhɔde eda kpukpru ŋkpɔ emi enyene.

JOHN 16:22

Mmɔdo mbufo edude ke mfuhɔ ke emi; edi nyetɔŋɔ ntak ŋkut mbufo, esit eyenyuŋ adat mbufo, ndien baba owo kiet idibɔhɔ mbufo idaresit mbufo.

ŊWED MBON ROME 2:4

Midige, mme esin uwak mfɔnido ye ndidop ye anyan ime Esie ke ndek, ke mufiɔkke ete mfɔnido Abasi ada fi oduk ke erikabare esit?

ERIYARARE 21:4

Enye eyekwɔhɔre kpukpru mmɔŋeyet ke enyin mmɔ efep. Mkpa idinyuŋ iduhe aba; eseme ye ntuaŋa ye ubiak idinyuŋ iduhe aba; koro ebe-iso ŋkpɔ ema ebe efep.

ERIYARARE 7:17

eyo mme ufiop ekededi idinyuŋ imiaŋa mmɔ: koro Eyen-erɔŋ emi etiede ke ufɔt ebekpo eyedi Andikpeme mmɔ, eyenyuŋ ada mmɔ aka ke idim mmɔŋ uwem: ndien Abasi eyekwɔhɔre kpukpru mmɔŋ eyet ke enyin mmɔ efep.