JEREMIAH 30:18 - Edisana ñwed Abasi Ibom

¹⁸ Ntem ke Jehovah ɔdɔhɔ, ete, Sese, ami nyeda mme tent Jacob emi eketaŋde efep mfiak ndi, nnyuŋ ntua iduŋ esie mbɔm; eyenyuŋ ebɔp obio ke obot esiemɔ, ndien ufɔk edidem eyetie nte enye akam esitiede.

JEREMIAH 30:18 ပူးပေါင်းရင်းမြစ်များ

1 CHRONICLES 29:1

EKEM David edidem ɔdɔhɔ ofuri esop, ete, Solomon eyen mi, emi Abasi emekde ikpɔŋ-ikpɔŋ, edi eyenɔwɔŋ, onyuŋ esehe, ndien utom oro omokpon: koro temple emi midige eke owo, edi enyene Jehovah Abasi.

1 CHRONICLES 29:19

nyuŋ nɔ Solomon eyen mi esit kiet, man enye onim ibet fo, ye ido fo, ye mme ewuhɔ fo, onyuŋ anam kpukpru, onyuŋ ɔbɔp temple emi ntimde ŋkpɔ mbeŋe.

NEHEMIAH 7:4

Ndien obio enyene ubom, onyuŋ okpon, edi mbio-obio iwakke ke esit, mmɔ ika-inyuŋ ibɔpke ufɔk.

ŊWED MME PSALM 102:13

Afo eyedaha ke enyɔŋ atua Zion mbɔm: koro emekem ke ini nte afo ɔfɔnde ido ye enye, kpa ini emi enimde.

ŊWED MME PSALM 102:14

Koro mme itiat esie enemde ikɔt fo esit, mmɔ enyuŋ etua ntan ŋwure esie mbɔm.

ŊWED MME PSALM 122:7

Yak emem odu ke esit ibibene fo, ye ifure ke ikpɔ ufɔk fo.

ŊWED MME PSALM 48:13

Esin esit mbufo ke ibibene esie, etim ekere ikpɔ ufɔk esie; man mbufo ekpebuk enɔ emana ke iso.

ŊWED MME PSALM 48:3

Emefiɔk Abasi ke ikpɔ ufɔk esie, ete ke enye edi ebiet-ubɔhɔ.

ŊWED MME PSALM 78:69

Ndien enye ɔbɔp edisana ebiet esie nte edikoŋ ufɔk, kpa nte ererimbot emi enye onimde ke itie ke nsinsi.

ŊWED MME PSALM 85:1

O JEHOVAH, afo ɔmɔfɔn ido ye isɔŋ fo: amafiak etiene nditɔ Jacob emi eketaŋde efep.

ISAIAH 44:26

edi enye ɔsɔŋɔ owuk ikɔ owo esie, onyuŋ anam item mme isuŋutom esie ɔwɔrɔ; emi ɔdɔhɔde Jerusalem, ete, Eyeduŋ enye ke esit; ɔdɔhɔ mme obio Judah, ete, Eyebɔp mmɔ, ami nyenyuŋ ndiɔŋ ŋwure esie:

ISAIAH 44:28

emi ɔdɔhɔde abaŋa Cyrus, ete, Ekpemerɔŋ mi, ndien enye eyenam kpukpru se mmade ama: eyenyuŋ ɔdɔhɔ Jerusalem, ete, Eyediɔŋ fi; ɔdɔhɔ temple, ete, Eyetɔŋɔ ndibɔp fi.

JEREMIAH 23:3

Ndien ami nyetaŋ ufene mi emi esuhɔde ke kpukpru mme idut eke mbinde mmɔ nsin do, mbon, nyenyuŋ nda mmɔ mfiak ke ebiet nna mmɔ; ndien mmɔ eyetɔt enyuŋ ewak.

JEREMIAH 29:11

Koro ami mmɔfiɔk ekikere emi ŋkerede mbaŋa mbufo, Jehovah ɔdɔhɔ, ekikere emem, idige eke idiɔk, man nnɔ mbufo utit ye idorienyin.

