JEREMIAH 30:3 - Edisana ñwed Abasi Ibom

³ Koro, sese, ini ke edi, Jehovah ɔdɔhɔ, ndien nyeda ikɔt mi Israel ye Judah emi eketaŋde efep mfiak ndi, Jehovah ɔdɔhɔ: nyenyuŋ nda mmɔ nnyɔŋ ndi ke isɔŋ emi ŋkɔnɔde mme ete mmɔ, ndien mmɔ eyeda enye enyene.

JEREMIAH 30:3 ပူးပေါင်းရင်းမြစ်များ

EZRA 3:1

EKEM adaŋemi ekemde ke ɔyɔhɔ ɔfiɔŋ itiaba, nditɔ Israel enyuŋ edude ke mme obio mmɔ, kpukpru owo esop idem ke Jerusalem, nte owo kiet.

EZRA 3:12

Ndien ediwak oku ye Levite ye mme etubom mme ete, mbiowo, emi ekekutde akpa ufɔk, ke ini etɔŋɔde ndibɔp ufɔk emi ke iso mmɔ, etua eyet ke ɔkpɔsɔŋ uyo; ndien ediwak owo emenere uyo esio mkpo idara:

EZRA 3:8

Ekem ke udiana-akpa isua nte mmɔ ekedi ke ufɔk Abasi ke Jerusalem, ke udiana-akpa ɔfiɔŋ, Zerubbabel eyen Shealtiel, ye Jeshua eyen Jozadak, ye nditɔ-ete mmɔ mme oku, ye mme Levite eke esuhɔde, ye kpukpru mbon ntaŋ-mfep oro eketode edi ke Jerusalem, etɔŋɔ; ndien mmɔ eda mme Levite, ɔtɔŋɔde ke owo isua edip, ye mmɔ eke ebede oro, edori mmɔ, ete edi mme etubom utom ufɔk Jehovah.

ŊWED MME PSALM 126:4

Fiak edem, O Jehovah, tiene nnyin emi mmɔ etaŋde ekenyɔŋ, kpa nte mme idim mmɔŋ ke edem usuk.

ŊWED MME PSALM 53:6

Erinyaŋa Israel akpakam oto ke Zion! Ke adaŋemi Abasi adade ikɔt esie emi eketaŋde efep afiak edi, Jacob eyebre, Israel eyedara.

JEREMIAH 16:15

Edi, “ma uwem Jehovah emi akadade nditɔ Israel ke edem edere, ye ke kpukpru mme idut eke enye ekebinde mmɔ, ɔdɔk”: ndien nyeda mmɔ mfiak ke isɔŋ mmɔ emi ŋkɔnɔde mme ete mmɔ.

JEREMIAH 23:5

Jehovah ɔdɔhɔ, ete, Sese, usen ke edi eke ndinamde edinen nsehe otibe ɔnɔ David, ndien edidem kiet eyeda ubɔŋ, onyuŋ okut unen, onyuŋ anam edinen ikpe ke isɔŋ.

JEREMIAH 27:11

Jehovah ɔdɔhɔ ete, Ndien ama edi idut eke edisinde itɔŋ mmɔ ke ɔkpɔnɔ edidem Babylon, enyuŋ enamde ŋkpɔ esie, nyeyak mmɔ etie ke isɔŋ mmɔ; ndien mmɔ eyefuŋ enye enyuŋ eduŋ ke esit.

JEREMIAH 27:22

Ke eyeda mmɔ eka Babylon, ndien mmɔ eyedu do tutu ekem ke usen eke ndisede mmɔ; ndien nyeda mmɔ ndɔk ndi, nnyuŋ ntɔŋɔ ntak nsin mmɔ ke ebiet emi; Jehovah ɔdɔhɔ.

JEREMIAH 29:10

Koro ntem ke Jehovah ɔdɔhɔ, ete, Ke adaŋemi ekemde ke isua ata ye duop ke Babylon, nyedi ndise mbufo, nnyuŋ nnam eti ikɔ mi ɔsɔŋɔ ada ye mbufo, nnyuŋ nda mbufo mfiak ndi ke ebiet emi.

