JEREMIAH 31:1 - Edisana ñwed Abasi Ibom

¹ JEHOVAH ɔdɔhɔ, ete, Ke ini oro nyedi Abasi kpukpru ufɔk Israel, ndien mmɔ eyedi ikɔt mi.

JEREMIAH 31:1 ပူးပေါင်းရင်းမြစ်များ

2 SAMUEL 7:24

Afo omonyuŋ ɔsɔŋ onim ikɔt fo Israel ke idemfo ke ikɔt fo ke nsinsi: afo, Jehovah, omonyuŋ akabare edi Abasi mmɔ.

ŊWED MME PSALM 144:15

Ɔfɔfɔn ɔnɔ mbon eke etiede ntem: ɔfɔfɔn ɔnɔ mbon eke Jehovah edide Abasi mmɔ.

ŊWED MME PSALM 48:14

Koro Abasi emi edide Abasi nnyin ke nsinsi: enye eyeda nnyin usuŋ tutu osim ke mkpa.

ISAIAH 20:6

Ndien owo eke oduŋde ke edem inyaŋ emi eyedɔhɔ ke usen oro, ete, Sese, ntem ke iberedem nnyin etie, emi nnyin ifehede itiene enye, iyom ubɔhɔ man enyaŋa nnyin efep ke iso edidem Assyria: ndien nnyin idinam didie ibɔhɔ?

ISAIAH 41:10

Kudige, koro ami ndude ye afo: kunyek idem, koro ami ndide Abasi fo: nyesɔŋɔ fi idem; nditreke ndinyaŋa fi; nditreke ndimum fi ŋkama ke edinen ubɔk nnasia mi.

JEREMIAH 23:6

Ke eyo esie ke edinyaŋa Judah, Israel eyenyuŋ oduŋ ke ifure: ndien emi edi enyiŋ eke edisiode enye, JEHOVAH EDINEN IDO NNYIN.

JEREMIAH 3:18

Ke eyo oro ufɔk Judah eyekɔrɔ ke ufɔk Israel, esaŋa, ndien mmɔ eyeto ke isɔŋ edere esaŋa ikpat kiet edi isɔŋ emi ŋkɔnɔde mme ete mbufo enyene.

JEREMIAH 30:10

Jehovah onyuŋ ɔdɔhɔ, ete, Afo owo mi Jacob, kufehe ndik; Israel, kunyuŋ ukpa idem: koro sese, ami nyenyaŋa fi nsio ke anyan idut, nnyuŋ nsio ubon fo ke isɔŋ oro etaŋde mmɔ eka; ndien Jacob eyefiak, onyuŋ etie suŋ ke ifure, baba owo kiet idinyuŋ inamke enye edikhe.

JEREMIAH 30:22

Emi edi uyo Jehovah. Ndien mbufo eyedi ikɔt mi, ami nyenyuŋ ndi Abasi mbufo.

JEREMIAH 30:24

Ikaŋ iyaresit Jehovah idikabakede, tutu enye anam, tutu enye onyuŋ ama uduak esit esie; mbufo eyekere enye ke utit usen.

JEREMIAH 30:3

Koro, sese, ini ke edi, Jehovah ɔdɔhɔ, ndien nyeda ikɔt mi Israel ye Judah emi eketaŋde efep mfiak ndi, Jehovah ɔdɔhɔ: nyenyuŋ nda mmɔ nnyɔŋ ndi ke isɔŋ emi ŋkɔnɔde mme ete mmɔ, ndien mmɔ eyeda enye enyene.

JEREMIAH 31:33

koro emi edide ediomi eke ndidiomide ye ufɔk Israel, ke mme usen oro ema ebe, Jehovah ɔdɔhɔ: nyesin mmɔ mbet mi ke esit, nnyuŋ ŋwet mmɔ ke ɔwɔŋ esit; nyenyuŋ ndi Abasi mmɔ, ndien mmɔ eyedi ikɔt mi.

JEREMIAH 32:38

Ndien mmɔ eyedi ikɔt mi, ami nyenyuŋ ndi Abasi mmɔ:

JEREMIAH 33:14

Jehovah ɔdɔhɔ, ete, Sese, mme usen ke edi eke ndimade eti ikɔ oro ŋkɔdɔhɔde ufɔk Israel ye ufɔk Judah.

