JEREMIAH 31:11 - Edisana ñwed Abasi Ibom

¹¹ Koro Jehovah amafak Jacob, onyuŋ edep enye osio ke ubɔk emi ɔsɔŋde akan enye.

JEREMIAH 31:11 ပူးပေါင်းရင်းမြစ်များ

ŊWED MME PSALM 142:6

Tiŋ enyin ke eseme mi: koro idem ememde mi eti-eti. Nyaŋa mi sio mme andikɔbɔ mi ke ubɔk: koro mmɔ esɔŋde ekan mi.

EXODUS 15:16

Ndik ye mbɔribɔ eyefuk mmɔ: akwa ubɔk fo eyesin mmɔ edobo nte itiat, tutu ikɔt fo, O Jehovah, ebe; tutu ikɔt emi afo edepde ebe.

ISAIAH 44:23

O enyɔŋ, mbufo ekwɔ: koro Jehovah amanam: isɔŋ ke idak, sio mkpo: ikpɔ obot, mbufo ebumere ekwɔ; mbufo, akai ye kpukpru eto emi edude ke esit: koro Jehovah afakde Jacob, eyenyuŋ ada ubɔŋ ke Israel.

ISAIAH 48:20

Mbufo eto ke Babylon ewɔŋɔ, ebɔhɔ ke otu mme Chaldean, esio mkpo idara, etiŋ emi, ebuk enye, ekwɔrɔ enye tutu osim ke utit ererimbot; mbufo edɔhɔ, ete, Jehovah amafak owo esie Jacob.

ISAIAH 49:24

Nte edibɔ ɔkpɔsɔŋ owo mbume? nte mbuot ekɔŋ edinen owo edibɔhɔ? (Ih:)

ISAIAH 49:25

koro ntem ke Jehovah ɔdɔhɔ, ete, Eyebɔ idem ɔkpɔsɔŋ owo mbuot ekɔŋ esie, mbume owo ndik eyenyuŋ ɔbɔhɔ: ndien edi ami nditɔhɔ ye mmɔ eke etɔhɔde ye afo, edi ami ndinyuŋ nnyaŋa nditɔ fo.

ISAIAH 51:11

Ndien mmɔ eke Jehovah afakde eyefiak edi ke Zion ye mkpo; nsinsi idaresit eyedu mmɔ ke ibuot: mbre ye idaresit eyesim mmɔ; mfuhɔ ye eseme eyefeŋe.

JEREMIAH 15:21

Uyo Jehovah edi emi. Ndien nyesio fi ke ubɔk mme idiɔk owo mfep, nnyuŋ mfak fi nsio ke ubɔk mbon ndik.

JEREMIAH 50:33

Ntem ke Jehovah mme udim ɔdɔhɔ, ete, Emefik nditɔ Israel ye nditɔ Judah ɔtɔ kiet: ndien kpukpru owo eke eketaŋde mmɔ efep esɔŋɔ emum mmɔ; inyimeke ndisana mmɔ nyak.

JEREMIAH 50:34

Andifak mmɔ edi ɔkpɔsɔŋ, Jehovah mme udim edi enyiŋ esie: enye iditreke ndikpe ikpe mmɔ, man anam isɔŋ etie suŋ, onyuŋ anam mme andiduŋ Babylon enyek idem.

ŊWED ESEME 3:58

O Ɔbɔŋ, afo emekpe ikɔ ukpɔŋ mi;

HOSEA 13:14

Nyefak mmɔ nsio ke ubɔk udi; nyenyaŋa mmɔ nsio ke mkpa: nyedi idiɔk udɔŋɔ fo, O mkpa; nyedi nsobo fo, O udi: erikabare esit eyedibe mi ke enyin.

ZECHARIAH 9:16

Ndien Jehovah Abasi mmɔ eyenyaŋa mmɔ ke usen oro, eyenyaŋa ikɔt esie nte otu ufene: koro mmɔ edide itiat anyaŋa, eke emenerede ke enyɔŋ isɔŋ esie nte banner.

MATTHEW 12:29

Ŋko, owo ekeme didie ndiduk ke ufɔk ɔkpɔsɔŋ owo mbume ŋkpɔ esie, ke enye mibemke iso ibɔp ɔkpɔsɔŋ owo oro? Adaŋoro ndien ke enye edibume ŋkpɔ ufɔk esie.

MATTHEW 20:28

kpa nte Eyen Owo mikedige, man enam ŋkpɔ enɔ Enye edi man Enye anam ŋkpɔ ɔnɔ owo, onyuŋ ɔnɔ uwem Esie ndifak ediwak owo.

MATTHEW 22:29

Edi Jesus ɔbɔrɔ mmɔ ete, mbufo emedue, koro mbufo mifiɔkke ŋwed Abasi ye odudu Abasi.

TITUS 2:14

Emi akayakde Idem Esie ɔnɔ kabaŋa nnyin, man Enye afak nnyin osio ke kpukpru mme idiɔk-ŋkpɔ, onyuŋ anam nnyin asak-ubɔk ikɔt Esie, emi isinde esit inam nti utom.