JEREMIAH 29:14

Jehovah ɔdɔhɔ, ete, Mbufo eyenyuŋ ekut mi; ndien ami nyeyak mbufo eto ke itie mbuot-ekɔŋ enyɔŋ edi, nnyuŋ ntaŋ mbufo ke kpukpru mme idut, ye ke kpukpru ebiet eke mbinde mbufo nsin do, ndibon, Jehovah ɔdɔhɔ; nyenyuŋ nda mbufo mfiak ndi ke ebiet eke ŋkayakde mmɔ etaŋ mbufo ke esit efep.

JEREMIAH 3:18

Ke eyo oro ufɔk Judah eyekɔrɔ ke ufɔk Israel, esaŋa, ndien mmɔ eyeto ke isɔŋ edere esaŋa ikpat kiet edi isɔŋ emi ŋkɔnɔde mme ete mbufo enyene.

JEREMIAH 30:10

Jehovah onyuŋ ɔdɔhɔ, ete, Afo owo mi Jacob, kufehe ndik; Israel, kunyuŋ ukpa idem: koro sese, ami nyenyaŋa fi nsio ke anyan idut, nnyuŋ nsio ubon fo ke isɔŋ oro etaŋde mmɔ eka; ndien Jacob eyefiak, onyuŋ etie suŋ ke ifure, baba owo kiet idinyuŋ inamke enye edikhe.

JEREMIAH 30:18

Ntem ke Jehovah ɔdɔhɔ, ete, Sese, ami nyeda mme tent Jacob emi eketaŋde efep mfiak ndi, nnyuŋ ntua iduŋ esie mbɔm; eyenyuŋ ebɔp obio ke obot esiemɔ, ndien ufɔk edidem eyetie nte enye akam esitiede.

JEREMIAH 30:4

Ndien mme mmɔ emi edi ikɔ oro Jehovah ɔkɔdɔhɔde Israel ye Judah, ete,

JEREMIAH 31:16

Ntem ke Jehovah ɔdɔhɔ, ete, Dop uyo fo, kutua eyet, tre enyin fo mmɔŋ eyet: koro utom fo enyenede utip, Jehovah ɔdɔhɔ: ndien mmɔ eyeto ke isɔŋ mme asua efiak edi.

JEREMIAH 31:23

Ntem ke Jehovah mme udim Abasi Israel ɔdɔhɔ, ete, Mmɔ eyesuk edɔhɔ ikɔ emi ke isɔŋ Judah, ye ke mme obio esie, ke ini ndidade mmɔ ke itie-mbuot-ekɔŋ mfiak ndi, ete, Jehovah osuk ɔdiɔŋ fi, O iduŋ eti ido, O edisana obot.

JEREMIAH 31:27

Jehovah ɔdɔhɔ, ete Sese, mme usen ke edi eke ndidade mkpasip owo ye mkpasip ufene nsuan ke ufɔk Israel ye ke ufɔk Judah.

JEREMIAH 31:31

Jehovah ɔdɔhɔ, ete, Sese, mme usen ke edi eke ndinamde obufa ediomi ye ufɔk Israel, ye ufɔk Judah;

JEREMIAH 31:38

Jehovah ɔdɔhɔ ete, Sese, mme usen ke edi eke mmɔ edibɔpde obio enɔ Jehovah, ɔtɔŋɔde ke edikoŋ ufɔk Hananel tutu osim ke inua-otop inuk.

JEREMIAH 32:37

sese, ami nyetaŋ mmɔ ke kpukpru mme idut emi ŋkebinde mmɔ nsin do, ke iyaresit mi, ye ke ifuresit mi, ye ke akwa ikpahesit, mbon; ndien nda mmɔ mfiak ke ɔtɔ emi, nnyuŋ nyak mmɔ eduŋ ke ifure.

JEREMIAH 32:44

Eyedep iŋwaŋ ke okuk, enyuŋ ewet ŋwed, enyuŋ ebɔp esin idiɔŋɔ, enyuŋ ekot ntiense, ke isɔŋ Benjamin, ye ke edem emi akande Jerusalem okuk, ye ke mme obio Judah, ye ke mme obio obot, ye ke mme obio una-isɔŋ edem inyaŋ, ye ke mme obio edem usuk: koro nyeda mmɔ ke itie mbuot-ekɔŋ mfiak ndi: emi edi uyo Jehovah.

JEREMIAH 33:26

ndien nyemen ubon Jacob ye ubon David owo mi ŋko nduɔk, ndinyuŋ nsioho aba owo eke edikarade ubon Abraham, ye Isaac, ye Jacob, ke ubon esie: koro nyeda nditɔ mmɔ emi eketaŋde efep mfiak ndi, nnyuŋ ntua mmɔ mbɔm.

