JEREMIAH 30:19 - Edisana ñwed Abasi Ibom

¹⁹ Ndien ekɔm ye uyo mmɔ emi ebrede mbre eyewɔrɔ ke otu mmɔ: nyenyuŋ nnam mmɔ ewak, ndien mmɔ ididige esisit. Nyenyuŋ nnam ekpono mmɔ, ndien mmɔ idikprike.

JEREMIAH 30:19 ပူးပေါင်းရင်းမြစ်များ

EZRA 6:22

mmɔ enyuŋ enim usɔrɔ uyo eke leaven miduhe, ke usen itiaba ke idara: koro Jehovah akanamde esit adat mmɔ, okonyuŋ akabarede esit edidem Assyria ama mmɔ, onyuŋ ɔsɔŋ mmɔ ubɔk ke utom ufɔk Abasi, Abasi Israel.

NEHEMIAH 8:12

Ndien kpukpru owo eka ndidia ŋkpɔ, nnyuŋ ŋŋwɔŋ, nnyuŋ nnɔ enɔ esɔk owo, nnyuŋ nnam akamba idara: koro mmɔ etimde efiɔk ikɔ emi esiakde enɔ mmɔ.

NEHEMIAH 8:17

Ndien ofuri esop oro eketode ke itie mbuot-ekɔŋ efiak edi enam ataya, enyuŋ eduŋ ke ataya oro: koro nditɔ Israel mikanamke ntre toto ke eyo Joshua eyen Nun, tutu osim mfin emi ndien ata akamba idaresit odu:

ŊWED MME PSALM 53:6

Erinyaŋa Israel akpakam oto ke Zion! Ke adaŋemi Abasi adade ikɔt esie emi eketaŋde efep afiak edi, Jacob eyebre, Israel eyedara.

ISAIAH 12:1

NDIEN afo eyedɔhɔ ke usen oro, ete, Nyekɔm fi, O Jehovah; koro afo akayatde esit ye ami; iyaresit fo amakabare ndien afo ke ɔdɔŋ mi esit.

ISAIAH 26:15

Afo anam idut ɔtɔt, O Jehovah, anam idut ɔtɔt; ada ukpono; anam kpukpru adaŋa isɔŋ etara.

ISAIAH 27:6

Ke eyo emi edide, Jacob eyemum oruŋ ke isɔŋ: Israel eyesehe onyuŋ asiaha ikɔŋ, onyuŋ ada mbuŋwum ɔyɔhɔ ke iso ererimbot.

ISAIAH 35:10

ndien mmɔ eke Jehovah akafakde eyefiak edi ke Zion ekwɔ ikwɔ, nsinsi idaresit onyuŋ ayara mmɔ ke ibuot: mbre ye idaresit eyesim mmɔ, mfuhɔ ye eseme eyefeŋe.

ISAIAH 51:11

Ndien mmɔ eke Jehovah afakde eyefiak edi ke Zion ye mkpo; nsinsi idaresit eyedu mmɔ ke ibuot: mbre ye idaresit eyesim mmɔ; mfuhɔ ye eseme eyefeŋe.

ISAIAH 51:3

Koro Jehovah ɔmɔdɔŋ Zion esit: ɔmɔdɔŋ kpukpru mme ŋwure esie esit; omonyuŋ anam wilderness esie ebiet Eden, anam desert esie ebiet iŋwaŋ Jehovah; eyekut mbre ye idara ke esit, ekɔm, ye uyo ikwɔ.

ISAIAH 52:9

Mbufo mme ŋwure Jerusalem, ebumere ekwɔ uyo kiet: koro Jehovah ɔdɔŋde ikɔt esie esit:

ISAIAH 55:5

Sese, afo eyekot idut eke mufiɔkke, ndien idut eke mifiɔkke fi eyefehe ebine fi, abaŋa Jehovah ye Edisana Abasi Israel: koro enye ɔnɔde fi ubɔŋ.

ISAIAH 60:19

Utin ididige aba uŋwana fo ke uwemeyo; ɔfiɔŋ idinyuŋ idaha uŋwana iŋwaŋa fi: ndien Jehovah eyedi nsinsi uŋwana fo, Abasi fo eyenyuŋ edi uyai fo.

ISAIAH 60:22

Ekpri eyekabare edi tɔsin, esisit eyenyuŋ akabare edi ɔkpɔsɔŋ idut: ami Jehovah nyenam enye awara ke ekem ini esie.

ISAIAH 60:9

Koro mme isuo ke ebet mi, mme ubom mbakara Tarshish ebet ke mbemiso, man eda nditɔ mi ke anyan idut edi, silver mmɔ ye gold mmɔ ŋko, esɔk enyiŋ Jehovah Abasi fo, ye Edisana Abasi Israel; koro enye abanade fi.

