JEREMIAH 30:16 - Edisana ñwed Abasi Ibom

¹⁶ Mmɔdo eyedia kpukpru mmɔ eke ediade fi; kpukpru mme asua fo, kpukpru mmɔ eyeka ke otu mbon ntaŋ-mfep; ndien mmɔ eke ebumede fi eyedi se edibumede: nyenyuŋ nda mmɔ eke ewode fi nnim ke se ewode.

JEREMIAH 30:16 ပူးပေါင်းရင်းမြစ်များ

ŊWED MME PSALM 129:5

Kpukpru mmɔ eke esuade Zion ekut but enyuŋ efiak edem.

EXODUS 23:22

Koro afo ama otim okop uyo esie, onyuŋ anam kpukpru se ndɔhɔde; ndien nyedi asua mme asua fo, nyenyuŋ ntɔhɔ utɔk ye mmɔ eke etɔhɔde ye afo.

MME ŊKE 22:23

Koro Jehovah eyekpe ikpe mmɔ, onyuŋ abiat mme andibiat ukpɔŋ mmɔ.

ISAIAH 14:2

Ndien mbio-obio eyemen mmɔ eda edi ke ebiet mmɔ: ufɔk Israel eyenyuŋ ada mmɔ enyene ke isɔŋ Jehovah, onim ke ifin iren ye ifin iban: ntre ke mmɔ editaŋ mme mmɔ emi eketaŋde mmɔ efep; enyuŋ ekara mme mmɔ emi eketukde mmɔ.

ISAIAH 33:1

IFƆNKE fɔn inɔ fi emi obumede, ndien mibumeke fi; emi onyuŋ owode ŋwo, ndien miwoho ŋwo ye afo! ke ini afo etrede ndibume eyebume fi; ama onyuŋ owo ŋwo ama, eyewo ŋwo ye afo.

ISAIAH 54:15

Anie osop ntem abaŋa fi? enye eyekabare adian idem ye afo.

ISAIAH 54:17

Baba ŋkpɔ ekɔŋ kiet eke ebotde ebaŋa fi idikwe unen; afo eyenyuŋ anam ikɔ otip kpukpru edeme eke edahade eda enam ikɔ ye afo. Jehovah ɔdɔhɔ ete, Emi edi udeme ikɔt Jehovah, edinen ido mmɔ onyuŋ oto ye ami.

JEREMIAH 10:25

Ŋwaŋa iyaresit fo ke idem mme idut eke mifiɔkke fi, ye ke mme ufɔk eke mikotke fi enyiŋ: koro emedia Jacob, mmɔ esuk eta enye, enyuŋ etak enye, enyuŋ esobo iduŋ esie.

JEREMIAH 12:14

Ntem ke Jehovah ɔdɔhɔ abaŋa kpukpru mme idiɔk mbɔhiduŋ mi, emi etukde udeme emi ŋkɔnɔde ikɔt mi Israel enyene; ete, Sese, nyedibere mmɔ ke isɔŋ mmɔ mfep, nnyuŋ ndibere ufɔk Judah ke ufɔt mmɔ.

JEREMIAH 2:3

Israel ekedi edisana ikɔt Jehovah, akpa mfri ŋkɔri esie: kpukpru mmɔ eke ediade enye ekedue isop; idiɔk-ŋkpɔ okosim mmɔ; Jehovah ɔdɔhɔ.

JEREMIAH 25:12

Ndien Jehovah ɔdɔhɔ ete, Ama ekem ke ini isua ata ye duop emi ekurede, nyeda ufen ntiene edidem Babylon, ye idut oro, kpa idut mme Chaldean, mbaŋa idiɔk ido mmɔ, nyenyuŋ nsin enye ke nsinsi ndon.

JEREMIAH 30:15

Nsinam afo atuade abaŋa unan fo? Ubiak fo ɔmɔdiɔk akan: koro mme idiɔk ido fo ewakde, mme ukwaŋ-ŋkpɔ fo enyuŋ ekɔride, ami nnam fi ŋkpɔ emi.

JEREMIAH 50:28

Uyo mmɔ emi efeŋede enyuŋ ebɔhɔde ekpɔŋ isɔŋ Babylon, man ekwɔrɔ usiene Jehovah Abasi nnyin ke Zion, kpa usiene temple esie.

JEREMIAH 8:16

Ekop nte mme horse esie efiaride ke Dan: uyo emi mkpɔsɔŋ horse esie esiorode esin ofuri isɔŋ enyek; ndien mmɔ eyedi edidia isɔŋ ye kpukpru se iyɔhɔde ke esit, edia obio ye mmɔ eke eduŋde ke esit.

ŊWED ESEME 1:21

Mmɔ ekop ete ke ami nseme; nnyuŋ nnyeneke owo eke ɔdɔŋde mi esit: kpukpru mme asua mi ekop ebaŋa idiɔk itie mi; esit adat mmɔ, koro afo anamde mi: afo eyeda usen eke afo okokotde edi, man mmɔ ebiet mi.