JEREMIAH 51:60

Ndien Seraiah edi etubom ebiet nna edidem. Ndien Jeremiah ewet ofuri idiɔk-ŋkpɔ eke edisimde Babylon, esin ke nwed kiet, kpa kpukpru ikɔ eke ekewetde ebaŋa Babylon.

EZEKIEL 20:42

Ndien mbufo eyefiɔk ete ke ami ndi Jehovah, ke ini ndidade mbufo ndi ke isɔŋ Israel, ke idut emi ŋkemenerede ubɔk mi, nte ke nyeda enye nnɔ mme ete mbufo.

EZEKIEL 34:13

Ndien nyesio mmɔ ke otu mme idut nnyuŋ ntaŋ mmɔ ke obio mbon, nnyuŋ nda mmɔ ndi ke isɔŋ mmɔ, ndien nyebɔk mmɔ ke ikpɔ obot Israel, ke mben udiɔŋ mmɔŋ, ye ke kpukpru ebiet iduŋ isɔŋ.

EZEKIEL 36:24

Nyenyuŋ mmen mbufo mfep ke mme idut, nnyuŋ ntaŋ mbufo ke kpukpru mme obio; ndien nda mbufo ndi ke isɔŋ mbufo

EZEKIEL 47:14

Ndien mbufo edeme enye eda, kpukpru owo ukem-ukem, isɔŋ emi ŋkemenerede ubɔk mi, nte ke nyeda enye nnɔ mme ete mbufo; ndien isɔŋ emi eyeduɔ ɔnɔ mbufo ke udeme.

JOEL 3:1

KORO, sese, ke eyo oro, ye ke ini oro ndidade nditɔ Judah ye eke Jerusalem emi eketaŋde efep, nnyɔŋ ndi,

ZEPHANIAH 2:7

Mben inyaŋ eyenyuŋ enyene ufɔk Judah eke ɔsuhɔde; mmɔ eyedia ŋkpɔ ke esit: ke ufɔk Ashkelon mmɔ eyesuhɔre ena ke mbubreyo: koro Jehovah Abasi mmɔ eyenɔ mmɔ ufen; ndien enye eyeda mbuot ekɔŋ mmɔ afiak edi.

ZEPHANIAH 3:20

Ke ini oro nyeda mbufo nduk, kpa ke ini emi nditaŋde mbufo mbon; koro nyenim fi ke etop ye ke itoro ke otu kpukpru mme idut ke ererimbot, ke ini emi ndidade mbufo emi edide mbuot-ekɔŋ mfiak ndi, ke enyin mbufo; Jehovah ɔdɔhɔ.

LUKE 17:22

Enye onyuŋ ɔdɔhɔ mbet Esie ete, Ini eyedi eke mbufo ediyomde ndikut usen Eyen Owo kiet, edi mbufo idikwe.

LUKE 19:43

Koro mme usen eyesim fi eke mme asua fo edibotde ibombom ekanare fi, ekan fi ekuk, enyuŋ ebaha fi ke kpukpru ŋkaŋ;

LUKE 21:6

Enye ɔdɔhɔ mmɔ ete, Ama edi mme ŋkpɔ emi mbufo ekutde mi, mme usen eyedi eke midikpɔŋke itiat kiet ke enyɔŋ itiat efen, eke mididorokere enye iduɔk.

DEUTERONOMY 30:3

ndien Jehovah Abasi fo eyenam fi oto ke itie ufin fo afiak, onyuŋ atua fi mbɔm, onyuŋ ɔtɔŋɔ ntak ataŋ fi ke kpukpru mme idut eke Jehovah Abasi fo akasuande fi ekesin do.

DEUTERONOMY 30:5

ndien Jehovah Abasi fo eyeda fi edi ke isɔŋ emi mme usɔ ekenyenede, afo ŋko eyeda enye enyene; ndien enye eyefɔn ye afo, onyuŋ anam fi awak akan mme usɔ.

MME HEBREW 8:8

Koro Abasi okut mmɔ ndo ke idem, onyuŋ ɔdɔhɔ ete, Jehovah ɔdɔhɔ ete, Sese, mme usen ke edi Eke ndinamde obufa ediomi ye Ufɔk Israel ye Ufɔk Judah;