JEREMIAH 33:7

Nyenyuŋ nda nditɔ Judah ye nditɔ Israel emi eketaŋde efep mfiak ndi, nnyuŋ mbɔp mmɔ kpa nte akpa.

JEREMIAH 50:4

Jehovah ɔdɔhɔ, ete, Ke mme usen oro ye ke ini oro, nditɔ Israel eyedi, mmɔ ye nditɔ Judah ɔtɔ kiet, eyesaŋa edi etua eyet, eyenyuŋ eyom Jehovah Abasi mmɔ.

EZEKIEL 11:20

man mmɔ esaŋa ke mme ewuhɔ mi, enyuŋ enim mbet mi, enyuŋ enam mmɔ: ndien mmɔ eyekabare edi ikɔt mi, ami nyenyuŋ ndi Abasi mmɔ.

EZEKIEL 34:24

Ndien ami Jehovah nyedi Abasi mmɔ, ndien owo mi David eyenyuŋ edi ɔbɔŋ ke otu mmɔ: edi ami Jehovah ndɔhɔ.

EZEKIEL 34:31

Ndien mbufo ufene mi, ufene emi mbɔkde, edi owo; ami nnyuŋ ndi Abasi mbufo. Uyo Ɔbɔŋ Jehovah edi emi.

EZEKIEL 36:28

Ndien mbufo eyeduŋ ke isɔŋ emi ŋkɔnɔde mme ete mbufo, ndien mbufo eyedi ikɔt mi; ami nyenyuŋ ndi Abasi mbufo.

EZEKIEL 39:22

Ndien ufɔk Israel eyefiɔk ete ke ami Jehovah ndi Abasi mmimɔ, ɔtɔŋɔde ke usen oro ye ke nsinsi.

EZEKIEL 39:25

Mmɔdo ntem ke Ɔbɔŋ Jehovah ɔdɔhɔ ete, Ke emi ke ndida nditɔ Jacob emi eketaŋde efep, mfiak ndi, nnyuŋ ntua ofuri ufɔk Israel mbɔm, nnyuŋ mfibe ufup mbaŋa edisana enyiŋ mi;

HOSEA 1:11

Ndien nditɔ Judah ye nditɔ Israel eyesop idem ɔtɔ kiet, enyuŋ enim etubom kiet ke idem mmɔ, ndien eto ke isɔŋ edɔk: koro usen Jezreel eyekpon.

LEVITICUS 26:12

Nyeyuŋ nsaŋa ke otu mbufo, nnyuŋ ndi Abasi mbufo, mbufo eyenyuŋ edi ikɔt mi.

ZECHARIAH 13:9

Ndien nyeda ɔyɔhɔ ubak ita nsin ke ikaŋ, nnyuŋ nduk mmɔ nte edukde silver, nnyuŋ ndomo mmɔ nte edomode gold: mmɔ eyekot mi enyiŋ, ndien ami nyeyere mmɔ: nyenyuŋ ndɔhɔ mmɔ nte, Mmɔ edi ikɔt mi: ndien mmɔ eyedɔhɔ, ete, Jehovah edi Abasi mi.

JOHN 20:17

Jesus ete enye, Kutuk Mi; koro ndɔkke kaŋa ntiene Ete; edi bine nditɔ-ete Mi kɔdɔhɔ mmɔ ete, Mmɔŋ ndidɔk ntiene Ete Mi ye Ete mbufo, Abasi Mi ye Abasi mbufo.

2 ŊWED CORINTH 6:16

Nso ediomi ke temple Abasi odiomi ye ndem? Koro nnyin idi temple Abasi uwem; kpa nte Abasi ɔdɔhɔde ete, Nyeduŋ, nyenyuŋ nsaŋa ke otu mmɔ, Ndien nyedi Abasi mmɔ, mmɔ eyenyuŋ edi ikɔt Mi.

MME HEBREW 12:16

mbak owo use edidu ke otu mbufo, mme oburobut owo nte Esau, emi akanyamde itie-akpan esie ke ekpri esisit udia.