JEREMIAH 29:14

Jehovah ɔdɔhɔ, ete, Mbufo eyenyuŋ ekut mi; ndien ami nyeyak mbufo eto ke itie mbuot-ekɔŋ enyɔŋ edi, nnyuŋ ntaŋ mbufo ke kpukpru mme idut, ye ke kpukpru ebiet eke mbinde mbufo nsin do, ndibon, Jehovah ɔdɔhɔ; nyenyuŋ nda mbufo mfiak ndi ke ebiet eke ŋkayakde mmɔ etaŋ mbufo ke esit efep.

JEREMIAH 30:3

Koro, sese, ini ke edi, Jehovah ɔdɔhɔ, ndien nyeda ikɔt mi Israel ye Judah emi eketaŋde efep mfiak ndi, Jehovah ɔdɔhɔ: nyenyuŋ nda mmɔ nnyɔŋ ndi ke isɔŋ emi ŋkɔnɔde mme ete mmɔ, ndien mmɔ eyeda enye enyene.

JEREMIAH 31:23

Ntem ke Jehovah mme udim Abasi Israel ɔdɔhɔ, ete, Mmɔ eyesuk edɔhɔ ikɔ emi ke isɔŋ Judah, ye ke mme obio esie, ke ini ndidade mmɔ ke itie-mbuot-ekɔŋ mfiak ndi, ete, Jehovah osuk ɔdiɔŋ fi, O iduŋ eti ido, O edisana obot.

JEREMIAH 31:38

Jehovah ɔdɔhɔ ete, Sese, mme usen ke edi eke mmɔ edibɔpde obio enɔ Jehovah, ɔtɔŋɔde ke edikoŋ ufɔk Hananel tutu osim ke inua-otop inuk.

JEREMIAH 31:4

Nyetɔŋɔ ntak ndiɔŋ fi, ndien eyediɔŋ fi, O adiaha Israel: afo eyetɔŋɔ ntak ada ekɔmɔ fo abana idem, onyuŋ ɔwɔrɔ oduk ke unek mmɔ eke ebrede mbre.

JEREMIAH 31:40

Ndien ofuri ebedeŋ mme okpo ye eke ntɔŋ, ye ofuri ntaŋwaŋ ebiet tutu osim ebedeŋ Kidron, ye inuk inua-otop mme horse, ke edem usiakha-utin, eyedi edisana ebiet Jehovah; ididibekede enye, enye idinyuŋ ibiarake aba ke nsinsi.

JEREMIAH 32:15

Koro ntem ke Jehovah mme udim Abasi Israel ɔdɔhɔ ete, Eyetɔŋɔ ntak edep ufɔk ye iŋwaŋ ye iŋwaŋ-vine ke isɔŋ emi.

JEREMIAH 32:44

Eyedep iŋwaŋ ke okuk, enyuŋ ewet ŋwed, enyuŋ ebɔp esin idiɔŋɔ, enyuŋ ekot ntiense, ke isɔŋ Benjamin, ye ke edem emi akande Jerusalem okuk, ye ke mme obio Judah, ye ke mme obio obot, ye ke mme obio una-isɔŋ edem inyaŋ, ye ke mme obio edem usuk: koro nyeda mmɔ ke itie mbuot-ekɔŋ mfiak ndi: emi edi uyo Jehovah.

JEREMIAH 33:11

ke eyekop uyom idara, ye uyom mbre, ye uyo ɔdɔ ŋwan, ye uyo ŋwan ndɔ, ye uyo mmɔ eke edɔhɔde, ete, “Mbufo etoro Jehovah mme udim: koro Jehovah ɔfɔnde; koro ima esie ebigide ke nsinsi”: ye eke mmɔ emi edade ekɔm edi ke ufɔk Jehovah. Koro ami nyeda nditɔ isɔŋ emi eketaŋde efep mfiak ndi, kpa nte akpa; ke edi Jehovah ɔdɔhɔ.