JEREMIAH 17:26

Ndien mmɔ eyeto ke mme obio Judah, ye ke edem emi akande Jerusalem okuk, ye ke isɔŋ Benjamin, ye ke una-isɔŋ edem inyaŋ, ye ke obot iŋwaŋ, ye ke edem usuk-usuk, eda edifɔp uwa ye uwa emem, ye inuak-udia, ye frankincense, edi, eyenyuŋ eda uwa ekɔm edi ke ufɔk Jehovah.

JEREMIAH 3:16

Jehovah onyuŋ ɔdɔhɔ, ete, Ama ekem, koro mbufo eyewak enyuŋ esiaha ke isɔŋ ke eyo oro, mmɔ ididɔhɔke aba, ite, “Ekebe ediomi Jehovah”: enye idinyuŋ idukke aba mmɔ esit: mmɔ idinyuŋ itihi aba enye; inyuŋ iyomke; inyuŋ inamke aba.

JEREMIAH 31:27

Jehovah ɔdɔhɔ, ete Sese, mme usen ke edi eke ndidade mkpasip owo ye mkpasip ufene nsuan ke ufɔk Israel ye ke ufɔk Judah.

JEREMIAH 31:4

Nyetɔŋɔ ntak ndiɔŋ fi, ndien eyediɔŋ fi, O adiaha Israel: afo eyetɔŋɔ ntak ada ekɔmɔ fo abana idem, onyuŋ ɔwɔrɔ oduk ke unek mmɔ eke ebrede mbre.

JEREMIAH 33:22

Kpa nte emi mikemeke ndibat me udim enyɔŋ, minyuŋ ikemeke ndidomo ntan inyaŋ; kpa ntre ke ndinam ubon David, owo mi, ye mme Levite emi esaŋade utom enɔ mi, ewak.

EZEKIEL 36:37

Ntem ke Ɔbɔŋ Jehovah ɔdɔhɔ ete, Eyesuk ebeŋe mi ŋkpɔ emi enɔ ufɔk Israel, ete nnam nnɔ mmɔ. Nyenam mmɔ ewak owo nte otu ufene.

EZEKIEL 37:10

Ndien ntiŋ prophecy kpa nte enye eketemede mi; ndien spirit oduk mmɔ ke idem, ndien mmɔ edu uwem, enyuŋ edaha eda ke ukot mmɔ, ata akamba udim owo eti-eti.

EZEKIEL 37:26

nyenyuŋ nnam ediomi emem ye mmɔ; eyedi nsinsi ediomi ye mmɔ; ndien nyenim mmɔ (ke itie), nnyuŋ nnam mmɔ ewak, nnyuŋ ŋwuk mmɔ edisana ebiet mi ke ufɔt ke nsinsi.

ZECHARIAH 10:8

Nyesi ŋkot mmɔ, nnyuŋ ntaŋ mmɔ mbon; koro mmafak mmɔ: ndien mmɔ eyewak nte ekewakde.

ZECHARIAH 12:8

Ke usen oro Jehovah eyekpeme mme andiduŋ Jerusalem; ndien mmeme-mmeme owo ke otu mmɔ eyebiet David ke usen oro; ufɔk David eyenyuŋ ebiet Abasi, ebiet angel Jehovah ke iso mmɔ.

ZECHARIAH 2:4

Ndien ɔdɔhɔ enye, ete, Fehe kɔdɔhɔ akparawa emi, ete Jerusalem eyeduŋ obio-iŋwaŋ, oto ke uwak owo ye eke ufene eke edude ke esit.

ZECHARIAH 8:19

Ntem ke Jehovah mme udim ɔdɔhɔ, ete, Utre-udia ɔyɔhɔ ɔfiɔŋ inaŋ, ye utre-udia ɔfiɔŋ ition, ye utre-udia ɔfiɔŋ itiaba, ye utre-udia ɔfiɔŋ duop, eyedi ini idara ye mbre ufɔk Judah, ye nti usɔrɔ. Mbufo ema ndien akpanikɔ ye emem.

JOHN 17:22

Mmonyuŋ nyak ubɔŋ emi Afo ɔkɔnɔde Mi nnɔ mɔ; man mmɔ edi kiet, kpa nte nnyin idide kiet;

1 PETER 1:7

man mbuɔtidem mbufo emi ema edomo ewut, emi ɔsɔŋde urua akan mbiara gold eke edade ikaŋ edomo, ɔkpɔwɔrɔ edi ŋkpɔ itoro ye ubɔŋ ye ukpono ɔnɔ mbufo ke adaŋemi Jesus Christ ediyararede idem.