ŊWED ESEME 1:22

Ofuri idiɔk ido mmɔ eyedi ke iso fo; nam mmɔ ndien kpa nte afo akanamde mi, abaŋa kpukpru mme ukwaŋ-ŋkpɔ mi: koro eseme mi awakde, esit mi onyuŋ etiede mba-mba.

EZEKIEL 29:6

Ndien kpukpru mme andiduŋ Egypt eyefiɔk ete ke ami ndi Jehovah, koro mmɔ edide esaŋ nnyanyaŋa ufɔk Israel.

EZEKIEL 35:5

Koro afo enyenede nsinsi udu, onyuŋ emende nditɔ Israel ɔnɔ ke ubɔk ofut ke ini ŋkpɔ anamde mmɔ, ke ini akpatre idiɔk ido.

JOEL 3:8

ndien nyenyam nditɔ-iren mbufo ye nditɔ mbufo iban nsin ke ubɔk nditɔ Judah; ndien mmɔ eyeda mmɔ enyam enɔ mbon Sheba ke anyan idut koro edi Jehovah ɔdɔhɔ.

MICAH 4:11

Ndien ke emi ediwak mme idut emesop idem ebaŋa fi, eke edɔhɔde, ete, Yak esabare enye, yak enyin nnyin enyuŋ ese Zion.

MICAH 7:10

Ndien usua mi eyekut, ndien but eyefuk enye emi ɔkɔdɔhɔde mi, ete, Jehovah Abasi fo odu mmɔŋ? Enyin mi eyekut enye: ke emi enye eyedi se edigide nte mbat aŋwa.

NAHUM 1:8

Edi enye eyeda akwa ɔtɔ mmɔŋ osobo ebiet esie; ndien ekim eyebine mme asua esie.

HABAKKUK 2:16

But ɔyɔhɔ fi ke idem, idige ubɔŋ: afo ŋwɔŋ ŋko; ndien eyekut ete ke unaŋa mbobi: cup ubɔk nnasia Jehovah eyekanade osim fi:

ZEPHANIAH 2:8

Ŋkokop esuene Moab, ye isuŋi nditɔ Ammon, emi mmɔ esuenede ikɔt mi, enyuŋ eseride iseri ebaŋa adaŋa mmɔ

ZECHARIAH 1:14

Ndien angel oro enemede ye ami ɔdɔhɔ mi, ete, Fiori ete, Ntem ke Jehovah mme udim ɔdɔhɔ ete, Mmofibe akamba ufup mbaŋa Jerusalem ye Zion.

ZECHARIAH 1:15

Ami nnyuŋ nyat esit eti-eti ye mme idut emi etiede ke ifure: koro ami ŋkayatde esit esisit, ndien mmɔ eŋwam idiɔk oro enam aka iso.

ZECHARIAH 12:2

Sese, ami mmɔŋ nnim Jerusalem ke cup nnyek-idem nnɔ kpukpru mme idut emi ekande ekuk; ndien ŋko enye eyena ɔnɔ Judah ke ukuk eke mmɔ ekande Jerusalem ekuk.

ZECHARIAH 14:2

Nyenyuŋ mbon kpukpru mme idut ndi Jerusalem, nte eŋwana ekɔŋ; ndien mmɔ eyeda obio, enyuŋ ebume ufɔk, enyuŋ esabare iban; ndien etaŋ ubak obio enyɔŋɔ nte mbuot-ekɔŋ, ndien idisibeke mbio eke esuhɔde ke obio ifep.

ZECHARIAH 2:12

Ndien Jehovah eyeda Judah udeme esie enyene ke edisana isɔŋ, onyuŋ emek Jerusalem ŋko.

ZECHARIAH 2:8

Koro ntem ke Jehovah mme udim ɔdɔhɔ, ete Ke ini ubɔŋ edide, enye eyedɔŋ mi utom ke ɔtɔ mme idut oro ekebumede mbufo: koro enye emi otukde mbufo otuk eyen enyin esie.

DEUTERONOMY 30:7

Ndien Jehovah Abasi fo eyeda kpukpru isuŋi emi odori mbon asua fo, ye mmɔ eke mimaŋa fi, eke ekɔbɔde fi.

ERIYARARE 13:10

Edieke ekenimde enɔ owo ndidi ibuot-ekɔŋ, enye eyedi ibuot-ekɔŋ; edieke owo owotde owo ke ofut, eyeda ofut ewot enye. Edi mi ke ime ye mbuɔtidem ikɔt Abasi ewut idem.

1 SAMUEL 17:53

Ndien nditɔ Israel eto ndibine mme Philistine efiak edem, ekebume nna-ekɔŋ mmɔ.