JEREMIAH 33:7

Nyenyuŋ nda nditɔ Judah ye nditɔ Israel emi eketaŋde efep mfiak ndi, nnyuŋ mbɔp mmɔ kpa nte akpa.

JEREMIAH 46:27

O Jacob, owo mi, afo kufehe, ndien, O Israel kunyuŋ ukpa idem: koro, sese, ami nyenyaŋa fi nsio ke anyan ebiet, nyenyaŋa ubon fo nsio ke isɔŋ ntaŋ-mfep mmɔ; ndien Jacob eyefiak edem, onyuŋ etie suŋ, onyuŋ oduŋ ke ifure, ndien baba owo kiet eke anamde enye ndik ididuhe.

JEREMIAH 49:39

Ndien ama ekem ke utit mme usen, nyeda nditɔ Elam emi eketaŋde efep mfiak ndi. Uyo Jehovah edi emi.

JEREMIAH 49:6

Ndien ke ini oro ebede, nyeda nditɔ Ammon emi mmɔ eketaŋde efep mfiak ndi. Edi Jehovah ɔdɔhɔ.

EZEKIEL 36:11

nyenyuŋ nnam owo ye ufene ewak ke enyɔŋ mbufo; ndien mmɔ eyewak enyuŋ etɔt: nnyuŋ nyak mbufo edaŋ kpa nte ke eyo oko, nnyuŋ mfɔn ido ye mbufo ŋkan nte ŋkɔfɔnde ke eritɔŋɔ mbufo: ndien mbufo eyefiɔk ete ke ami ndi Jehovah.

AMOS 9:14

Ndien nyeda ikɔt mi Israel emi eketaŋde efep nnyɔŋ ndi: ndien mmɔ eyebɔp mme obio emi enade ikpikpu, ndien eduŋ (ke esit); mmɔ eyenyuŋ etɔ iŋwaŋ-vine, enyuŋ eŋwɔŋ wine mmɔ: enyuŋ enam iŋwaŋ, ndien edia mfri mmɔ.

ZECHARIAH 1:12

Ndien angel ɔbɔrɔ, ete, O Jehovah mme udim, adaŋa didie ke afo udutuaha Jerusalem mbɔm, ye mme obio Judah emi afo ayatde esit ye mmɔ ke ofuri isua ata ye duop emi?

ZECHARIAH 1:16

Mmɔdo ntem ke Jehovah ɔdɔhɔ ete, Nda esit mbɔm mfiak ke Jerusalem: eyebɔp ufɔk mi ke esit, Jehovah mme udim ɔdɔhɔ; ndien eyenyam uruk ke Jerusalem.

ZECHARIAH 12:6

Ke usen oro nyenim mme etubom Judah ke eso ikaŋ ke otu ifia, ye ke nsaraŋ-ikaŋ ke ebek; ndien mme eyeta kpukpru mme idut emi ekande ekuk ke nnasia ye ke ufien: ndien Jerusalem eyesuk eduŋ ke ɔtɔ esie, kpa ke Jerusalem.

ZECHARIAH 12:7

Ndien Jehovah eyebem iso anyaŋa mme tent Judah, man ubɔŋ ufɔk David ye ubɔŋ mme andiduŋ Jerusalem ekumenere idem ekan Judah.

ZECHARIAH 14:10

Ofuri isɔŋ eyekabare ebiet una-isɔŋ ɔtɔŋɔde ke Geba tutu osim ke Rimmon, ke edem usuk Jerusalem: enye (Jerusalem) eye-nyuŋ okoŋ, ndien eyeduŋ enye ke itie esie, ɔtɔŋɔde ke inua-otop Benjamin, tutu osim ɔtɔ akpa inua-otop, tutu osim ke inua-otop inuk, onyuŋ ɔtɔŋɔde ke tower Hananel tutu osim ɔtɔ unim wine edidem.